San Lucas 5:10 - El Nuevo Testamento

¹⁰ Kaxon xronka ndo Jacobo ko ndo Juan, chjenꞌen ndo Zebedeo, sen meꞌe tingijna ndo Simón ncheꞌe sen ixra̱. Ko ndo Jesús ndachro ndo: ―Xronkaꞌia, saꞌó kuatse kuchee̱ ko jai tsaxia xronichjeꞌe chujni kondeena janꞌan.

San Lucas 5:10 Iomraidhean Croise

Mateo 13:47

Tjumeꞌe ndachro ndo Jesús: ―Ti jii ti tetuanꞌan ndo Dio jii xranchi naa nochaꞌa, ko sen itsé kuchee̱ tjankaꞌngi sen nochaꞌa meꞌe ixi xrotsé sen ngixeꞌi kuchee̱ jingi inda.

Mateo 14:27

Ko ndo Jesús tuinxin nichjeꞌe ndo sen: ―Xrakonꞌanta ixi janꞌan juiꞌi.

Mateo 20:20

Tjumeꞌe janée ndo Jacob ko ndo Juan, chjenꞌen ndo Zebedeo, jeꞌe jan ko yui chjenꞌen jan konchjiñeꞌe sen ngajin ndo Jesús ko bakeꞌexin jan ntatuchiꞌin jan ngajin ndo Jesús ko kuinóatée jan ngajin ndo.

Mateo 4:19

Ko ndo Jesús ndache ndo sen: ―Xrokuiinta ruaꞌnaninta ko janꞌan sintakuanꞌannta xronichjeꞌenta chujni meꞌe tsitikaon na̱ najanꞌan, ko xrokjui xranchi xrotsénta kuchee̱.

Mateo 4:21

Ko kuiji ndo Jesús ícha ndáꞌa bikon ndo íjngo yuu sen, ko sen meꞌe kaxon kichuu sen, naa ndo ndatinꞌin Jacob ko inaa ndo ndatinꞌin Juan, yui sen chjenꞌen ndo Zebedeo ko yui sen stekao sen ndotée sen ngaxinꞌin nta̱barco ixi stetjaun sen nochaꞌa tséxin sen kuchee̱. Tjumeꞌe ndo Jesús kuiyeꞌe ndo sen.

Marcos 1:17

Ko ndachro ndo Jesús: ―Ruaꞌnaninta, ko xrotjáꞌanta ixra̱ xrotsénta chujni ixi tsitikaonna na̱.

San Lucas 5:7

Ko tjakaxin kichuu sen steyá inaa nta̱barco ixi tsonchjiñeꞌe sen tsingijna kichuu sen. Ko kui̱i̱ sen ko juinchekaon sen yui nta̱barco ko jeꞌe nta̱a̱ kuechjenꞌen nta̱a̱ ko ó xrojamangi nta̱a̱ ixi kueya kuama nta̱a̱.

San Lucas 5:9

Méxin, ndo Simón ko sen ste ngajin ndo xronka sen ixi kueya kuchee̱ itsé sen.

San Lucas 6:14

Ko sen meꞌe jaꞌin ndatinꞌin sen: ndo Simón, meꞌe ndo Jesús juinchekinꞌin ndo Pedro; ko xikichuu ndo ndatinꞌin Andrés; ndo Jacobo, ndo Juan, ndo Felipe ndo Bartolomé,

San Juan 21:2

Naakua ste sen, ndo Simón Pedro ko ndo Tomás, xi nchekinꞌin sen xjan Kuatsi, ko ndo Natanael, xi tsiki̱ꞌxi̱n tjajna Caná nunte Galilea, ko yuu chjenꞌen ndo Zebedeo ko íjngo yuu sen bakajikao ndo Jesús.

Hechos 2:4

Ko kain sen kuayéꞌe sen Espíritue ndo Dio, ko tjumeꞌe kain sen kuaxi sen nichja sen inaa ngigua ixi Espíritue ndo Dio kuajon xronichja sen.

2 Corintios 8:23

Xraxaonnta ixi ndo Tito, ndo tjento, tingijnana ndo ixra̱ ntaꞌana ngajinnta. Ko sen yuu tsijikao ndo, sen niꞌngo kuincheꞌe sen ixi tjaun sen tsiji sen ngajinnta ko jaña tsajon sen juasaya ngajin ndo Cristo.

2 Timoteo 2:26

Jaña tsantjeꞌe ikon na̱ ko tsienxin na̱, meꞌe satsingeꞌe na̱ ti tjaun Xixronꞌanxrée sincheꞌe na̱.