San Lucas 4:18 - El Nuevo Testamento

¹⁸ Espíritue ndo Dio jii ngataꞌana, ko kuayáꞌa̱ juachaxin xronichja chijnie ndo tsayéꞌe ni nóa. Xruanꞌanna ndo ixi sintaxruanꞌan ni tangi ste, ko tsantsje jíee ni stejeꞌe̱, ko sintaxruanꞌan ni tikonꞌa; ko tsingijna ni stechrua,

San Lucas 4:18 Iomraidhean Croise

Mateo 11:5

Tekiꞌénta ndo ixi sen tikonꞌa, ó tikon sen, sen ntarengo ó ichrji sen ko sen kuachónda ichin lepra ó koxruenꞌen sen, sen ntakuxro, tinꞌen sen; kaxon sen tsikenꞌen xechón sen ko sen nóa stetinꞌen sen chijnie ndo Dio.

Mateo 12:18

Ndo kuinchaꞌa, ntiꞌi jii ndo ngajinnta, ndo sincheꞌe ixra̱ ngaji̱n, janꞌan tsango tjuaꞌa ndo ko jeꞌe ndo tsango nchexruxinꞌen ndo aséenna, ko janꞌan tsakée espírituna ngataꞌa ndo ixi jeꞌe ndo xrochronga ndo chijnina ngajin kain tjajna jii ngataꞌa nunte xasintajni, ko chijnina meꞌe tsóñaxin ijie̱ ngataꞌa kain chujni tsitikaonꞌana.

Mateo 12:20

Ko ísincheníeꞌa ndo sen ó tsikoniꞌe, ko juaꞌi naatsóñaxón ndo sen ó jiteꞌen. Naꞌi. Jeꞌe ndo sinchesoji ndo aséen sen sojiꞌa ko jeꞌe ndo sincheꞌe ndo ixra̱ tsija nchakon jeꞌe ndo sinchéña ndo ijie̱.

Mateo 4:16

Chujni tjajna ste naxixeꞌe bikon na̱ ijié xroꞌi, ko ni ste ti jii tsaꞌon neꞌe xichononte, xroꞌi bingasáñeꞌe na̱.

Mateo 5:3

―Juaxruxin tsakeꞌe sen xraxaon ixi nduaxin xrokondeꞌe sen ndo Dio ixi sen meꞌe tsayéꞌe sen juachaxin tsintee sen ti tetuanꞌan ndo Dio.

San Lucas 4:17

Ko chjée na̱ ndo xroon tsikjin ndo kuanichjaxin chijnie ndo Dio ó saꞌó, ndo Isaías. Ko jeꞌe ndo kuantjeꞌe ndo xroon ko juée ndo ti jitaxin jaꞌin:

San Lucas 6:20

Ko tjumeꞌe ndo Jesús xendua ndo tsjeꞌe ndo sen teyuu chrikao ndo ko ndachro ndo: ―Juaxruxin tsakeꞌenta ti nóanta ixi tsayeꞌenta juachaxin tsixinꞌinnta ti tetuanꞌan ndo Dio.

San Lucas 7:22

Méxin, ndo Jesús ndache ndo sen xruanꞌan ndo Juan: ―Itjinta, tindachenta ndo Juan ti bikonta ko ti kuinꞌennta: ni tikonꞌa, chao tikon na̱, ko ni ntarengo chao ichrji na̱, ko ni kuachónda ichin lepra, jai íxroꞌan ichin chónda na̱, ko ni bakienꞌa, chao tinꞌen na̱, ko ni kuenꞌen, jai xechón na̱, ko ni nóa kuinꞌen na̱ chijni jian ixi tsachrje ijie̱ chónda na̱.

San Juan 1:41

Ndo Andrés tuinxin ikjui ndo bijée ndo ndo kichuu ndo, ndo Simón, ko ndachro ndo: ―Kuitjána ndo Mesías. Mesías xrondachro Cristo.

San Juan 12:46

Janꞌan xroꞌi kui̱i̱ nunte xasintajni ixi sen titikaonna tsakeꞌa sen ti naxixeꞌe.

San Juan 3:34

ixi ndo xruanꞌan ndo Dio nichja ndo chijnie ndo Dio, ixi jeꞌe ndo kuayéꞌe ndo kain juachaxien Espíritue ndo Dio.

Hechos 10:38

Jaꞌanta ó noꞌanta ixi ndo Dio kuajon ndo juachaxien Espíritue ndo kuayéꞌe ndo Jesús, ndo tsiki̱ꞌxi̱n tjajna Nazaret ko ó noꞌanta kaxon ixi ndo Jesús jian juincheꞌe ndo ko juinchexruenꞌen ndo kain ni tangi ste kondeexin Xixronꞌanxrée. Jaña jian juincheꞌe ndo Jesús ixi ndo Dio jii ngajin ndo.

Hechos 26:18

Méxin, tetuanꞌan satsjia ti ste ni titikaonꞌa ixi tsakintjeꞌe ikon na̱ ko ítsajiꞌa na̱ chaꞌo naxixeꞌe ixi chao meꞌe xrokjan chaꞌo tingasáña ko íxrochóndaꞌi Xixronꞌanxrée juachaxin tsetuenꞌen xa aséen na̱. Ko jai xrochuntiana na̱ janꞌan ko janꞌan tsayáꞌa̱ na̱ ko sintamaꞌa ijie̱ chónda na̱ ko tsayéꞌe na̱ juachaxin tsakeꞌe na̱ ti no tsakeꞌe kain sen titikaonna”, ichro Ncháina Jesucristo.

Hechos 4:26

Sen rey jii nunte xasintajni ko kain ni tjajna naakua xraka na̱ ningakonꞌen na̱ Ncháina Dio ko ndo Cristo.

Hechos 4:27

*’Nduaxin xi Herodes, ko xi Poncio Pilato, ko ni tsikjixin ikjín, ko ni israelita tsixraꞌo tjajna ntiꞌi ixi ningakonꞌen na̱ Chjanꞌan ndo Jesús, ndo chóndaꞌi ijie̱, meꞌe ndo kuincheꞌenta tsóña ndo Mesías.

Colosenses 1:13

Jeꞌe ndo kuakintsjexinna ndo ti naxixeꞌe ko chjai̱na ndo juachaxin tsinteena ti tetuanꞌan Chjenꞌen ndo, xjan ícha tjueꞌe ndo, ko jai ti naxixeꞌe ítetuanꞌi ngaya aséei̱na

Santiago 2:5

Jaꞌanta kichuuna tsango tjuaꞌanta, tinꞌennta jiꞌi: Ndo Dio tsikincheꞌe ndo sen nóa jii ngataꞌa nunte ntiꞌi ixi jeꞌe sen ícha tjintee sen ixi chuntia sen ndo Dio, ko sen meꞌe jai tsayéꞌe sen juachaxien ndo ko tsi̱i̱ nchakon tsayéꞌe sen juachaxin tixinꞌin sen ti tetuanꞌan jeꞌe ndo ixi jaña tsindachro ndo tsayéꞌe kain sen tjueꞌe ndo.

1 Pedro 2:9

*Ko jaꞌanta, ndo Dio tsikinchaꞌanta ndo meꞌe tsikjannta ndotaana sincheꞌe ixra̱ ngajin ndo Rey, ko jaꞌanta naa tjajnée ndo, naa tjajna tjúá. Ko ndo Dio kuantsjexinnta ndo ti naxixeꞌe ko kuajon ndo juachaxin tsixinꞌinnta ti chaxro tingasáña, ko jaña xrochronganta ngeꞌe jian juincheꞌe ndo Dio.