San Lucas 23:34 - El Nuevo Testamento

³⁴ Ko ndo Jesús ndache ndo ndotée ndo: ―Ndotána, tjáñaꞌanta ti ndakoꞌa stenchena na̱ ixi jeꞌe na̱ noeꞌa na̱ ngeꞌe stencheꞌe na̱. Ko xi soldado sondaonxin xa ixro ixi tsonoꞌe xa ngisen tsjacha manta jiá ndo Jesús.

San Lucas 23:34 Iomraidhean Croise

Mateo 11:25

Hora meꞌe ndo Jesús nichja ndo ngajin Ndotée ndo ko jaꞌin ndachro ndo: ―Ndotána, tjáꞌanta juasiana, Nchée ngajní ko nunte xasintajni, ixi jaꞌanta kueméꞌenta chujni tsango noꞌe ko ni tsango tsikangi xroon, ko juinchekueꞌennta kain jiꞌi ngajin sen nchejiéꞌa aséen.

Mateo 11:26

Ndotána, jaña konꞌen ixi jaꞌanta jaña fiaonnta.

Mateo 5:44

Ko janꞌan ntatjunta ixi tjueꞌenta ni ningakonꞌannta, ko ndachenta ndo Dio sinchenchaon ndo ni ndakoꞌa nichjaꞌanta, ko tingijnanta ni ningakonꞌannta, ko ndachenta ndo Dio ixi sincheméꞌe ndo ti ndakoꞌa juintaꞌanta na̱ ko ti chinga nichja na̱ ixi jaꞌanta ko ti benginta na̱.

Marcos 15:24

Tjumeꞌe xi soldado kuenito xa ndo Jesús nganito nta̱cru. Ko juexin jiꞌi, sondaonxin xa ixro ixi jaña tsonoꞌe xa ngisen tsjacha tsituꞌe ngujngu manta jiá ndo.

San Lucas 22:42

Ko ndachro ndo: ―Ndotána, siá tjaunnta, tsatsinga kain ngeꞌe tangi tsónna ko tsoenꞌa xranchi janꞌan tjaꞌon, tsonꞌen xranchi tjaun jaꞌanta.

San Juan 17:9

’Janꞌan tjanchaꞌanta ixi tsingijnanta sen meꞌe. Jeꞌa tjanchaꞌanta ixi tsingijnanta kain chujni nunte xasintajni. Naꞌi. Jeꞌo tjanchaꞌanta ixi sen chjánanta ko ixi jeꞌe sen chujnianta sen.

San Juan 19:11

Ko juateꞌe ndo Jesús: ―Xroꞌan juachaxin chónda jaꞌa siá jeꞌa Ndotána Dio xrotjáa ndo juachaxin. Ko chujni bikaana ntiꞌi ícha ijie̱ chónda na̱ ixi jaꞌa.

Hechos 16:28

Ko ndo Pablo séen kuyako ndo ndachro ndo: ―Naꞌi, xruanꞌan ngeꞌe nchekua asáan ixi kainna stena ntiꞌi.

Hechos 3:17

’Ko jai kichianna, nónana ixi nchakon jaꞌanta ko ni tetuanꞌan konꞌinta ndo Jesús, noaꞌinta ngeꞌe juincheꞌenta.

Hechos 7:60

Ko bakeꞌexin ntatuchiꞌin ndo ko séen nichja ndo: ―Ncháina Jesús, jaꞌanta tjankataꞌinta ijie̱ ngajin ni stetóñana. Jaña ichro ndo ko ndakuenꞌen ndo.

Romanos 12:14

*Tjancheꞌenta ndo Dio sinchenchaon ndo ni ndakuaꞌi ntaꞌanta ko tjancheꞌanta ndo Dio ixi xrojan ngeꞌe ndakoꞌa tsonꞌen na̱.

1 Corintios 2:8

Ko xroꞌan ni tituanꞌan nunte xasintajni kuienxin na̱ chijni jiꞌi ti tsixraxaon ndo Dio ixi siá jeꞌe na̱ xrokuienxin na̱, xrobakeꞌa na̱ nganito nta̱cru Ncháina Jesucristo, ndo chónda kain juachaxin.

1 Corintios 4:12

*Tsango tonchrjena ixi tjána̱na ntaxinna ixra̱. Ko tenganana na̱ teka ko janꞌanna tjanchaꞌana ndo Dio ixi jeꞌe na̱. Tengina na̱ ko janꞌanna tjuaꞌana na̱.

1 Timoteo 1:13

*Maski seno kuanichjangíꞌa ndo ko bakitikaonꞌa ndo ko bakengi sen titikaon ndo ko chinga banichja kondee jeꞌe ndo, ko maski jaña juintaꞌa, ndo Dio tsango bikonóaꞌna ndo ixi nchakon meꞌe nónaꞌi ngeꞌe juintaꞌa ko kuichuxinꞌa ndo.

1 Pedro 3:9

Ko siá xrojan ngeꞌe ndakoꞌa juintaꞌanta xrojan ngisen, nchekuꞌinta na̱ naxrajeꞌo. Siá koyakuꞌanta na̱, jaꞌanta tuyakuenꞌanta na̱. Cháña tjancheꞌenta ndo Dio sinchenchaon ndo na̱ ixi jaꞌanta noꞌanta ndo Dio kuiyaꞌanta ndo ixi tsayeꞌenta naa ngeꞌe jian tsajon ndo.