San Lucas 20:25 - El Nuevo Testamento

²⁵ Méxin ndachro ndo Jesús: ―Chje̱ꞌénta xi César ti tikinixinꞌen xa, ko chje̱ꞌénta ndo Dio ti tikinixinꞌen ndo tsayéꞌe ndo.

San Lucas 20:25 Iomraidhean Croise

Mateo 17:27

Ko ixi tjaunꞌa tsoñao na̱, itjia ti jii ndachaon ko tjankaꞌngia chika tséxinni kuchee̱ ko kuchee̱ saꞌó xrotsé, tantjeꞌe roꞌa ba, ko tsinchia naa tomi ko tomi meꞌe tjenga ꞌna̱ ti tikinixin janꞌan ko jaꞌa.

Mateo 22:21

Ko jeꞌe na̱ juatingíexin na̱: ―Xi César tetuanꞌan Roma, meꞌe xi ikon. Ko jeꞌe ndo ndachro ndo: ―Chje̱ꞌénta xi César ngeꞌe tjanchia xa ko chje̱ꞌénta ndo Dio ngeꞌe tikinixinꞌen ndo.

Marcos 12:17

Ko juateꞌe ndo Jesús ko ndachro ndo: ―Chje̱ꞌénta xi tetuanꞌan ngeꞌe tikinixinꞌen xa; ko chje̱ꞌénta ndo Dio ngeꞌe tikinixinꞌen ndo. Ko xrakon xa ixi jaña juateꞌe ndo Jesús.

San Lucas 20:24

Tjakoꞌnanta naa tomi. ¿Ngisen ikon jinito ntiꞌi, ko ngeꞌe jitaxin? Ko jeꞌe xa juatingíexin xa ko ndachro xa: ―Ikon xi César.

Hechos 5:29

Tjumeꞌe ndo Pedro ko kaxin sen kuincheꞌe ndo Jesús ndachro sen: ―Janꞌanna xrokonda tsitikaꞌonna ndo Dio saꞌó ko tjumeꞌe tsitikaꞌonna chujni.

1 Corintios 10:31

Nchakon intenta ko tinꞌinnta ko nchakon ncheꞌenta ixra̱, kain jiꞌi ncheꞌenta ixi jaña tsayéꞌe ndo Dio juasaya.

1 Pedro 4:11

Siá xrojan jaꞌanta xronichjanta chijnie ndo Dio, nichjanta xranchi tjaun ndo Dio. Ko siá xrojan jaꞌanta tsingijnanta xrojan ngisen, jian tingijnanta sen meꞌe xranchi juachaxin tjáanta ndo Dio. Ixi kain ixra̱ jian ncheꞌenta, meꞌe jeꞌe ndo tsayéꞌe ndo kain juasaya ixi jeꞌe ndo tikinixinꞌen ndo kain juachaxin, kain nchakon. Jaña tsonꞌen.