San Lucas 18:39 - El Nuevo Testamento

³⁹ Ko ni stetaon ntiꞌa koñaoꞌe na̱ xa ko ndachro na̱ ixi xrotenko xa ko jeꞌe xa ícha séen kuyako xa: ―¡Jaꞌanta kuachrjenixinnta ndo David, tikonóananinta!

San Lucas 18:39 Iomraidhean Croise

Mateo 7:7

’Tjanchianta ko ndo Dio xrotjáanta ndo ngeꞌe tjaunnta. Tjéenta ko tsinchíinta. Tinganta nta̱chja ko xroxitjeꞌe nta̱chja.

Mateo 8:26

Ko jeꞌe ndo ndachro ndo: ―¿Sonda stexronkanta, jaꞌanta? ¿Á chuntiaꞌinta ndo Dio? Tjumeꞌe bingatjen ndo ko kuyakutee ndo chrinto ko ndachaon ko tuinxin ndabakeꞌe nda.

Mateo 9:27

Tjumeꞌe sajuixin ndo Jesús ntiꞌa ko yuu chujni tikonꞌa jiruéꞌe na̱ ndo, ko jaꞌin stetoyako na̱: ―Tikonóaꞌnananta, jaꞌanta ti tsikachrjexinnta ndo David.

San Lucas 11:52

’¡Tsango tangi tsonꞌannta jaꞌanta xro tjakonta ley! Ixi jaꞌanta chondanta xroon jitaxin kain ti tetuanꞌan ndo Dio ko jaꞌanta tjaunꞌanta titikaonnta, ko tingijnaꞌinta ni tjaun tsitikaon.

San Lucas 18:1

Ndo Jesús juinchekuenꞌen ndo sen teyuu chrikao ndo ixi kain nchakon xronichjeꞌe sen ndo Dio ko tsonchrjenꞌa sen sincheꞌe sen meꞌe.

San Lucas 18:15

Kaxon itsjé na̱ bikao na̱ chjenꞌen na̱ ti jii ndo Jesús ixi jeꞌe ndo tsakeꞌe ndo itja ndo ngataꞌa jaa xjan. Ko sen teyuu chrikao ndo, kuaxi sen kuyakutee sen ni bikao chjenꞌen.

San Lucas 18:38

Ko tjumeꞌe jeꞌe xa séen kuyako xa: ―¡Jesús, kuachrjenixinnta ndo David, tikonóananinta!

San Lucas 18:40

Ko tjumeꞌe ndo Jesús chónꞌen ndo ko kuetuanꞌan ndo ixi tsikaꞌo na̱ xi tikonꞌa. Ko bikaꞌo na̱ xa ti jii ndo, ko tjumeꞌe jeꞌe ndo Jesús juanchangiꞌe ndo xa:

San Lucas 19:39

Tjumeꞌe kaxin xi fariseo ste xa ngakjenꞌen ni ntiꞌa ndachro xa: ―Maestro, tetuenꞌén chujnia xrotenko na̱.

San Lucas 8:49

Xrajinichja ndo Jesús, kui̱i̱ naa ngisen kui̱xi̱n ndoꞌa xi Jairo, xi baketuanꞌan niꞌngo ntiꞌa; ko ndache na̱ xa: ―Chjanꞌan ó kuenꞌen xjan; ítajonꞌa ixra̱ ngajin ndo maestro.

2 Corintios 12:8

Méxin ó níi juanchiaꞌa Ncháina Jesucristo tsantsjena ndo ichin meꞌe,