San Juan 9:24 - El Nuevo Testamento

²⁴ Ko ni judío íjngo kuiyeꞌe na̱ xi batikonꞌa ko ndache na̱ xa: ―Ndako chronga ngajinxin ikon ndo Dio ixi ó nónana ixi xi meꞌe ndakoꞌa ncheꞌe xa.

San Juan 9:24 Iomraidhean Croise

Marcos 15:27

Ko kaxon kuasintjian na̱ nganito nta̱cru yuu xicheꞌe, naa xi bakeꞌe na̱ ndatsjonxin jian ti jii ndo Jesús ko inaa xa bakeꞌe na̱ xa ndatsjonxin ikjon ti jii ndo.

San Lucas 15:2

Tjumeꞌe xi fariseo ko xi tjako chijni kuetuanꞌan ndo Dio nichjangíꞌe na̱ ndo Jesús, ko ndachro na̱: ―Xi Jesús tjento xa kain ni ndakoꞌa ncheꞌe ko nekao xa na̱.

San Lucas 19:7

Ko kain na̱ bikon na̱, ko kuaxi na̱ nichja na̱ ixi sonda ndo Jesús itsji ndo tsikituꞌe ndo ndoꞌa naa xiñaꞌi.

San Lucas 7:39

Ko bikon xi fariseo tsikiyeꞌe ndo Jesús, ko jeꞌe xa xraxaon xa: “Á nduaxin ndo jiꞌi naa ndo chronga chijnie ndo Dio, siá nduaxin meꞌe, jeꞌe ndo xrokonoꞌe ndo ngisen jinéma ixi ndakon tutée ndo, ko ngisen nchri jiꞌi; xrokonoꞌe ndo ixi nchri jiꞌi tsango ndakoꞌa ncheꞌe nchra.”

San Juan 14:30

’Ko séꞌa xronichjana jai ixi jiti̱i̱ Xixronꞌanxrée, xi tetuenꞌen chujni nunte xasintajni. Ko jeꞌe xa xroꞌan ngeꞌe tetuenꞌen xa ngaji̱n.

San Juan 16:2

Ni judío tsajonꞌa na̱ juachaxin tsixinꞌinnta niꞌngo ko tsiji nchakon ixi ni naatsóñaxónnta xroxraxaon na̱ ixi ti ncheꞌe na̱ meꞌe naa xrée ndo Dio.

San Juan 18:30

Ko jeꞌe na̱ juateꞌe na̱: ―Siá jeꞌa ndakoꞌa juincheꞌe xa, xrobikianꞌina xi ntiꞌi.

San Juan 19:6

Ko nchakon bikon ni taana tetuanꞌan ko ni policía neꞌe niꞌngo juangíxin na̱ kuyako na̱: ―¡Tjankanitua xa nta̱cru! ¡Tjankanitua xa nta̱cru! Ko ndachro xi Pilato: ―Jaꞌanta tikuꞌunta xa ko tankanitonta xa nta̱cru ixi janꞌan kuitjaꞌi ninaa ngeꞌe ndakoꞌa ngajin xa.

San Juan 5:23

ixi kain na̱ tsajon na̱ juasaya ngajin chjenꞌen ndo xranchi juasaya tayéꞌe Ndotána. Ngisen tajonꞌa juasaya ngajin chjenꞌen ndo kaxon tajonꞌa sen juasaya ngajin Ndotée ndo, ndo xruanꞌan ndo Cristo.

San Juan 8:46

¿Á xrojannta noꞌanta naa ijie̱ juintaꞌa? Siá ndachrja̱n ngeꞌe nduaxin, ¿sonda titikaonꞌantana?

San Juan 8:49

Ko juateꞌe ndo Jesús: ―Xroꞌan espíritue Xixronꞌanxrée chonda. Ixra̱ ntaꞌa tajonxin juasaya ngajin Ndotána. Ko jaꞌanta chondaꞌinta juasaya ngajin janꞌan.

San Juan 9:16

Ko kaxin ni fariseo ndachro na̱: ―Xi juincheꞌe jiꞌi, jeꞌa chujnie ndo Dio xa ixi chóndaꞌi xa juasaya nchakon tjokéꞌeni. Ko ikaxin na̱ ndachro na̱: ―¿Xranchi ncheꞌe xa ixra̱ ijié siá chónda xa ijie̱? Ko jaña jeꞌa xrajeꞌo xraxaon na̱.

San Juan 9:25

Ko xi batikonꞌa juatingíexin xa: ―Nónaꞌi á chónda ndo ijie̱ o̱ naꞌi. Naakua ngeꞌe nóna ixi saꞌó batikonꞌa ko jai ó tiko̱n.

Romanos 8:3

ixi ndo Dio juincheꞌe ndo ngeꞌe juaꞌi juincheꞌe ley kuayéꞌe ndo Moisés ixi juaꞌi tintuꞌeni ti ndakoꞌa. Ndo Dio xruanꞌan ndo Chjenꞌen ndo ko ikjan xjan xranchi ngixeꞌi chujni chónda ijie̱. Kui̱i̱ ndo kuenxin ndo ixi jíee kain chujni nunte xasintajni, ko kuantsjengíꞌe ndo ijie̱ xrokuitjáñaxinna.

2 Corintios 5:21

Ndo Cristo xroꞌan ngeꞌe ndakoꞌa juincheꞌe ndo, ko ndo Dio bikon ndo xranchi ndo Cristo chónda ndo ijie̱, ixi jaña xrokoméꞌe kain ijie̱ kuachónda chujni ko jaña íxroꞌan ngeꞌe sínká na̱.

Apocalipsis 11:13

*Ko hora meꞌe tsango kontengí nunte, ko texin parte tjajna ijié chjenjin ko ya̱a̱to̱ mil chujni kuintekenꞌen na̱. Ko kain ni jichón, ni kuituꞌe, tsango xronka na̱ ko kuaxi na̱ kuitikaon na̱ ndo Dio jii ngajní ko kuajon na̱ juasie na̱ ngajin ndo.