San Juan 5:39 - El Nuevo Testamento

³⁹ Jaꞌanta jian nchekuanxinnta xroon chijnie ndo Dio ixi chonꞌénnta tsayeꞌenta juachaxin tsechonnta kain nchakon. Ko xroon meꞌe nichja ixi najanꞌan.

San Juan 5:39 Iomraidhean Croise

Mateo 22:29

Tjumeꞌe ndo Jesús juatingíexin ndo: ―Jaꞌanta, ¿á tsango noaꞌinta ngeꞌe ichro xroon chijnie ndo Dio ko á chuxinꞌanta juachaxien ndo?

Marcos 10:3

Ko ndo Jesús juatingíexin ndo, ko ndachro ndo: ―¿Ngeꞌe kuetuanꞌan ndo Moisés?

Marcos 12:10

’¿Á juinchekuanxinꞌanta ti jitaxin xroon chijnie ndo Dio? Ndachro: Ixro jueñaoꞌa ni juinchekonchjian tjatuꞌo, jai xro meꞌe ikjan xro, ixro ícha tetuanꞌan.

San Lucas 16:29

Ko ndachro ndo Abraham: “Xi kichuua chónda xa xroon ti jitaxin tsikjin ndo Moisés, chijnie Ndo Dio ko ti tsinichja kain sen profeta. Sinchekuanxin xa ko tsitikaon xa xroon meꞌe.”

San Lucas 16:31

Tjumeꞌe ndachro ndo Abraham: “Siá tjaunꞌa na̱ tsitikaon na̱ chijnie Ndo Dio tsikayéꞌe ndo Moisés jitaxin xroon ko ti tsichronga kain sen profeta, maski tsikon na̱ naa chujni ndakuenꞌen ko xroxechón chujni, tsitikaonꞌa na̱ kaxon.”

San Lucas 24:25

Ko ndo Jesús ndachro ndo: ―¡Sonda tienxinꞌanta, ko tsango indao titikaonnta kain ti ngeꞌe ndachro sen profeta kui̱i̱ saꞌó!

San Lucas 24:27

Ko tjumeꞌe juangíxin ndo juinchekuenꞌen ndo sen ngeꞌe jitaxin xroon chijnie ndo Dio ti ndachro ngeꞌe xrokonꞌen jeꞌe ndo Cristo. Ko juangíxixín ndo ti no tsikjin ndo Moisés ko kain sen kuachronga chijnie ndo Dio ó saꞌó.

San Lucas 24:44

Ko tjumeꞌe ndachro ndo: ―Nchakon bakeꞌe ngajinnta ntatjunta kain ngeꞌe xrojuinchena̱ na̱ xranchi tsikjin ndo Moisés ko tsikjin sen profeta ko ti jitaxin xroon Salmo.

San Juan 1:45

Ko ndo Felipe ikjui ndo bijée ndo ndo Natanael ko ndachro ndo: ―Ó bikona ndo xrokui̱i̱ xranchi tsikjin ndo Moisés ti xroon ley ko kaxon ngisen tsikjin sen profeta. Jiꞌi ndo Jesús, chjenꞌen ndo José, ndo tjajna Nazaret.

San Juan 5:32

Ko jii inaa ngisen nichjaxinna ko ngeꞌe ndachro sen meꞌe ixi najanꞌan, tjintee.

San Juan 5:36

’Ko janꞌan chónda naa ngeꞌe ícha tjintee tjakoxin ixi najanꞌan, ixi ngeꞌe tsindachro ndo Juan. Ixra̱ ntaꞌa janꞌan, ixra̱ naxreꞌo tituanna Ndotána sintaꞌa, ña̱ tjakoxin ixi nduaxin Ndotána tsixruanꞌanna ndo.

San Juan 5:40

Ko jaꞌanta tjaunꞌanta tonchjiñeꞌenta tjenkana ixi tsayeꞌenta juachaxin meꞌe.

San Juan 5:46

Ixi siá xrokuitikaonnta ngeꞌe tsindachro ndo Moisés, kaxon xrokuitikaonnta ixi ndo Moisés ikjin ndo ixi najanꞌan.

San Juan 7:52

Ko juateꞌe na̱: ―¿Á kaxon jaꞌa juixian nunte Galilea? Nchekuanxian xroon chijnie ndo Dio ko tsonoꞌa ixi xroꞌan ngisen kuachronga chijnie ndo Dio tsiki̱ꞌxi̱n nunte ntiꞌa.

Hechos 13:27

Méxin, ni ste tjajna Jerusalén ko ni tetuanꞌan ntiꞌa konoeꞌa na̱ ngisen ndo Jesús ko kuienxinꞌa na̱ ngeꞌe tsikjin sen kuachronga chijnie ndo Dio ó saꞌó ti juinchekuanxin na̱ xroon ngaxinꞌin niꞌngo ngujngu nchakon tjokéꞌe na̱. Jaña jeꞌe na̱, nchakon tangi juinchekao na̱ ndo Jesús, tsijincheꞌe na̱ xranchi nichja xroon.

Hechos 17:11

Ko ni judío ntiꞌa ícha jian ncheꞌe na̱ ixi ni tjajna Tesalónica. Ko ícha juincheꞌe na̱ juaxruxin kuinꞌen na̱ chijnie ndo Dio ko ngujngu nchakon nchekuanxin na̱ xroon chijnie ndo Dio ixi tsonoꞌe na̱ á nduaxin ti juakoꞌe na̱ sen.

Hechos 26:27

Jaꞌanta, rey Agripa, ¿á titikaonnta ti bajako ni kuachronga chijnie ndo Dio ó saꞌó? Nóna ixi jaꞌanta titikaonnta ngeꞌe bajako sen.

Romanos 1:2

Jaña tsindachro ndo Dio tsonꞌen ixi jaña jitaxin xroon tsinichjaxin sen kuachronga chijnie ndo ó saꞌó.

Romanos 3:2

Jaán, tjintee meꞌe ixi ndo Dio kuajon ndo chijnie ndo saꞌó kuayéꞌe ni judío ixi xrokuitikaon na̱.

Colosenses 3:16

*Chijnie ndo Cristo xrokuetuenꞌen asáanta. Méxin, nchekuenꞌen kichuunta ko nichjeꞌe kichuunta jian ko jian xraxaonnta. Itsje̱nta salmo ko himno ko itsje̱nta ngajin ndo Dio, ko tájonnta juasianta ngajin ndo ngaya asáanta.

Hebreos 11:16

Ko naꞌi. Jeꞌe sen tjaun sen naa tjajna ícha jian, tjajna meꞌe jii ngajní. Ko ndo Dio tosueꞌa ndo ixi xrojuinchekinꞌin sen ndo, ndo Dio neꞌe sen, ko jeꞌe ndo ó juinchekonchjian ndo naa tjajna tsayéꞌe sen.

Hebreos 11:35

Ko bakeꞌe kaxin nchri chúntia nchra ndo Dio meꞌe íjngo kuayéꞌe nchra sen ndoꞌa nchra, sen tsikenꞌen ixi sen meꞌe xechón sen. Ko ikaxin sen cháña kuenꞌen sen ixi jeꞌe sen tjaunꞌa sen xrokuintuꞌe sen ti chuntia sen ndo Dio ixi konoꞌe sen ixi xroxechón sen inaa nchakon ko ntiꞌa ícha jian tsakeꞌe sen.

Apocalipsis 19:10

Tjumeꞌe janꞌan bakeꞌexin ntatuchiꞌin tutée ndo ángel ixi tjaꞌon tsajon juasaya ngajin ndo, ko jeꞌe ndo ndachro ndo: ―Ncheꞌa jaña ixi janꞌan kaxon ntaꞌa xra̱ ngajin ndo Dio xranchi jaꞌa, ko xranchi sen kichuua sen kuintueꞌa kuitikaon chijni jian chronga ndo Jesús. Jeꞌo tájuan juasaya ngajin ndo Dio. Ixi jeꞌe ndo Jesús, meꞌe xrondachro ti kuachronga sen kuanichja ó saꞌó chijnie ndo Dio.