San Juan 5:25 - El Nuevo Testamento

²⁵ Nduaxin ntatjunta ixi ó tsi̱i̱ hora, ko jai hora meꞌe, ni tsikenꞌen tsinꞌen na̱ xronichja Chjenꞌen ndo Dio. Ko sen tsitikaon ndo tsechón sen.

San Juan 5:25 Iomraidhean Croise

San Lucas 15:24

Ixi chjanꞌna jiꞌi xranchi xrokuenꞌen xjan ko jai xechón xjan. Jeꞌe xjan kuitjáña xjan ko jai ikjan xjan. Nchéñana kia ko tújúna juaxruxin.”

San Lucas 15:32

Ko jai xrokonda tsojuna juaxruxin ko sinchéñana kia ixi xjan kichuua xrokjui xranchi ó kuenꞌen xjan, ko jai xechón xjan ko jeꞌe xjan kuitjáña xjan, ko jai kuichuee xjan.”

San Lucas 9:60

Ko juatingíexin ndo Jesús ndachro ndo: ―Tintuꞌenta chujni tsikenꞌen tsjabaa kichuu na̱; ko jaꞌanta itjia ko ndachenta chujni xranchi jii juachaxin tetuanꞌan ndo Dio.

San Juan 13:1

Titjáña naa nchakon tsi̱i̱ kia pascua ko ndo Jesús ó noꞌe ndo kuiji hora satsjixin ndo nunte xasintajni, ko satsji ndo ti Ndotée ndo. Kain nchakon tjueꞌe ndo sen chujnie ndo ste nunte xasintajni, ko jai ícha tjakoxin ndo ixi tjueꞌe ndo sen.

San Juan 17:1

Ó juexin ndachro ndo Jesús kain jiꞌi, tjumeꞌe tsjeꞌe ndo ngajní ko ndachro ndo: ―Ndotána, ó kuiji nchakon. Chje̱ꞌénta Chjanꞌanta juachaxin ixi kaxon Chjanꞌanta xrotjáanta xjan juasaya.

San Juan 4:21

Ko ndo Jesús ndache ndo nchra: ―Titikáoanna ixi tsi̱i̱ nchakon xrokondaꞌi xroxraxaonxinnta Ndotáina Dio ijna̱ ntiꞌi ko xroxraxaonxinꞌanta ndo tjajna Jerusalén.

San Juan 4:23

Ko jitiji nchakon ko jai nchakon meꞌe, ixi sen nduaxin tjaun sen tsajon sen juasaya ngajin Ndotáina Dio, xrokonda ixi nchijíi aséen sen xroxraxaonxin sen Ndo. Ko Ndo Dio tsakeꞌe ndo juaxruxin ixi jaña xroxraxaon sen ndo.

San Juan 5:21

Xranchi Ndotána nchexechón ndo ni tsikenꞌen ko tajon ndo juachaxin tsechón na̱ íjngo. Jaña kaxon Chjenꞌen ndo chao tsajon xjan juachaxin tsechón kain ni tjaun jeꞌe xjan.

San Juan 5:28

Xrakonꞌanta ixi ti ngeꞌe ntatjunta. Ixi tsiji hora ti kain ni tsikenꞌen, tsinꞌen na̱ xronichja xjan.

San Juan 6:60

Ko nchakon kuinꞌen na̱ ngeꞌe juinchekuenꞌen ndo Jesús na̱, tjumeꞌe itsjé sen chrikao ndo ndachro sen: ―Tsango tangi ngeꞌe chronga ndo. ¿Ngisen xrokuitikaon jiꞌi?

San Juan 8:43

¿Sonda tienxinꞌanta ngeꞌe ndachrja̱n? Titikaonꞌanta ixi tjaunꞌanta tsinꞌennta ngeꞌe tjako.

San Juan 8:47

Ngisen titikaon ndo Dio tjaun sen tsinꞌen sen chijnie ndo. Ko jaꞌanta titikaonꞌanta ndo, meꞌe tjaunꞌanta tsinꞌennta chijnie ndo.

San Juan 9:27

Ko juatingíexin xa: ―Juexin ntatjunta ko titikaonꞌanta. ¿Sonda tjaunnta íjngo xrondachrja̱n? ¿Á kaxonnta tjaunnta xroruéꞌenta ndo?

Romanos 6:4

*Nchakon bikitéena, nchakon meꞌe kuenꞌenna ko xrabaana xranchi jeꞌe ndo ixi xroxechónna ko xrochondana juachaxin tsechónna kain nchakon ko jian tsajina, xranchi ndo Cristo xechón ndo ixi juachaxin ijié chónda Ndotée ndo, ndo Dio.

Efesios 2:1

*Ndo Dio kuajon ndo juachaxin tsaricho̱nnta nchakon jaꞌanta bakeꞌenta xranchi tsikenꞌennta ixi kuancheꞌenta ti ñaꞌi ko ti ndakoꞌa.

Efesios 2:5

Ko maski jai̱na ndatsikenꞌenna kondeexin ti ndakoꞌa juincheꞌena, jeꞌe ndo Dio juinchexechónna ndo nganii ndo Cristo ko meꞌe konꞌen ixi juasie ndo Dio, meꞌe koméꞌe jíei̱na.

Efesios 5:14

Méxin, jaꞌin tsikjin sen: Xingamaꞌanta jaꞌanta ti xrastechrinnta; tayanta jaꞌanta ti stenta ngakjenꞌen ni tsikenꞌen ixi jeꞌe ndo Cristo xranchi xroꞌi tsingasáñaꞌanta.

Colosenses 2:13

*Jaꞌanta saꞌó xranchi naa ni tsikenꞌen jaña bakeꞌenta kondeexin ijie̱ kuachondanta, ko kuachondaꞌinta chjiꞌe ndo Dio. Ko jai koméꞌe kain ijie̱ meꞌe, ko ndo Dio tjáanta juachaxin tsechonnta kain nchakon.

Apocalipsis 3:1

’Ikjian ngeꞌe tsayéꞌe ndo ángel jitayakonꞌen aséen sen niꞌngo tjajna Sardis: “Jaꞌin ndachro ndo chónda ya̱a̱to̱ Espíritue ndo Dio ko chónda ya̱a̱to̱ nchanotsé: Janꞌan nóna kain ngeꞌe ncheꞌenta, ko nóna ixi ndachro na̱ stechonnta ko nduaxinꞌa meꞌe ixi jaꞌanta ó tsikintekenꞌennta.