San Juan 4:14 - El Nuevo Testamento

¹⁴ Ko sen tsiꞌi inda tajon janꞌan, naiꞌa tsintekenꞌen sen inda. Ixi inda tajon janꞌan tsoña̱ xranchi inda jitachrjexin ngaya aséen sen ko jiꞌi tajon juachaxin tsechón sen kain nchakon.

San Juan 4:14 Iomraidhean Croise

Mateo 25:46

Ko ni ñaꞌi satsji na̱ ti no tsikaon na̱ kain nchakon. Ko sen jian ncheꞌe itsji sen ti tsechón sen kain nchakon ―jaña chronga ndo Jesús.

Mateo 5:6

’Juaxruxin tsakeꞌe kain sen tjaun xranchi xrojuine o̱ xrokuiꞌi chijnie ndo Dio ixi jeꞌe ndo Dio tsajon ndo ti jian ngaya aséen sen.

San Juan 10:10

’Ko xicheꞌe jeꞌo ti̱i̱ xa ixi tjaun xa tse̱e̱ xa, ko tsóña xa, ko nchetjáñajin xa kain ngeꞌe. Ko janꞌan juiꞌi ixi tsaricho̱nnta kain nchakon ko xroꞌan ngeꞌe tsitjáñaꞌanta.

San Juan 11:26

Ko kain sen xra jichón ko titikaon sen, naiꞌa tsenꞌen sen. ¿Á titikáoan jiꞌi?

San Juan 4:10

Ko juatingíexin ndo Jesús: ―Siá xrokonoꞌa ngeꞌe tajon ndo Dio ko xrochuxian ngisen jitjanchiaꞌa inda, jaꞌa xrojuanchana̱na inda ko janꞌan xrotjáꞌa inda jichón.

San Juan 4:11

Ko jeꞌe nchra juateꞌe nchra: ―Jaꞌa chondaiꞌa ngeꞌe tsantsjexian inda ko pozo tsango yasoꞌe pozo, ¿no xrochjánaxianna inda jichón?

San Juan 4:13

Ko juatingíexin ndo Jesús: ―Kain ni tiꞌi inda jiꞌi, íjngo tsenꞌen na̱ inda.

San Juan 4:36

Sen tandáa, xengeꞌe sen ꞌna̱. Ko ngeꞌe tandáa sen meꞌe chujni, ko chujni meꞌe tsechón kain nchakon. Ko sen tenga ko sen tandáa xreꞌó juaxruxin takeꞌe sen.

San Juan 6:27

Taꞌinta juachjaon ixi ngeꞌe sintenta taka tsjexin. Ncheꞌenta ixra̱ ixi ngeꞌe ti sintenta tsjexinꞌa ixi tsayeꞌenta juachaxin tsechonnta kain nchakon. Meꞌe tajon Chjenꞌen ndo Dio, xjan jongíꞌe xranchi chujni, ixi Ndotée ndo tjako ndo ixi Chjenꞌen ndo chónda xjan juachaxin.

San Juan 6:35

Ko ndachro ndo Jesús: ―Janꞌan meꞌe nutja tajon juachaxin tsechón chujni. Sen tonchjiñeꞌe ngajin janꞌan ítsenꞌa sen jinta, ko sen tsitikaonna, ítsenꞌa sen inda.

San Juan 6:58

Méxin, rinichja ixi nutja xingajinxin ngajní, nutja meꞌe jeꞌa xranchi maná juine ni tsikachrjenixinnta saꞌó ixi jeꞌe na̱, maski juine na̱ maná, kuenꞌen na̱. Ko siá sintenta nutja xingajinxin ngajní, jaꞌanta tsayeꞌenta juachaxin tsechonnta kain nchakon.

San Juan 7:37

Nchakon jitjexin kia, meꞌe nchakon ijié, bingatjen ndo Jesús, ko séen nichja ndo: ―Siá xrojan ngisen kuenꞌen inda tonchjiñeꞌenta ngajin janꞌan ko tinꞌinnta inda.

Romanos 5:21

Kondeexin ijie̱ meꞌe bakeꞌe juachaxin tsenꞌen chujni. Ko jaña kaxon ndo Dio ícha chónda ndo juachaxin sincheméꞌe ndo jíee chujni ko tsajon ndo juachaxin tsechónna kain nchakon ixi Ncháina Jesucristo kuenxin ndo ixi jai̱na.

Romanos 6:23

Siá sincheꞌenta ti ndakoꞌa, tsamanta ijie̱, ko ti tsjachanta meꞌe tsenꞌennta. A̱ ndo Dio jeꞌe ndo tajon ndo juachaxin tsechónna kain nchakon siá titikaꞌonna Ncháina Cristo Jesús.

2 Corintios 1:22

ko meꞌe juako ndo ixi jai̱na tikinixinꞌenna ndo, méxin, ba̱ke̱ꞌe̱ ndo chjiꞌe ndo ngajin jai̱na, meꞌe Espíritue ndo chónda aséei̱na ixi jaña tsonoi̱na nduaxin tsayéꞌena ti ndachro ndo tsajon ndo.

Efesios 4:30

Ncheníeꞌanta Espíritue ndo Dio ixi Espíritu kuayéꞌeni tjakoxin ixi jaꞌanta tikinixiꞌennta ndo ko nchakon tsi̱i̱ ndo tsayeꞌenta juachaxin tsaricho̱nnta kain nchakon.

1 Pedro 1:22

Ko jai ó kuitikaonnta chijni nduaxin ko ixi kuitikaonnta meꞌe kontjúá asáanta, méxin tjueꞌenta sen kichuunta ixi espíritue ndo Dio tingijnanta. Ko xrokonda xrotjueꞌe kichuunta ixi nchijíi asáanta.

1 Juan 5:20

Kaxon noi̱na ixi Chjenꞌen ndo Dio kui̱i̱ xjan ngataꞌa nunte xasintajni ko juinchekuai̱na xjan xranchi tsichuxinna ndo Dio, ndo nduaxin ko steniina ngajin ngisen nduaxin, meꞌe jeꞌe ndo Jesucristo, chjenꞌen ndo Dio. Jiꞌi Ndo Dio, ndo nduaxin, ko chjai̱na ndo juachaxin tsechónna kain nchakon.

Apocalipsis 7:16

Ko jeꞌe sen ítsenꞌa sen jinta ko tsenꞌa sen inda ko xrochjánꞌi sen ixi sué nchakon, ko chjiixro sinchechjánꞌi sen kaxon.

Apocalipsis 7:17

Ko Xjantuchjon jii ngusine trono tayakonꞌen ndo sen xranchi xrokjui kutuchjoen ndo, ko tsajikao ndo sen ti no jitinga inda tajon juachaxin tsechón chujni ko ndo Dio sinchexémá ndo ndakon sen.