San Juan 3:29 - El Nuevo Testamento

²⁹ Nchakon tuteꞌe chujni, xi tuteꞌe tsayéꞌe xa janchriꞌe xa. Ko tjumeꞌe sen chúxin xa takeꞌe sen juaxruxin ixi jitinꞌen sen ngeꞌe jinichja xa. Ko kaxon janꞌan juaxruxin ritjén ixi kueya chujni jitonchjiñeꞌe ngajin ndo Jesús.

San Juan 3:29 Iomraidhean Croise

Mateo 22:2

―Ti no tetuanꞌan ndo Dio meꞌe xranchi naa chijni nichja ixi naa ndo rey juinchéña ndo naa kia ixi tsuteꞌe chjenꞌen ndo.

Mateo 25:1

*Ndo Jesús ndachro ndo: ―Ti tetuanꞌan ndo Dio tsonꞌen xranchi konꞌen ti ite nchrichajan, nchrichan ikjui ti kuteꞌe chujni, ko kain jeꞌe nchrichan itsé nchrichan ti tikia ndaxiꞌe ko kuachrje nchrichan kuichónꞌen nchrichan ndo tsuteꞌe.

Mateo 9:15

Tjumeꞌe juatingíexin ndo Jesús: ―Sen tsikiyeꞌe xi tsuteꞌe ko sen ste kiée xa, ¿á chao xrotsjanga sen siá jeꞌe xa xrajíi xa ngajin sen? Ko tsi̱i̱ nchakon satsjikao na̱ xi tsuteꞌe, nchakon meꞌe tsaxi sinchekatse ñao sen jinta.

San Lucas 15:6

ko nchakon tsjasonta ndointa, tsiyeꞌenta ni tjentonta ko kain ni ste tjenka ndointa ko xrondachenta na̱: “Jai tsojuna juaxruxin ixi ó kuitja kutuchjonna, iko kuitjáña.”

San Juan 15:11

’Jaña nichjaꞌanta ixi tsakeꞌenta juaxruxin ngaji̱n ko juaxruxin tsakeꞌe asáanta.

San Juan 16:24

Jaꞌanta xraxroꞌan ngeꞌe tjanchiaxinnta nombréena jai. Ko jai tjanchianta ko tsayeꞌenta, ko tsango tsakeꞌenta juaxruxin.

San Juan 17:13

’Ko jai satsji ti no ritjennta. Ko ixi xraritjén ntiꞌi nunte xasintajni ndachrja̱n jiꞌi ixi tsakeꞌe sen juaxruxin xranchi juaxruxin chónda janꞌan.

San Juan 3:30

Jeꞌe ndo xrokonda ícha tsetuanꞌan ndo ko janꞌan ínaꞌi.

2 Corintios 11:2

Ndo Dio nchenóna ixi tsaxinta juachjaon ixi tjaꞌon tsintueꞌanta ndo Cristo. Janꞌan ó ntatjan ndo Cristo ixi tsayaꞌanta ndo xranchi naa nchrichajan tsixranchia ixi tsuteꞌe ko tjúá aséen ko cuerpoe nchrichan ixi tsi̱i̱ nchakon tsuteꞌe nchrichan ngajin naakua naa ndoxiꞌe nchrichjan.

Filipenses 2:2

meꞌe janꞌan tsakeꞌe juaxruxin ixi nóna ixi jian stekuꞌu kichuunta ko kainnta tjueꞌenta kichuunta ixi chondanta espíritue ndo Dio ko naakua xra̱ sincheꞌenta.

1 Juan 1:4

Méxin, jaña ikjinna jiꞌi, ixi kainna ícha juaxruxin tsojuna.

2 Juan 1:12

Janꞌan chonda ícha kueya ngeꞌe xrontatjunta, ko tjaunꞌa xrontatjunta ixi xroon rikjin. Nchakon tsjasotsjaꞌanta meꞌe xrontatjunta ko jaña ícha juaxruxin tsjoi̱na.

Apocalipsis 21:9

Tjumeꞌe kui̱i̱ ndo ángel ya̱tu̱xi̱n chónda copa ya̱tu̱xi̱n jikaon ixi ichin tsjexixin tsikaon chujni ko jaꞌin ndachro ndo: ―Xrokuia tsjakoꞌa sen tsuteꞌe Xjantuchjon.