San Juan 21:16 - El Nuevo Testamento

¹⁶ Tjumeꞌe yuxin juanchangi ndo Jesús: ―Jaꞌa Simón, chjenꞌen ndo Jonás, ¿á tjauanna? Ko juateꞌe ndo Pedro: ―Nchána, jaꞌanta noꞌanta kain ngeꞌe, janꞌan ó noꞌanta janꞌan tjaꞌonnta. Ko ndachro ndo Jesús: ―Siá nduaxin meꞌe, tayakonꞌén kutuchjonna.

San Juan 21:16 Iomraidhean Croise

Mateo 2:6

Jaꞌa tjajna Belén nunteꞌe Judá, á jeꞌa jaꞌa naa tjajna ícha nchíín ngakjenꞌen ikaxin tjajna ícha ijié, ko ntiꞌi tsachrjexin naa ngisen ícha tsetuanꞌan, ko jeꞌe ndo tsayakonꞌen ndo tjajnána Israel.

Mateo 25:32

Ko ntiꞌa xroxejo kain chujni neꞌe kain tjajna nunte xasintajni, ntiꞌa tsantsjendexin xjan ngujngu chujni, xranchi ncheꞌe sen tingatjia kutuchjon, tantsjendáa sen kutuchjon ko nango tsakeꞌe kubito.

Mateo 26:72

Tjumeꞌe ndo Pedro ndachro ndo íjngo ixi jeꞌe ndo chúxinꞌa ndo ndo Jesús: ―Ndo Dio noꞌe ndo ixi janꞌan chuxinꞌa xi ña̱.

San Lucas 19:10

*Méxin, janꞌan chjenꞌen ndo Dio, xjan jongíꞌe xranchi chujni, juiꞌi bijée ngisen tsikitjáña ko tsantsje ijie̱ chónda sen.

San Juan 18:17

Tjumeꞌe nchri tendáa nta̱chja juanchangiꞌe nchra ndo Pedro: ―¿Á kaxon jaꞌa chrikuꞌa xi ña̱? Ko juateꞌe ndo Pedro ndachro ndo: ―Naꞌi, janꞌan naꞌi.

San Juan 18:25

Ko ndo Pedro xrasiin ndo ntiꞌa jixraxruꞌe ndo, ndache na̱ ndo: ―¿Á kaxon jaꞌa chrikuꞌa xi ña̱? Ko ndo Pedro ndachro ndo chúxinꞌa ndo ndo Jesús, méxin, jaꞌin juateꞌe ndo: ―Naꞌi, janꞌan naꞌi.

San Juan 21:17

Tjumeꞌe nínxin juanchangi ndo Jesús: ―Jaꞌa Simón, chjenꞌen ndo Jonás, ¿á tjauanna? Ko koniꞌe aséen ndo Pedro ixi nínxin juanchangi ndo Jesús á tjaun ndo Pedro ndo Jesús ko ndachro ndo: ―Nchána, jaꞌanta ó noꞌanta kain ngeꞌe. Jaꞌanta ó noꞌanta janꞌan tjaunnta. Ko ndachro ndo Jesús: ―Siá nduaxin meꞌe, tayakonꞌén kutuchjonna.

Hechos 20:28

Tsjeꞌenta xranchi jian takeꞌénta ko tsjeꞌenta sen kichuunta, sen niꞌngo, ixi Espíritue Dio tjáanta ndo ixra̱ tayakonꞌennta sen ste ningue Ncháina, sen kuenaxin ndo ixi jnié ndo.

Hebreos 13:20

Ndo Dio, ndo tajon juaxruxin, ndo ncheketoꞌa chujni, ndo juinchexechón Ncháina Jesucristo, ko jeꞌe ndo Jesucristo, ndo tingatjiana xranchi kutuchjon, ko ixi jnié ndo meꞌe kuitee juachaxin natjúá tsakeꞌe kain nchakon,

1 Pedro 2:25

Ixi jai̱na kuancheꞌena xranchi kutuchjon tsingachrue. Ko jai ó kjanna titikaꞌonna ndo Cristo, ndo tayakonꞌen aséei̱na xranchi naa ngisen tayakonꞌen kutuchjon.

1 Pedro 5:2

*Tayakonꞌennta jian sen ikjan xranchi kutuchjoen ndo Dio, sen tikinixinꞌanta tayakonꞌennta ixi jiꞌi ixra̱ kuayeꞌenta. Juaxruxin tingijnanta sen xranchi tjaun ndo Dio, ko jeꞌa ixi xrokonda sincheꞌenta xra̱ meꞌe ko jeꞌa ixi tsjachanta tomi. Naꞌi. Juaxruxin ncheꞌenta xra̱ meꞌe.

Apocalipsis 7:17

Ko Xjantuchjon jii ngusine trono tayakonꞌen ndo sen xranchi xrokjui kutuchjoen ndo, ko tsajikao ndo sen ti no jitinga inda tajon juachaxin tsechón chujni ko ndo Dio sinchexémá ndo ndakon sen.