San Juan 2:16 - El Nuevo Testamento

¹⁶ Ko jeꞌe ndo ndache ndo ni nchekji kuntúá: ―¡Tantsjexinnta kain ngeꞌe ntiꞌi! Nchéñaꞌinta ndoꞌa Ndotána xranchi naa ndasin.

San Juan 2:16 Iomraidhean Croise

Mateo 21:12

Ko ndo Jesús kuixinꞌin ndo ningue ndo Dio ko kuantsje ndo kain ni stenchekji ko ni teꞌna ngaxinꞌin niꞌngo. Ko konjamangi ndo nta̱a̱ jitaꞌa ngeꞌe nchekji na̱ ko ti tasingixin na̱ tomi ko ntaxitauen ni nchekji kuntúá.

Mateo 21:13

Ko ndo Jesús ndachro ndo: ―Jaꞌin ndachro xroon chijnie ndo Dio tsikjin sen kuachronga ó saꞌó: “Nchanía, nchia nichjaxin chujni ngajin ndo Dio.” Jaña ndatinꞌin nchia, ko jaꞌanta juinchéñanta nchia tjaue xicheꞌe.

Mateo 22:5

Ko ni kuiyeꞌe ndo kia kuitikaonꞌa na̱. Naa xi kuiyeꞌe ndo sakjui xa chjakée xa ko inaa xa sakjui xa kuitsjeꞌe xa ixra̱ chónda xa.

Marcos 11:17

Ko juinchekuenꞌen ndo na̱, ko jaꞌin ndachro ndo: ―Jitaxin xroon chijnie ndo Dio: “Nía jiꞌi ndatinꞌin nchia xronichjaxin chujni kain tjajna ngajin janꞌan”, ko jaꞌanta juinchekjannta nchia itjao̱ neꞌe xicheꞌe.

San Lucas 2:49

Ko juatingíexin xjan Jesús: ―¿Sonda tjéeninta? ¿Á noaꞌinta ixi janꞌan xrokonda sintaꞌa xrée Ndotána?

San Juan 10:29

Ndotána chjána ndo ba, ndo ícha tetuanꞌan ngajin kainna, ko xroꞌan ngisen tsantsjexin ba itja ndo.

San Juan 2:15

Ko hora bikon ndo Jesús jiꞌi, juinchéña ndo naa cuarta, ko bengixin ndo na̱ ntiꞌa ko kao kutuchjoen na̱ ko kuxinteꞌe na̱. Ko kuintjí ndo ngataꞌa nche tomie ni bakasingixin ko ndáꞌa banka ndo mesé na̱.

San Juan 20:17

Ko ndachro ndo Jesús: ―Tajandana ixi xrasatjiꞌa ti jii Ndotána. Itjia titsjeꞌé sen kichuuna ko ndache sen ixi sajiin ti jii Ndotána, ndo kaxon Ndotánta, ndo Dio naꞌna ko kaxon ndo Dio naꞌanta.

San Juan 5:17

Ko ndo Jesús ndache ndo na̱: ―Ndotána kain nchakon ncheꞌe ndo ixra̱, ko janꞌan kaxon jaña ntaꞌa ixra̱.

San Juan 8:49

Ko juateꞌe ndo Jesús: ―Xroꞌan espíritue Xixronꞌanxrée chonda. Ixra̱ ntaꞌa tajonxin juasaya ngajin Ndotána. Ko jaꞌanta chondaꞌinta juasaya ngajin janꞌan.

1 Timoteo 6:5

Chujni jaña ncheꞌe chaxroꞌa xraxaon na̱, kain nchakon te̱ꞌto̱ na̱ ko noeꞌa na̱ ti nduaxin. Xraxaon na̱ ixi ti tsitikaon na̱ Ncháina jaña tsjacha na̱ kueya tomi. Méxin tingaxintuan ngajin chujni jaña xraxaon.

2 Pedro 2:3

Ni tjako jaña tjaun na̱ xrochónda na̱ itsjé tomi, ko tsjacha na̱ tomi meꞌe ixi tsjako na̱ naa chijni nduaxinꞌa. Ko meꞌe tsamaxin na̱ ijie̱ ko jaña tsitjáña na̱.