San Juan 18:28 - El Nuevo Testamento

²⁸ Kuachrjexin na̱ ndoꞌa xi Caifás, sabikao na̱ ndo Jesús ti nchia ijié tetuanxin xi gobernador. Ko ó kuaxi jitingasáña ko ni judío kuixinꞌa na̱ nchia meꞌe ixi jaña xrokuamaꞌi na̱ ijie̱, ne̱ juaꞌi sine na̱ kia Pascua.

San Juan 18:28 Iomraidhean Croise

Mateo 27:27

Ko xi soldadoe xi Pilato bikao na̱ ndo Jesús ti jii ntasien nchia tituanxin na̱ ko ntiꞌa xejo kain xi soldado.

Marcos 15:16

Tjumeꞌe xi soldado sabikao xa ndo Jesús ngaxinꞌin ntasien nchatituanꞌan. Ntiꞌa xejuxin kain xi soldado.

San Lucas 22:66

Ko ndúyaxin xraꞌo kain xi tetuanꞌan niꞌngo, ko xi taana tetuanꞌan, ko kain xi tjako ley ko bikao xa ndo Jesús ti ste xi tetuanꞌan ntiꞌa ko ndachro xa:

San Juan 11:55

Xratitjáña xrokui kia Pascua, kiée ni judío ko kueya na̱ kuachrjexin na̱ tjajnée na̱ sakjui na̱ tjajna Jerusalén ixi ntiꞌa sintakji na̱ ixi tsontjúá na̱ ti xratiꞌa kia Pascua.

San Juan 18:13

Ko sabikao xa ndo ndoꞌa xi Anás, a̱ xi Anás xichée xi Caifás, ngisen nano meꞌe tituenꞌen xitaana.

San Juan 18:15

Ndo Simón Pedro ko inaa ndo bakajikao ndo Jesús steruéꞌe sen ndo. A̱ ndo inaa ó chúxin ndo xitaana tituanꞌan. Méxin, kaxon kuixinꞌin ndo no kuixinꞌin ndo Jesús, ngaxinꞌin ndasin ndoꞌa xitaana tituanꞌan.

San Juan 18:33

Tjumeꞌe xi Pilato íjngo kuixinꞌin xa nchia tetuanxin xa ko kuiyeꞌe xa ndo Jesús ko juanchangiꞌe xa ndo: ―¿Á jaꞌa xi Rey tetuenꞌen ni judío?

San Juan 18:39

Ko jaꞌanta ó xrakuanꞌanta ixi kia pascua tajanda naa chujni jijeꞌe̱. ¿Á tjaunnta tsajanda xi Rey tetuenꞌen ni judío?

San Juan 19:11

Ko juateꞌe ndo Jesús: ―Xroꞌan juachaxin chónda jaꞌa siá jeꞌa Ndotána Dio xrotjáa ndo juachaxin. Ko chujni bikaana ntiꞌi ícha ijie̱ chónda na̱ ixi jaꞌa.

San Juan 19:14

Nchakon meꞌe naa nchakon saꞌó kia Pascua, ko ó xrochjée ngusine nchakon ko xi Pilato ndache xa ni judío: ―Ntiꞌi jii xi rey tetuanꞌannta.

San Juan 19:9

Tjumeꞌe íjngo kuixinꞌin xa nchia tetuanxin xa ko juanchangiꞌe xa ndo Jesús: ―¿No juixian? Ko ndo Jesús xroꞌan ngeꞌe juateꞌe ndo.

Hechos 10:28

Ko ndachro ndo Pedro: ―Jaꞌanta noꞌanta ixi janꞌanna xro judíona juaꞌi tsjentona chujni jeꞌa judío ko chondaꞌina juachaxin tsixinꞌinna ndoꞌa ni meꞌe. Ko jeꞌe ndo Dio juakoꞌna ndo ixi juaꞌi xrondachrja̱n tjúáꞌi ngixeꞌi chujni.

Hechos 10:32

Méxin, tetuenꞌén naa ngisen satsji tjajna Jope ixi tsikaꞌo sen ndo Simón kaxon ndatinꞌin Pedro. Jii ndo ndoꞌa naa xi kaxon ndatinꞌin xa Simón chjée xro̱a̱n tjueꞌé iko ko tjenka ndachaon jii ndoꞌa xa”, ichro ndo ángel meꞌe.

Hechos 11:3

Juanchangiꞌe sen ndo ko ndachro sen: ―¿Sonda ikjuinta kuitsjeꞌenta ni jeꞌa judío, ko juinekuunta na̱?

Hechos 3:13

Naꞌi. Ndo Dio, Nchée ndo Abraham, ndo Isaac, ko ndo Jacob, tsango kuajon ndo ijié juachaxin ngajin Chjenꞌen ndo ndatinꞌin Jesús. Ko jaꞌanta kuajonnta xjan ngajin xi Pilato ko jeꞌe xa tjaun xa xrokuajanda xa ndo Jesús ko jaꞌanta chroꞌanta.

Hechos 4:27

*’Nduaxin xi Herodes, ko xi Poncio Pilato, ko ni tsikjixin ikjín, ko ni israelita tsixraꞌo tjajna ntiꞌi ixi ningakonꞌen na̱ Chjanꞌan ndo Jesús, ndo chóndaꞌi ijie̱, meꞌe ndo kuincheꞌenta tsóña ndo Mesías.