San Juan 17:1 - El Nuevo Testamento

¹ Ó juexin ndachro ndo Jesús kain jiꞌi, tjumeꞌe tsjeꞌe ndo ngajní ko ndachro ndo: ―Ndotána, ó kuiji nchakon. Chje̱ꞌénta Chjanꞌanta juachaxin ixi kaxon Chjanꞌanta xrotjáanta xjan juasaya.

San Juan 17:1 Iomraidhean Croise

Marcos 14:41

Ko nínxin sakjui ndo ko ikjan ndo ko ndachro ndo: ―¿Á xrastechrinnta ko stetjokaꞌanta? Jai ó kui̱i̱ hora ixi Chjenꞌen ndo Dio, xjan jongíꞌe xranchi chujni, tsajon na̱ xjan ngajin ni ñaꞌi.

San Lucas 18:13

Ko xi tjáka tomi siin xa nchion ikjín ko jiséya xa nunte, tjenduaꞌi ikon xa noi, ko tandeꞌe xa ntakuin xa ko ndachro xa: “¡Ndotána Dio, tikonóananinta ixi chonda ijie̱!”

San Lucas 22:53

*Kain nchakon bakeꞌe ngajinnta ngaxinꞌin niꞌngo, ko xroꞌan juincheꞌenta. Ko jai oránta ixi tsitikaonnta xi tetuenꞌen ti naxixeꞌe.

San Juan 11:4

Ko kuinꞌen ndo Jesús ko ndachro ndo: ―Ichin chónda xa jeꞌa tsenxin xa ichin meꞌe. Naꞌi. Jiꞌi tsjako juachaxin ijié chónda Chjenꞌen ndo Dio.

San Juan 11:41

Tjumeꞌe kuintjian na̱ ixro. Ko ndo Jesús tsjeꞌe ndo ngajní, ko ndachro ndo: ―Ndotána, tajon juasiana ngajinnta ixi ó kuinꞌennta ngeꞌe ndachrja̱n.

San Juan 12:23

Ko ndachro ndo Jesús: ―Ó kuiji hora, ixi Chjenꞌen ndo Dio, Xjan jongíꞌe xranchi chujni, satsji ndo tsayéꞌe ndo juachaxien Ndotée ndo.

San Juan 13:1

Titjáña naa nchakon tsi̱i̱ kia pascua ko ndo Jesús ó noꞌe ndo kuiji hora satsjixin ndo nunte xasintajni, ko satsji ndo ti Ndotée ndo. Kain nchakon tjueꞌe ndo sen chujnie ndo ste nunte xasintajni, ko jai ícha tjakoxin ndo ixi tjueꞌe ndo sen.

San Juan 16:32

Ko tsi̱i̱ nchakon ko jai hora meꞌe ixi jaꞌanta xrochjeyanta ko satsjinta ko tsintunantana janꞌon. Ko jeꞌa janꞌon ritjén ixi Ndotána jii ndo ngaji̱n.

San Juan 7:30

Tjumeꞌe tjaun na̱ xrotsé na̱ ndo, xroxraxinꞌin na̱ ndo ndoꞌachjiso, ko xroꞌan ngisen itsé ndo ixi xrakuajonꞌa ndo Dio juachaxin sincheꞌe na̱ meꞌe.

San Juan 7:39

Jaña ndachro ndo Jesús ixi sen titikaon ndo tsayéꞌe sen Espíritue ndo Dio. Ixi xratiꞌa Espíritue ndo ko ndo Jesús xrasatjiꞌa ndo ngajní.

San Juan 8:20

Jaña ichro ndo Jesús nchakon juako ndo ngaxinꞌin niꞌngo ijié tjenka ti jii nta̱a̱ tjinga tomi tajon na̱. Ko xroꞌan chujni itsé ndo ixi ndo Dio xratajonꞌa ndo juachaxin xrotsé na̱ ndo.

Hechos 3:13

Naꞌi. Ndo Dio, Nchée ndo Abraham, ndo Isaac, ko ndo Jacob, tsango kuajon ndo ijié juachaxin ngajin Chjenꞌen ndo ndatinꞌin Jesús. Ko jaꞌanta kuajonnta xjan ngajin xi Pilato ko jeꞌe xa tjaun xa xrokuajanda xa ndo Jesús ko jaꞌanta chroꞌanta.

1 Pedro 1:21

Ixi kuenꞌen ndo Cristo meꞌe kuitikaonnta ndo Dio, ndo juinchexechón ndo Cristo nchakon kuenꞌen ndo, ko jeꞌe ndo Dio kuajon ndo ijié juachaxin ngajin ndo Cristo. Ko méxin jaꞌanta chuntianta ndo Dio ko stechonꞌennta tsaricho̱nnta kain nchakon.