San Juan 14:6 - El Nuevo Testamento

⁶ Ko ndachro ndo Jesús: ―Janꞌan chaꞌo ko janꞌan chijni nduaxin ko janꞌan tsajon juachaxin stechón chujni. Xroꞌan ngisen itji ti jii Ndotána siá tsjixinꞌa sen ixi janꞌan.

San Juan 14:6 Iomraidhean Croise

Mateo 11:27

*Ko ndache ndo ni ste ntiꞌa: ―Kain ngeꞌe chjána Ndotána ko jeꞌo jeꞌe ndo chuxinna ndo janꞌan, Chjenꞌen ndo, ko kaxon xroꞌan ngisen chúxin jeꞌe ndo, jeꞌo Chjenꞌen ndo, ko janꞌan, Chjenꞌen ndo, nichjaꞌa chujni ixi jaña jeꞌe na̱ tsichuxin na̱ Ndotána.

San Juan 1:14

Ko chijni, ndo Cristo, jeꞌe ndo ikjan ndo chujni ko bakeꞌe ndo ngajinna ko tjaunna ndo ko ti nduaxin ndachro ndo. Ko ó bikona juachaxien ndo, juachaxien chjenꞌen Ndotáina Dio, xjan naakuaxon.

San Juan 1:17

Ley kuetuanꞌan ndo Dio juinchenoi̱na ndo Moisés, ko ti tjueꞌe ndo chujni ko ti nduaxin meꞌe ti̱ꞌxi̱n ixi ndo Jesucristo.

San Juan 1:4

Jeꞌe ndo kuajon ndo juachaxin jichón kain ngeꞌe ko jeꞌe ndo naa xroꞌi tingasáña ngajin chujni.

San Juan 10:28

Janꞌan tjáꞌa ba juachaxin tsechón ba kain nchakon ko naiꞌa tsitjáña ba ko xroꞌan ngisen tsantsjexin ba ngaya tjáana.

San Juan 10:7

Tjumeꞌe ndachro ndo Jesús íjngo: ―Nduaxin ndachrja̱n ixi janꞌan nta̱chja meꞌe tixixin kutuchjon.

San Juan 10:9

Janꞌan nta̱chja meꞌe: siá tixinxinnta janꞌan, tsitjáñaꞌinta ko xrokjannta xranchi kutuchjonna tsachrjexin ba ti jijeꞌe̱ ba ko tixinꞌin ba ko titja ba ngeꞌe ine ba.

San Juan 14:19

Ko ítsjéꞌa nchakon chujni nunte xasintajni tsikonꞌana̱na. Ko jaꞌanta tsikonntana ixi jaꞌanta tsaricho̱nnta ixi janꞌan rícho̱n.

San Juan 15:1

’Janꞌan meꞌe xranchi naa viña jichón ko Ndotána xranchi ngisen tayakonꞌen nta̱a̱.

San Juan 18:37

Ko ndachro xi Pilato: ―Jaꞌa, ¿á nduaxin naa xi rey? Ko juateꞌe ndo Jesús: ―Jaán, janꞌan rey xranchi jaꞌa ndachrua. Janꞌan juiꞌi nunte xasintajni ixi xronichja ti nduaxin. Kain sen titikaon ngeꞌe nduaxin, sen meꞌe tinꞌen ngeꞌe tjako.

San Juan 5:21

Xranchi Ndotána nchexechón ndo ni tsikenꞌen ko tajon ndo juachaxin tsechón na̱ íjngo. Jaña kaxon Chjenꞌen ndo chao tsajon xjan juachaxin tsechón kain ni tjaun jeꞌe xjan.

San Juan 6:33

Nutja tajon ndo Dio, meꞌe ndo xingajinxin ngajní ko jeꞌe ndo chjée ndo chujni nunte xasintajni juachaxin tsechón na̱ kain nchakon.

San Juan 6:51

Janꞌan nutja jichón xingajinxin ngajní. Ko sen sine nutja, tsechón sen kain nchakon. Nutja tsajon janꞌan ntauꞌna meꞌe, ko janꞌan tsajon nutja meꞌe ixi chujni nunte xasintajni xrochónda sen juachaxin tsechón sen kain nchakon.

San Juan 6:57

Ndotána tsixruanꞌanna ndo janꞌan, ndo meꞌe jichón ndo, ko janꞌan richónxin ixi jeꞌe ndo. Ko sen sine ntauꞌna, sen meꞌe tsechónxin sen ixi janꞌan.

San Juan 6:68

*Ko juateꞌe ndo Simón Pedro: ―Ncháina, ¿ti no itsjina? Chijni nichja jaꞌanta tajon juachaxin tsechónna kain nchakon

San Juan 8:32

Ko xrochuxinnta ti nduaxin, ko meꞌe xrotjáanta juachaxin ixi jian tsakeꞌenta ko xroꞌan ngisen tsantsjaꞌanta juachaxin meꞌe.

San Juan 8:51

Naa ngeꞌe nduaxin ntatjunta; siá tsitikaonnta ngeꞌe tjako, naiꞌa tsenꞌennta.

Hechos 3:15

Ko jaꞌanta naakóñaxónnta ngisen tajon juachaxin tsechón chujni, meꞌe ndo Jesús, ko ndo Dio juinchexechón ndo ndo. Jaña bikona janꞌanna ko meꞌe ndachrja̱nna.

Hechos 4:12

Ixi jeꞌo ndo Jesús chónda juachaxin sincheméꞌe ndo ijie̱ ko jeꞌo jeꞌe ndo tsixruaꞌan ndo Dio ngataꞌa xasintajni ixi koꞌa inaa ngisen tsitikaon na̱ ixi tsoméꞌe jíee na̱.

Hechos 9:2

ko juanchia xa naa xroon chónda juachaxin satsji xa niꞌngo tjajna Damasco tsjée xa sen titikaon chijnie ndo Jesús ixi tsikao xa sen nchri ko sen xi tjajna Jerusalén xroxraxinꞌin xa sen ndoꞌachjiso.

Romanos 15:16

ko kuinchena ndo sintaꞌa xrée ndo Jesucristo, xronichja chijnie ndo Dio ngajin ni jeꞌa judío. Ixra̱ meꞌe ti tjako̱ chijni jian ixi tsayéꞌe na̱ juachaxin tsechón na̱ kain nchakon, ko jeꞌe na̱ xrokjan na̱ xranchi naa ngeꞌe jian tsayéꞌe ndo Dio ixi Espíritue ndo.

Romanos 5:2

Ixi juasie Ncháina Cristo Jesús, chao tonchjiñeꞌena ngajin ndo Dio ixi chuntiana ndo ko jeꞌe ndo tjaunna ndo ko méxin jaña ícha chuntiana. Ko juaxruxin stena ixi stechonꞌenna tsayéꞌena juachaxin ijié chónda ndo.

Romanos 5:21

Kondeexin ijie̱ meꞌe bakeꞌe juachaxin tsenꞌen chujni. Ko jaña kaxon ndo Dio ícha chónda ndo juachaxin sincheméꞌe ndo jíee chujni ko tsajon ndo juachaxin tsechónna kain nchakon ixi Ncháina Jesucristo kuenxin ndo ixi jai̱na.

1 Corintios 15:45

Ko xranchi jitaxin xroon chijnie ndo Dio: “Xi juinchekonchjian ndo Dio ti xrangíxixión meꞌe ndo Adán, ndo kuayéꞌe juachaxin tsechón ndo.” Ko tjumeꞌe kui̱i̱ inaa ndo xranchi ndo Adán, ko ndo meꞌe chónda espíritu tajon juachaxin tsechón chujni kain nchakon.

Efesios 2:18

Ko ixi juachaxien ndo Cristo, kainna, sen judío o̱ sen jeꞌa judío, chao tsonchjiñeꞌena ngajin Ndotáina Dio ixi xrajeꞌo Espíritue ndo kuayeꞌena.

Colosenses 2:17

Kain ngeꞌe jiꞌi meꞌe tsaꞌon kain ngeꞌe tsi̱i̱. Ko ti tsi̱i̱ meꞌe ndo Cristo.

Colosenses 2:9

Ixi kain juachaxin chónda ndo Dio, meꞌe chónda ndo Cristo nchakon bakeꞌe ndo nunte xasintajni.

Colosenses 3:4

Ixi ndo Cristo chondaxina juachaxin stechónna ko nchakon xrokjan jeꞌe ndo, jaꞌanta kaxon tsakeꞌenta ngajin ndo ko tsikonnta juachaxin ijié chónda ndo.

Hebreos 7:25

Jeꞌe ndo chónda ndo ijié juachaxin, ixi chujni tsonchjiñeꞌe ngajin ndo Dio, jeꞌe ndo Jesús chao tsantsjengíꞌe ndo ti ndakoꞌa ncheꞌe sen, ixi jeꞌe ndo tsechón ndo kain nchakon ko jeꞌe ndo kain nchakon tinóatée ndo ngajin ndo Dio ixi chujnie ndo.

Hebreos 9:8

Meꞌe Espíritue ndo Dio ícha tjúá nchenoi̱na ixi siá xrajíi luga tjúá, ko ntiꞌa bakayéexin ndo Dio juasaya, méxin, juaꞌi xrokuixinꞌin ngixeꞌi ngisen ti luga ícha tjúá.

1 Pedro 1:21

Ixi kuenꞌen ndo Cristo meꞌe kuitikaonnta ndo Dio, ndo juinchexechón ndo Cristo nchakon kuenꞌen ndo, ko jeꞌe ndo Dio kuajon ndo ijié juachaxin ngajin ndo Cristo. Ko méxin jaꞌanta chuntianta ndo Dio ko stechonꞌennta tsaricho̱nnta kain nchakon.

1 Pedro 2:4

Méxin, tonchjiñeꞌenta ngajin Ncháina Jesús, ixi jeꞌe ndo meꞌe xranchi naa ixro jichón. Xro meꞌe kuitikaonꞌa chujni ko jeꞌe ndo Dio tsikincheꞌe ndo ixro meꞌe ixi ícha tjintee ixro.

1 Pedro 3:18

Ixi kaxon ndo Cristo jeꞌo naa kuenꞌen ndo ixi jíei̱na. Jeꞌe ndo jian ndo ko kuenxin ndo ixi jai̱na ni ñaꞌi, ixi jaña tsjentona ngajin ndo Dio. Ndo Cristo kuenꞌen cuerpoe ndo ko Espíritue ndo Dio juinchexechón ndo.

1 Juan 1:8

Ko siá ndachrona ixi xroꞌan ijie̱ chondana, jai̱ona ncheyeꞌena aséei̱na, ko jeꞌa nduaxin ti ndachrona.

1 Juan 2:23

Sen titikaonꞌa Chjenꞌen ndo Dio kaxon chúxinꞌa sen Ndotáina Dio, ko ngisen chronga ixi nduaxin ndo Cristo Chjenꞌen ndo Dio, sen meꞌe nduaxin chúxin sen Ndotáina Dio.

1 Juan 5:20

Kaxon noi̱na ixi Chjenꞌen ndo Dio kui̱i̱ xjan ngataꞌa nunte xasintajni ko juinchekuai̱na xjan xranchi tsichuxinna ndo Dio, ndo nduaxin ko steniina ngajin ngisen nduaxin, meꞌe jeꞌe ndo Jesucristo, chjenꞌen ndo Dio. Jiꞌi Ndo Dio, ndo nduaxin, ko chjai̱na ndo juachaxin tsechónna kain nchakon.

1 Juan 5:6

Nchakon kui̱i̱ ndo Jesucristo bikitée ndo ixi inda ko nchakon kuenꞌen ndo kuintjí jnié ndo. Ko jeꞌa jeꞌo inda. Kaxon inda ko ijni̱. Ko Espíritue ndo Dio ndachro ixi nduaxin jiꞌi. Ko Espíritue ndo ncheyaꞌi.

2 Juan 1:9

Ko chujni tintuꞌe ngeꞌe juako ndo Cristo, ni meꞌe tingachrue na̱, ko chóndaꞌi na̱ ndo Dio; ko sen titikaon ngeꞌe juako ndo Cristo, Ndotáina Dio ko Chjenꞌen ndo ste sen ngajin sen meꞌe.

Apocalipsis 1:5

ko kaxon ndo Jesucristo tajon kain juaxruxin jiꞌi. Jeꞌe ndo nduaxin chronga ndo kain ngeꞌe; jeꞌo jeꞌe ndo saꞌó xechón ndo, ndo ícha tetuanꞌan ixi kain xi rey ko ni tetuanꞌan nunte xasintajni. Jeꞌe ndo tsango tjaunna ndo, méxin ixi jnié ndo kuijmaxin kain ijie̱ sinkana.

Apocalipsis 19:11

Tjumeꞌe janꞌan bikon jixrangeꞌe ngajní ko ntiꞌa jii naa kunxin tjúá, ko ndo jitaꞌa ba ndatinꞌin ndo tsango Jian ko Nduaxin, ixi jeꞌe ndo jian nchéña ndo ijie̱ ngajin chujni ko te̱ꞌto̱ ndo ngajin ti ñaꞌi.

Apocalipsis 20:15

Ko ni jitaxinꞌa xranchi tinꞌin na̱ ngaya xroon ti jitaxin sen tsechón kain nchakon, ni meꞌe juankaꞌngi ndo na̱ ti jiche xroꞌi.

Apocalipsis 22:1

Tjumeꞌe ndo ángel juakoꞌna ndo naa inda jitinga, nda tjúá, ko nda meꞌe tajon juachaxin tsechón chujni. Ko tikonni nda xranchi naa xroxrao, ko kuachrjexin inda ti jii ntachaonꞌen ndo Dio ko Xjantuchjon.

Apocalipsis 22:17

Espíritue ndo Dio ko sen titikaon Xjantuchjon ndachro sen: ―Xrokuiinta. Ko sen tsinꞌen kaxon xrondachro sen: ―Xrokuiinta. Ko ngisen kuenꞌen inda tsi̱i̱ sen ko tsiꞌi sen inda tajon juachaxin tsechónni kain nchakon, ko sen tsi̱i̱ xroꞌan ngeꞌe tsjenga sen ꞌna̱.

Apocalipsis 3:14

’Ikjian ngeꞌe tsayéꞌe ndo ángel jitayakonꞌen aséen sen niꞌngo tjajna Laodicea: “Jaꞌin ndachro ndo nduaxin, ndo chronga kain ti nduaxin. Janꞌan bakeꞌe ti xrangíxixín juinchéña ndo Dio kain ngeꞌe. Ndachrja̱n jaꞌin:

Apocalipsis 3:7

’Ikjian ngeꞌe tsayéꞌe ndo ángel jitayakonꞌen aséen sen niꞌngo tjajna Filadelfia: “Jaꞌin ndachro ndo tjúá, ndo nduaxin, ndo chónda chika xitjeexin nta̱chja tikinixinꞌen ndo rey David. Ixi nchakon tsantjeꞌe ndo nta̱chja xroꞌan ngisen tsijeꞌe̱ nta̱chja, ko nchakon tsijeꞌe̱ ndo nta̱chja ko xroꞌan ngisen tsantjeꞌe nta̱chja: