San Juan 13:27 - El Nuevo Testamento

²⁷ Ko kuayéꞌe xi Judas nutja, ko tuinxin Xixronꞌanxrée kuixinꞌin xa aséen xi Judas. Ko ndo Jesús ndache ndo xa: ―Ngeꞌe sincheꞌe, jaiko xakonꞌan ncheꞌe meꞌe.

San Juan 13:27 Iomraidhean Croise

Mateo 12:45

Tjumeꞌe itji espíritu ñaꞌi ko tikao íjngo ya̱a̱to̱ espíritu ncheꞌe ixra̱ ngajin Xixronꞌanxrée ícha ñaꞌi. Ko kain espíritu ñaꞌi tixinꞌin ngaxinꞌin chujni meꞌe, ko chujni meꞌe ícha chjinga tsonꞌen ixi ti nchakon kuachónda naakua espíritu ñaꞌi. Jaña tsonꞌen kain chujni ndakoꞌa ncheꞌe jai.

Mateo 4:10

Tjumeꞌe jeꞌe ndo Jesús ndachro ndo: ―Satjia jaꞌa Xixronꞌanxrée, ixi ndachro xroon chijnie ndo Dio: “Jeꞌo Ncháa ndo Dio xrokonda xrochjeꞌé ndo juasaya ko jeꞌo ngajin jeꞌe ndo tsitikaoan.”

Marcos 6:25

Ko jeꞌe nchrichajan jaiko ikjan nchrichan ti jii xi rey, ko ndachro nchrichan: ―Janꞌan tjaꞌon xrochjána̱na jaa xi Juan Bautista ngaya naa laato.

San Lucas 22:3

Ko Xixronꞌanxrée kuixinꞌin aséen xi Judas kaxon ndatinꞌin Iscariote. Xi meꞌe naa xi teyuu sen bajikao ndo Jesús.

San Juan 13:2

Ko ó kui̱i̱ hora sine sen tsokjín, ko Xixronꞌanxrée ó tsixraxinꞌin xa aséen xi Judas Iscariote, ndotée xa ndatinꞌin Simón, sinchekji xa ndo Jesús.

San Juan 13:28

Ko ninaa sen stene ntiꞌa kuienxin sen sonda jaña ndachro ndo.

San Juan 6:70

Ko juateꞌe ndo Jesús, ndachro ndo: ―Janꞌan kuinchaꞌa kainnta teyuunta, ko naánta ntiꞌi xrokjannta naa chujni ñaꞌi.

Hechos 5:3

Méxin, ndo Pedro ndachro ndo: ―Ananías, ¿sonda chje̱ꞌé juachaxin Xixronꞌanxrée kuixinꞌin xa ntakuian ixi xrojuincheyeꞌé Espíritue ndo Dio ko xrokuituaꞌa tuꞌya tomi tsinchekjixian nunte?