San Juan 12:48 - El Nuevo Testamento

⁴⁸ Ko chujni titikaonꞌana ko titikaonꞌa chijnina ó jii ngisen tsjankataꞌa na̱ ijie̱. Chijni nichja meꞌe chijni sinchéña ijie̱ ngajin na̱ nchakon tsjexixin nunte xasintajni.

San Juan 12:48 Iomraidhean Croise

Mateo 10:15

*Ko nduaxin ndachrja̱n ixi nchakon tsoña̱ ijie̱ ti tsjexinja kain ngeꞌe, ni tjajna Sodoma ko Gomorra tantoꞌa tangi tsonꞌen na̱ xranchi ni tjajna tjaunꞌa na̱ kuinꞌen na̱ ti ndachronta.

Mateo 21:42

Ko ndachro ndo Jesús: ―¿Á juinchekuanxinꞌanta xroon chijnie ndo Dio tsikjin sen kuachronga ó saꞌó? Ixro chaxro jueñaoꞌa ni tiꞌte nchia, ko jai ixro meꞌe, ixro ícha tjintee tsikiꞌtexin nchia. Ko ndo Dio jaña juinchéña ndo, meꞌe ti chaxro stetikonna jai. Jaña ichro chijnie ndo Dio.

Mateo 25:31

*’Nchakon xrokjan Chjenꞌen ndo Dio, xjan jongíꞌe xranchi chujni, tsikaꞌo xjan ijié juachaxin ixi tsango tsituanꞌan xjan ko tsi̱i̱ kain sen ángel ko tjumeꞌe tsetaꞌa xjan ntaxitaon ko xrochónda xjan ijié juachaxin.

Marcos 12:10

’¿Á juinchekuanxinꞌanta ti jitaxin xroon chijnie ndo Dio? Ndachro: Ixro jueñaoꞌa ni juinchekonchjian tjatuꞌo, jai xro meꞌe ikjan xro, ixro ícha tetuanꞌan.

Marcos 16:16

Sen tsitikaon ko tsikitée, sen meꞌe tsitjáñaꞌi sen. Ko ni tsitikaonꞌa, ni meꞌe tangi tsonꞌen na̱.

Marcos 8:31

Ko juangíxin ndo Jesús ndache ndo sen ixi jeꞌe ndo chjenꞌen ndo Dio, xjan jongíꞌe xranchi chujni, xrokonda tsango tangi tsonꞌen ndo ko kain xi tetuanꞌan niꞌngo ko kain xitaana tetuanꞌan ko kain ni tjako ley tsoñaoꞌe na̱ ndo. Ko ni meꞌe naatsóñaxón na̱ ndo ko nchakon nínxin xroxechón ndo.

San Lucas 10:16

*Ko ndachro ndo Jesús: ―Ngisen tsitikaon ti xrondachro jaꞌanta, kaxon tsitikaonna na̱ janꞌan. Ko ngisen tsitikaonꞌa ti xrondachronta, kaxon tsitikaonꞌana na̱. Ko chujni tsitikaonꞌa na̱ janꞌan, kaxon tsitikaonꞌa na̱ ngisen xruanꞌanna juiꞌi.

San Lucas 17:25

Ko xrokonda tsango tangi tsónna ko ni jii jai tsitikaonꞌa na̱ ko xrotjaunꞌana na̱ janꞌan.

San Lucas 20:17

Ko ndo Jesús jitsjeꞌe ndo na̱ ko ndachro ndo: ―Méxin, ¿ngeꞌe xrondachro xroon chijnie ndo Dio ti jitaxin jaꞌin? Ixro jueñaoꞌa ni nchekonchjian nchia, ixro meꞌe ikjan ixro ícha tjintee.

San Lucas 7:30

Ko xi fariseo ko xi tjako ley chroꞌa xa ixi ndo Juan xrobikitée ndo xa, tjaunꞌa xa ti ndo Dio xrobingijna ndo xa.

San Lucas 9:22

Ko tjumeꞌe ndo Jesús ndache ndo sen: ―Janꞌan, chjenꞌen ndo Dio, xjan jongíꞌe xranchi chujni, xrokonda tsango tangi sinchena na̱, ko kain xi tetuanꞌan niꞌngo, ko kain xitaana tetuanꞌan ko kain xi tjako ley, tsoñaona na̱. Ko naatsóñaxónna na̱, ko nchakon nínxin xroxechónna íjngo.

San Lucas 9:26

Méxin, ngisen tosueꞌe ixi titikaonna sen ko chijni nichja, kaxon janꞌan, Chjenꞌen ndo Dio, xjan jongíꞌe xranchi chujni, xrondachrja̱n ixi chúxinꞌa sen nchakon tsikian ijié juachaxin ko chjiixro chónda Ndotána ko kain ángel neꞌe ndo.

San Juan 11:24

Nchri Marta ndachro nchra: ―Janꞌan nóna xroxechón xa íjngo nchakon xroxechón kain ni tsikenꞌen, nchakon tsjexixin kain ngeꞌe.

San Juan 5:45

Xraxaonꞌanta ixi janꞌan tsjankataꞌanta ijie̱ ngajinxin Ndotána. Naꞌi. Ndo tsjankataꞌanta ijie̱ meꞌe ndo Moisés ixi chuntianta ngajin ndo.

San Juan 6:39

Ko Ndotána tsixruanꞌanna, meꞌe tjaun ndo ixi xroꞌan chujni chjána ndo tsitjáña, ixi tjaun ndo janꞌan sintaxechón kain na̱ nchakon tsjexixin.

San Juan 8:47

Ngisen titikaon ndo Dio tjaun sen tsinꞌen sen chijnie ndo. Ko jaꞌanta titikaonꞌanta ndo, meꞌe tjaunꞌanta tsinꞌennta chijnie ndo.

Hechos 17:31

Ndo Dio kuincheꞌe ndo naa nchakon sinchéña ndo ijie̱ ngajin chujni jii ngataꞌa nunte ko kuincheꞌe ndo naa ndo juakoxin kain juachaxin, ndo meꞌe maski kuenꞌen ndo, xechón ndo íjngo.

Hechos 3:23

Ko ngisen tsitikaonꞌa ti xronichja ndo, sen meꞌe ítsikinixienꞌa sen tjajna Israel.”

Romanos 2:16

Naa nchakon ndo Dio sinchéña ndo ijie̱ ngajin kain ti imao juincheꞌe chujni. Jiꞌi tsonꞌen ixi juachaxien Ncháina Jesucristo xranchi jitaxin chijni jian tjako̱ janꞌan.

2 Corintios 4:3

Ko ni tienxinꞌa chijnie Ncháina ti tjakona, ni meꞌe tsitjáña na̱ méxin tienxinꞌa na̱.

2 Tesalonicenses 1:8

Tsi̱i̱ ndo Jesucristo ixi sinchéña ndo ijie̱ ngajin kain chujni kuitikaonꞌa ndo Dio ni ko kuitikaonꞌa chijni jian nichja Ncháina Jesucristo.

Hebreos 10:25

Ko tsintueꞌana xroxraꞌuna nchakon xraꞌoni ti xrotsje̱ni ngajin ndo Dio xranchi ncheꞌe íkaxin sen. Jai̱na chaxro xronichjeꞌe kichuuna, ixi ó jitonchjiñeꞌe nchakon xrokjan Ncháina Jesucristo.

Hebreos 12:25

Méxin, jian tsjeꞌenta ngisen jinichjaꞌanta ko titikaonnta ndo Dio, ixi sen tjajnée ndo, sen kuitikaonꞌa nchakon kuyakutee ndo sen ngataꞌa ijna̱ juaꞌi sabingeꞌe sen ndo. Méxin, jai̱na ícha juaꞌi satsingeꞌena ndo siá sintuꞌuna ti ndakoꞌa ko tsitikaonꞌana ndo, ixi jeꞌe ndo jinichjai̱na ndo ko tée ndo jiti̱ꞌxi̱n ngajní.

Hebreos 2:3

Méxin, ¿xranchi satsingeꞌena nchakon sinchéña ndo Dio ijie̱, siá jeꞌe ndo ó juincheméꞌe ndo jíei̱na ko kuajon ndo juachaxin tsenꞌana ko jai̱na tsintuꞌena meꞌe? Chijni ó saꞌó tsichronga Ncháina Jesucristo, ko sen kuinꞌen chijni chronga sen ixi chijni meꞌe nduaxin chijni, ko tjumeꞌe jai̱na kuayeꞌena chijni.

Hebreos 4:12

Ixi chijnie ndo Dio, jichón chijni ko chónda chijni ijié juachaxin ko ícha yao chijni ixi chika espada yaoxin yuxin lado, ko titoꞌo chijni ícha ngaxinꞌin aséei̱na ko espíritui̱na. Ko jian nchexraxaonni chijni ko nduaxin noꞌe chijni kain ti ngeꞌe tjaun sincheꞌe aséei̱na.

1 Pedro 1:5

Ko ixi chuntianta Ndo Dio, jeꞌe ndo tayakonꞌannta ndo ko ixi juachaxien ndo chao tsaricho̱nnta kain nchakon xranchi tsixraxaon ndo ó saꞌó. Kain jiꞌi tsonoxin nchakon tsjexin nunte xasintajni.

2 Pedro 3:3

*Xrokonda xrokonoꞌanta jiꞌi: ixi nchakon tsjexin xasintajni tsi̱i̱ chujni tsjanoa na̱ ti jian kuajon ndo Dio, ko jeꞌo tsitikaon na̱ kain ti ngeꞌe ñaꞌi xraxaon na̱.

2 Pedro 3:7

Ko ndo Dio ndachro ndo ixi tsiji nchakon ngajní ko nunte xasintajni jii jai, tsitjáña ixi xroꞌi, kain ngeꞌe xroche nchakon ndo Dio sinchéña ndo ijie̱ ngajin kain chujni ko sinchetjáña ndo ni ndakuaꞌi ncheꞌe.