San Juan 12:28 - El Nuevo Testamento

²⁸ Cháña xrondachrja̱n: “Ndotána, tsjakonta juachaxin ijié chonda ngajin chujni nunte ntiꞌi.” Hora meꞌe kuinꞌen na̱ nichja naa tée ngajní ko ndachro: ―Ó juexin juako juachaxinna ko íjngo sintaꞌa meꞌe.

San Juan 12:28 Iomraidhean Croise

Mateo 11:25

Hora meꞌe ndo Jesús nichja ndo ngajin Ndotée ndo ko jaꞌin ndachro ndo: ―Ndotána, tjáꞌanta juasiana, Nchée ngajní ko nunte xasintajni, ixi jaꞌanta kueméꞌenta chujni tsango noꞌe ko ni tsango tsikangi xroon, ko juinchekueꞌennta kain jiꞌi ngajin sen nchejiéꞌa aséen.

Mateo 11:26

Ndotána, jaña konꞌen ixi jaꞌanta jaña fiaonnta.

Mateo 17:5

*Ko xrajinichja ndo Pedro, naa itjui̱ tsango jitóngíxin kuitsía sen ko ngakjenꞌen itjui̱ meꞌe kuinꞌen sen naa tée inaa sen nichja ko ndachro sen jaꞌin: ―Jiꞌin chjanꞌna tsango tjuaꞌa ko tsango juaxruxin ritjén ixi ixra̱ jincheꞌe jeꞌe xjan. Titikaonnta ngeꞌe nichja xjan.

Mateo 26:42

Tjumeꞌe sakjui ndo íjngo ko ó yuxin kuinóatée ndo ngajin Ndotée ndo, ko ndachro ndo: ―Ndotána, siá xrokonda tsiꞌi ti itsjá jitjiá copa jiꞌi ko jaña tjaun jaꞌanta, janꞌan tsitikaꞌon.

Mateo 3:17

*Ko tuinxin kuinꞌenni naa tée séen kui̱xi̱n ngajní ko ndachro: ―Jiꞌin chjanꞌna tsango tjuaꞌa ko juaxruxin ritjén ngajin xjan.

Marcos 1:11

*Ko kuinꞌen na̱ nichja naa tée sen kui̱xi̱n ngajní, ndachro: ―Jaꞌa chjanꞌna ko janꞌan tsango tjuaꞌanta. Ko janꞌan juaxruxin ritjén ixi jaꞌa.

Marcos 14:36

Ko ndachro ndo: ―Jaꞌanta Ndotána. Jaꞌanta chondanta kain juachaxin ko tjanchaꞌanta ixi tsatsingaꞌi janꞌan juachjaon jiꞌi. Ko tsoenꞌa xranchi janꞌan tjaꞌon. Naꞌi, tsonꞌen xranchi jaꞌanta tjaunnta.

Marcos 9:7

*Ko tuinxin kui̱i̱ naa itjui̱ bakeꞌe ngataꞌa ti ste sen. Ko ngakjenꞌen itjui̱ meꞌe kuinꞌen sen naa tée naa ngisen nichja: ―Jiꞌin chjanꞌna tsango tjuaꞌa. Tinꞌennta ngeꞌe xrondachro xjan.

San Lucas 3:22

*ko Espíritue ndo Dio xingajin xranchi naa kuntúá ko bakeꞌe ba ngataꞌa jaa ndo Jesús ko kuinꞌenni nichja naa ngisen jii ngajní ndachro: ―Jaꞌa chjanꞌna ko tsango tjuaꞌa. Ko janꞌan ritjén juaxruxin ngajian.

San Lucas 9:35

*Ko tjumeꞌe ngakjenꞌen itjui̱ meꞌe kuinꞌen sen naa ngisen ndachro: ―Jiꞌi chjanꞌna tsango tjuaꞌa. Tinꞌennta ti ndachro xjan.

San Juan 11:4

Ko kuinꞌen ndo Jesús ko ndachro ndo: ―Ichin chónda xa jeꞌa tsenxin xa ichin meꞌe. Naꞌi. Jiꞌi tsjako juachaxin ijié chónda Chjenꞌen ndo Dio.

San Juan 18:11

*Ko ndo Jesús ndache ndo ndo Pedro: ―Xraxiꞌian chika espada ña̱. Siá Ndotána kuetuanꞌan ixi tangi tsatsinga, xrokonda tsatsinga janꞌan kain jiꞌi.

San Juan 9:3

Ko juateꞌe ndo Jesús, ndachro ndo: ―Jiꞌi jeꞌa jíee xa ko jeꞌa jíee ndotée ko janée xa. Jaña tsikonꞌen xa ixi ndo Dio tsjako juachaxien ndo.

Efesios 2:7

Jaña juako ndo ixi tsango tjuai̱na ndo jai ko kain nano tsi̱i̱ ko bingijnana ndo ixi titikaꞌonna ndo Cristo Jesús.

Efesios 3:10

Ko jai sen niꞌngo xrokonda tsjako sen ngajin sen ángel ko sen tituanꞌan ste ngajní ixi ndo Dio tsango noꞌe ndo kainxin ngeꞌe.

Efesios 3:21

Sen tikinixinꞌen ningue ndo Cristo xrokonda tsajon sen juasaya ngajin ndo Dio kain nchakon. Jaña tsonꞌen.

2 Pedro 1:17

*Bikona jiꞌi nchakon Ndotáina Dio kuajon juachaxin ko juasaya ngajin Chjenꞌen ndo, ko kuinꞌanna ngajní nichjaxin ndo ko ndachro ndo: “Jiꞌin chjanꞌna ícha tjuaꞌa. Tsango juaxruxin ritjén ngajin xjan.”