San Juan 10:1 - El Nuevo Testamento

¹ Tjumeꞌe ndachro ndo Jesús: ―Nduaxin ntatjunta: ni tsixinꞌa nta̱chja tijexin kutuchjon, ko tixixin na̱ nango; ni meꞌe ncheꞌe na̱ xranchi naa xicheꞌe ko naa ni ndakoꞌa ncheꞌe.

San Juan 10:1 Iomraidhean Croise

Mateo 7:15

’Tsjeꞌenta jian ixi kueya ni ndachro ixi jeꞌe na̱ nichja na̱ chijnie ndo Dio ko nduaxinꞌa. Jeꞌe na̱ tetsáa na̱ xranchi naa kutuchjon, ko ngaya aséen na̱ ncheꞌe na̱ xranchi naa kundanixra tsango jieꞌe.

San Juan 10:7

Tjumeꞌe ndachro ndo Jesús íjngo: ―Nduaxin ndachrja̱n ixi janꞌan nta̱chja meꞌe tixixin kutuchjon.

San Juan 3:3

Ko ndo Jesús ndachro ndo: ―Janꞌan ntatjua ixi ngisen tjongíeꞌa íjngo juaꞌi tsikon sen ti tetuanꞌan ndo Dio.

Romanos 10:15

¿Ko xranchi tsjako na̱ chijnie ndo siá xroꞌan ngisen xruanꞌan na̱ itsji na̱? Xranchi ndachro xroon jitaxin chijnie ndo Dio: “Juaxruxin tsakeꞌeni nchakon tikonni naa chujni chronga chijnie ndo Dio.”

Romanos 16:18

Sen jaña ncheꞌe, jeꞌa xrée Ncháina Jesucristo ncheꞌe sen. Jeꞌo ncheꞌe sen ngeꞌe tjaun sen ko ti xraxaon sen, ko chaxro nichjeꞌe sen chujni xranoeꞌa ko jaña ncheya sen ngajin sen.

Tito 1:11

Ni meꞌe xrokonda tsijeꞌe̱ni roꞌa na̱ ixi nchetjáñajin na̱ kain sen ste naa nchia ixi jeꞌo tjako na̱ ngeꞌe nduaxinꞌa ko jeꞌa jian, ixi jaña tsjacha na̱ kueya tomi.

Hebreos 5:4

Ko xroꞌan ngisen jeꞌo sen xrondachro sen ixi jeꞌe sen ndotaana ícha tetuanꞌan. Naꞌi, ndo Dio xrokonda tsincheꞌe ndo sen ko jeꞌe ndo tajon ndo juachaxin ngajin sen, jaña juincheꞌe ndo nchakon kuincheꞌe ndo ndo Aarón.

1 Pedro 1:10

Nchakon ó saꞌó sen kuachronga chijnie ndo Dio juanchangi sen xranchi xrokuechón chujni kain nchakon ko chronga sen ixi ndo Dio xrokuajon ndo juachaxin meꞌe xrokuayeꞌenta ixi tjuaꞌanta ndo ko jian ndo.

2 Pedro 2:1

Saꞌó bakeꞌe ni ndakoꞌa kuachronga chijnie ndo Dio tjajna Israel, ko jai ste ni jaña ncheꞌe. Jeꞌe na̱ imao sintakuanꞌannta na̱ ngeꞌe nduaxinꞌa ko meꞌe tsitjáñaxin asáanta ixi xrondachro na̱ ixi Ncháina juaꞌi sincheméꞌe ndo ijie̱ chondana. Ko kondeexin meꞌe, jeꞌe na̱ naatsitjáñaxónna.

2 Pedro 2:3

Ni tjako jaña tjaun na̱ xrochónda na̱ itsjé tomi, ko tsjacha na̱ tomi meꞌe ixi tsjako na̱ naa chijni nduaxinꞌa. Ko meꞌe tsamaxin na̱ ijie̱ ko jaña tsitjáña na̱.

1 Juan 4:1

Jaꞌanta kichuuna, titikaonꞌanta kaxin ni ndachro ixi jeꞌe na̱ nichjaxin na̱ Espíritue ndo Dio. Jaꞌanta tsjeꞌenta á nduaxin nichjaxin na̱ Espíritue ndo Dio o̱ naꞌi. Ixi ntiꞌi ngataꞌa nunte jii kueya ni ncheya ixi ndachro na̱ jeꞌe na̱ nichjaxin na̱ espíritue ndo Dio ko nduaxinꞌa meꞌe.