San Juan 1:51 - El Nuevo Testamento

⁵¹ Kaxon ndachro ndo Jesús: ―Nduaxin ntatjunta ixi tsikonnta xroxitjeꞌe ngajní ko sen angéel ndo Dio stetajinꞌin sen ko stexinganjin sen ngataꞌa Chjenꞌen ndo Dio, xjan jongíꞌe xranchi chujni.

San Juan 1:51 Iomraidhean Croise

Mateo 25:31

*’Nchakon xrokjan Chjenꞌen ndo Dio, xjan jongíꞌe xranchi chujni, tsikaꞌo xjan ijié juachaxin ixi tsango tsituanꞌan xjan ko tsi̱i̱ kain sen ángel ko tjumeꞌe tsetaꞌa xjan ntaxitaon ko xrochónda xjan ijié juachaxin.

Mateo 26:24

Ko nduaxin Chjenꞌen ndo Dio, xjan jongíꞌe xranchi chujni, tsenꞌen xjan xranchi nichja xroon chijnie ndo Dio, ko lastu xi sinchekji xjan. Cháña xi meꞌe xrojongíeꞌa xa ngataꞌa nunte xasintajni.

Mateo 3:16

Ko ndo Jesús bikitée ndo, tuinxin xenduaxin ndo inda ko meꞌe xitjeꞌe̱ ngajní ko bikon ndo Espíritue ndo Dio xingajin xranchi naa kuntúá ko bakeꞌe ngataꞌa ndo.

Mateo 4:11

Ko Xixronꞌanxrée ngaxiton xa ko tjumeꞌe kui̱i̱ kaxin sen ángel ngajin ndo Jesús ko kuayakonꞌen sen ndo.

Mateo 8:20

Ko juatingíexin ndo Jesús ko ndachro ndo: ―Kutuunta chónda ba itjao̱ tejuaxinꞌin ba, ko kuxe chónda ba kakée ba. Ko Chjenꞌen ndo Dio, xjan jongíꞌe xranchi chujni, chóndaꞌi xjan ti no tsjokéexin xjan.

Mateo 9:6

Méxin, sintanoꞌanta ixi Chjenꞌen ndo Dio, xjan jongíꞌe xranchi chujni, tsango tituanꞌan xjan ngataꞌa nunte ntiꞌi ixi sincheméꞌe xjan ti ndakoꞌa juincheꞌe chujni. Tjumeꞌe ndache ndo xi niꞌe: ―Tingatjen, tama kaniꞌa ko satjia ndúya.

Marcos 1:10

Ko hora kuachrjengíxin ndo Jesús inda, tuinxin bikon ndo xitjeꞌe̱ ngajní ko espíritue ndo Dio xingajin xranchi naa kuntúá ko bakeꞌe ngataꞌa jaa ndo Jesús.

Marcos 14:62

Ko ndachro ndo Jesús: ―Jaán, janꞌan. Ko naa nchakon jaꞌanta tsikonnta Chjenꞌen ndo Dio, xjan jongíꞌe xranchi chujni, tsakeꞌe xjan ndatsjonxin jian ti jii ndo Dio, ndo chónda ijié juachaxin ko jeꞌe xjan tsi̱ꞌxi̱n ndo ngajní ngakjenꞌen itjui̱.

San Lucas 2:13

Xrajíi ndo ángel, tuinxin konoxin ícha kueya sen ángel kui̱xi̱n sen ngajní, ko itsje̱ sen ko kuajon sen juasaya ngajin ndo Dio jii ngajní, ko ndachro sen:

San Lucas 2:9

Meꞌe tuinxin konoxin naa ndo ángel xruanꞌan ndo Dio, ko bikaꞌo ndo chjiixrué ndo Dio juinchengasáña nguixin ngandajin na̱; ko jeꞌe na̱ tsango xronka na̱.

San Lucas 22:43

Ko tjumeꞌe konoxin naa ndo ángel kui̱xi̱n ngajní ixi sinchesoji ndo aséen ndo Jesús.

San Lucas 22:69

Ko janꞌan, chjenꞌen ndo Dio, xjan jongíꞌe xranchi chujni, xrajai tsakeꞌe ndatsjonxin jian ti jii ndo Dio chónda kain juachaxin.

San Lucas 24:4

Tjumeꞌe tsango xronka nchra ixi noeꞌa nchra ngeꞌe konꞌen. Ko tuinxin bikon nchra yuu xi ste tjenka nchra ko tóngíxin manta steyá xa.

San Lucas 3:21

Ko nchakon xrajitikitée ndo Juan kueya na̱, kaxon kui̱i̱ ndo Jesús bikitée ndo. Ko hora jinichja ndo Jesús ngajin ndo Dio xitjeꞌe̱ ngajní

San Juan 1:50

Juatengíexin ndo Jesús: ―¿Á kuitikaonna ixi jeꞌo ntatjua bikuan chringi nta̱a̱ tajon tuhigo? Tjumeꞌe tsikuan ícha ijié ngeꞌe ixi ti ngeꞌe bikuan jai.

San Juan 10:1

Tjumeꞌe ndachro ndo Jesús: ―Nduaxin ntatjunta: ni tsixinꞌa nta̱chja tijexin kutuchjon, ko tixixin na̱ nango; ni meꞌe ncheꞌe na̱ xranchi naa xicheꞌe ko naa ni ndakoꞌa ncheꞌe.

San Juan 10:7

Tjumeꞌe ndachro ndo Jesús íjngo: ―Nduaxin ndachrja̱n ixi janꞌan nta̱chja meꞌe tixixin kutuchjon.

San Juan 13:16

*Naa ngeꞌe nduaxin ntatjunta ixi ni ncheꞌe ixra̱, jeꞌa ícha tjintee na̱ ixi ni xrée, ko ninaa ngisen tikao naa juajna, tjinteꞌa na̱ ícha ixi ni tsixruaꞌan juajna.

San Juan 13:38

Ko ndo Jesús juateꞌe ndo: ―¿Á nduaxin tsenxian ixi janꞌan? Nduaxin ntatjua xraxrotsje̱ꞌa kuntaxichíká, níi xrondachrua chuxinꞌana.

San Juan 14:12

Naa ngeꞌe nduaxin ntatjunta siá nduaxin tsitikaonnantana, ti juintaꞌa kaxon jaꞌanta chao sincheꞌenta kain meꞌe ko kaxon ixra̱ ícha ijié ngeꞌe sincheꞌenta ixi janꞌan satsji ti jii Ndotána.

San Juan 16:20

Nduaxin ntatjunta ixi tsango xrotsjanganta ko tsoniꞌe asáanta, ko ni nunte xasintajni tsakeꞌe na̱ juaxruxin. Ko maski tsango tsoniꞌe asáanta ko tjumeꞌe xrokjan tsakeꞌenta juaxruxin.

San Juan 16:23

’Nchakon meꞌe xroꞌan ngeꞌe tsjanchangínanta. Nduaxin ngeꞌe ntatjunta. Ixi Ndotána xrotjáanta ndo kain ngeꞌe tsjanchaxinnta nombréena.

San Juan 21:18

Ko naa ngeꞌe nduaxin ntatjua ixi nchakon xrachájan jaꞌa, jaꞌua bakaria mantáa ko bakjia tinó tjauan. Ko nchakon tsotáchría tsinxé tjáa ko inaa ngisen sintekitsaa mantáa ko tsikaan na̱ ti no tjaunꞌa itsjia.

San Juan 3:3

Ko ndo Jesús ndachro ndo: ―Janꞌan ntatjua ixi ngisen tjongíeꞌa íjngo juaꞌi tsikon sen ti tetuanꞌan ndo Dio.

San Juan 3:5

Ko ndo Jesús ndachro ndo: ―Nduaxin ntatjua: ixi ngisen tsjongíexinꞌa inda ko Espíritue ndo Dio juaꞌi tsixinꞌin sen ti tetuanꞌan ndo Dio.

San Juan 5:19

Tjumeꞌe ndo Jesús ndache ndo na̱: ―Naa ngeꞌe nduaxin ntatjunta ixi Chjenꞌen ndo Dio juaꞌi sincheꞌe ndo naa ngeꞌe jeꞌo jeꞌe ndo. Jeꞌo ncheꞌe ndo ngeꞌe tikon ndo ncheꞌe Ndotée ndo. Kain ngeꞌe ncheꞌe ndotée ndo kao chjenꞌen ndo ncheꞌe xjan jaña.

San Juan 5:27

ko kaxon tsikajon ndo juachaxin ngajin Chjenꞌen ndo sinchéña xjan ijie̱ ixi jeꞌe xjan Chjenꞌen ndo Dio, xjan jongíꞌe xranchi chujni.

San Juan 6:26

Ko juateꞌe ndo Jesús, ndachro ndo: ―Ó nóna ixi jaꞌanta tjéenta na̱ ixi juintenta nutja ko kaonnta, ko jeꞌa ixi kuienxinnta ti ixra̱ ijié juintaꞌa.

San Juan 6:32

Ko juateꞌe ndo Jesús, ndachro ndo: ―Naa ngeꞌe nduaxin ntatjunta, jeꞌa ndo Moisés kuajon maná ikjan nutja xingajinxin ngajní. Ndotána tajon ndo nutja nduaxin, nutja xingajinxin ngajní.

San Juan 6:47

Nduaxin ngeꞌe ndachrja̱n ixi sen titikaonna ó chónda sen juachaxin tsechón sen kain nchakon.

San Juan 6:53

Ko juateꞌe ndo Jesús, ndachro ndo: ―Janꞌan ndachrja̱n ixi siá sineꞌanta ntauꞌe Chjenꞌen ndo Dio, xjan jongíꞌe xranchi chujni, ko siá tsiꞌanta jnié xjan, xrochondaꞌinta juachaxin tsechonnta kain nchakon.

San Juan 8:34

Ko ndachro ndo Jesús: ―Naa ngeꞌe nduaxin ntatjunta ixi ngisen ncheꞌe ngeꞌe ndakoꞌa, juaꞌi tintuꞌe na̱ ti ndakoꞌa, ko ijie̱ chónda na̱ meꞌe tantsjeꞌe na̱ juachaxin.

San Juan 8:51

Naa ngeꞌe nduaxin ntatjunta; siá tsitikaonnta ngeꞌe tjako, naiꞌa tsenꞌennta.

San Juan 8:58

Ko juateꞌe ndo Jesús: ―Naa ngeꞌe nduaxin ntatjunta ixi xrakoꞌa ndo Abraham, ó ritjén janꞌan.

Hechos 10:11

Bikon ndo ixi xitjeꞌe̱ ngajní ko ntiꞌa xingajinxin naa manta ijié. Jixriteꞌe kanoó ikon manta.

Hechos 7:56

Ko ndachro ndo Esteban: ―Bikon xitjeꞌe̱ ngajní ko ntiꞌa jii Chjenꞌen ndo Dio, xjan jongíꞌe xranchi chujni, ndatsjonxin jian ti jii ndo Dio.

2 Tesalonicenses 1:7

Ko jaꞌanta ti xrastechondanta juachjaon, tsjokaꞌanta xranchi janꞌanna. Jaña tsonꞌen nchakon tsi̱ꞌxi̱n Ncháina Jesús ngajní ko ngusine xroꞌi tsonoxin ndo ko tsikaꞌo ndo kain sen ángel, sen chónda juachaxin.

2 Tesalonicenses 1:9

Chujni jiꞌi ijié juachjaon ko tangi tsikon na̱ kain nchakon ko naiꞌa tsjexin ti tsikaon na̱, ko jeꞌe ndo tsengi ndo na̱ satsji na̱ ntáꞌa ko ítsikonꞌa na̱ ti ijié juachaxin chónda ndo.

1 Timoteo 3:16

Ko ti chijni nduaxin kuayeꞌena meꞌe chijni ícha tjintee ko chujni kuachúxinꞌa na̱ chijni jiꞌi ko nduaxin ngeꞌe titikaꞌonna: Ndo Jesucristo jongíꞌe ndo ntiꞌi nunte xasintajni xranchi naa chujni; Ko Espíritue ndo Dio juakoxin ixi ndo Jesucristo jian ndo. Ko sen ángel bikon sen ndo ko kaxon nchijíi nunte xasintajni kuinꞌen na̱ ngeꞌe kuanichja ndo ko kueya chujni jii ngataꞌa nunte stetitikaon na̱ ndo. Ko tjumeꞌe ndo Dio kuayéꞌe ndo ndo Jesucristo ti jii ngajní.

Hebreos 1:14

Kain sen ángel meꞌe espíritu tikonꞌani ncheꞌe ixra̱ ngajin ndo Dio ixi jeꞌe sen kuituenꞌen sen tsingijna sen chujni tsitjáñaꞌi aséen ko tsechón kain nchakon.

Judas 1:14

Nchakon bakeꞌe ndo Adán, tjumeꞌe ya̱tu̱xi̱n ndo meꞌe kui̱i̱ ndo Enoc, ndo nichjaxin juachaxien ndo Dio ko ndachro ndo: “Janꞌan bikon Ncháina Dio bikaꞌo ndo itsjé mil sen ángel chónda ndo,

Apocalipsis 19:11

Tjumeꞌe janꞌan bikon jixrangeꞌe ngajní ko ntiꞌa jii naa kunxin tjúá, ko ndo jitaꞌa ba ndatinꞌin ndo tsango Jian ko Nduaxin, ixi jeꞌe ndo jian nchéña ndo ijie̱ ngajin chujni ko te̱ꞌto̱ ndo ngajin ti ñaꞌi.

Apocalipsis 4:1

Tjumeꞌe janꞌan bikon jixrangeꞌe naa nta̱chja jii ngajní. Ko ti sen nichja kui̱nꞌa̱n saꞌó, nichja sen séen xranchi naa itjao, ndo meꞌe nichjaꞌna ndo íjngo, ko jaꞌin ndachijina ndo: ―Tajian ntiꞌi ixi tsjakoꞌa kain ngeꞌe tsonꞌen ícha tjumeꞌe.