San Juan 1:29 - El Nuevo Testamento

²⁹ Ndúyaxin ndo Juan bikon ndo ndo Jesús jitonchjiñeꞌe ndo tjenka ndo ko ndachro ndo: ―Tsjeꞌenta ntiꞌi jiti̱i̱ ndo xranchi naa Kutuchjoen ndo Dio, ndo tantsje jíee ni nunte xasintajni.

San Juan 1:29 Iomraidhean Croise

Mateo 1:21

*Ko jan María sinchejongíꞌe jan naa xjan xi ko sinchekiꞌian xjan Jesús; jaña tsinꞌin xjan ixi jeꞌe xjan tsantsje xjan ijie̱ chónda chujni.

Mateo 20:28

Jaña kaxon Chjenꞌen Dio, xjan jongíꞌe xranchi chujni, kuiꞌa xjan ixi chujni sincheꞌe ixra̱ ngajin xjan. Naꞌi. Jeꞌe xjan kui̱i̱ xjan ixi tayakonꞌen xjan chujni ko tsenꞌen xjan ixi jaña tsantsjengíꞌe xjan ijie̱ chónda chujni.

San Juan 1:35

Ndúyaxin ndo Juan jii ndo ntiꞌa íjngo ko kao yuu sen chrjikao ndo,

San Juan 1:36

ko hora bikon ndo Juan kuatsinga ndo Jesús, ndachro ndo: ―Tsjeꞌenta, jeꞌe ndo Kutuchjoen ndo Dio.

San Juan 1:43

Ndúyaxin ndo Jesús tjaun ndo xrokjui ndo nunte Galilea ko kuetan ndo ndo Felipe, ko ndache ndo ndo: ―Ruana̱na.

San Juan 2:1

Níi nchakon tjumeꞌe bakeꞌe naa kia kuteꞌe na̱ tjajna Caná nunte Galilea. Janée ndo Jesús jii jan ntiꞌa.

San Juan 3:16

’Ndotáina Dio tsango tjueꞌe ndo kain chujni jii ngataꞌa nunte xasintajni, méxin xruanꞌan ndo chjenꞌen ndo, xjan naakuaxon, ixi kain sen tsitikaon xjan tsitjáñaꞌi aséen sen ko jeꞌe sen tsechón sen kain nchakon.

San Juan 4:42

Ko ndache na̱ nchra: ―Jai titikaꞌonna, ko ixi jeꞌa jeꞌo ngeꞌe ndachijiana. Kaxon ixi jai janꞌanna kuitikaonna ixi kuinꞌanna ngeꞌe nichja ndo ko nónana ixi jeꞌe ndo nduaxin ndo Cristo ndo, ndo sincheméꞌe jíee kain chujni.

San Juan 6:51

Janꞌan nutja jichón xingajinxin ngajní. Ko sen sine nutja, tsechón sen kain nchakon. Nutja tsajon janꞌan ntauꞌna meꞌe, ko janꞌan tsajon nutja meꞌe ixi chujni nunte xasintajni xrochónda sen juachaxin tsechón sen kain nchakon.

Hechos 13:39

Tjumeꞌe kain sen titikaon ndo Jesús ó juinchetjúá ndo aséen sen ixi ley kuetuanꞌan ndo Moisés chóndaꞌi juachaxin tsantsjen jíee sen.

Hechos 8:32

Ko xroon chijnie ndo Dio jinchekuanxin xa, jaꞌin ndachro: Sabikao na̱ ndo xranchi naa kutuchjon tsóña na̱. Xranchi naa kutuchjon tenko ba nchakon kjinꞌen na̱ ba, jaña jeꞌe ndo kaxon xroꞌan ngeꞌe ndachro ndo ko xroꞌan ngeꞌe nichja ndo.

1 Corintios 15:3

Saꞌó, juintakuanꞌannta ngeꞌe janꞌan kuayáꞌa̱ kaxon: ndo Cristo kuenxin ndo ixi ti ndakoꞌa juintuꞌuna, xranchi ndachro xroon chijnie ndo,

2 Corintios 5:21

Ndo Cristo xroꞌan ngeꞌe ndakoꞌa juincheꞌe ndo, ko ndo Dio bikon ndo xranchi ndo Cristo chónda ndo ijie̱, ixi jaña xrokoméꞌe kain ijie̱ kuachónda chujni ko jaña íxroꞌan ngeꞌe sínká na̱.

Gálatas 1:4

Ndo Jesucristo kuenxin ndo ixi jai̱na ixi xrokuitjáñaxinꞌana kondeexin ngeꞌe ñaꞌi jii nunte xasintajni ixi jaña jueñao Ndotáina Dio.

Gálatas 3:13

Ndo Cristo kuantsjexinna ndo ti xrobikaonxinna kondee ley. Ndo Cristo kuenito na̱ ndo nta̱cru kondeexin jíei̱na. Ixi ndachro xroon chijnie ndo Dio: “Ndo Dio tsjankataꞌa ndo ijie̱ kain ni tenito naa nta̱a̱.”

1 Timoteo 2:6

Jeꞌe Ncháina Jesucristo kuajon ndo aséen ndo ko kuenꞌen ndo, meꞌe jaña juenga ndo ꞌna̱ jíee chujni. Jiꞌi konꞌen xranchi ti tsindachro ndo Dio.

Tito 2:14

*Jeꞌe ndo kuenꞌen ndo ixi jai̱na ixi tjaun ndo tsajon ndo juachaxin tsechónna kain nchakon ixi kuantsje ndo kain ti ndakoꞌa chondana, ko tjumeꞌe tsayéꞌena ndo xranchi naa chujnie ndo ko juaxruxin sintuꞌuna kain ngeꞌe tjaun ndo.

Hebreos 1:3

Ko ndo Jesucristo xrajeꞌo chjiixro chónda ndo xranchi chjiixro chónda ndo Dio, ko jeꞌe ndo naxrajeꞌo ndo xranchi ndotée ndo ko ixi juachaxin chonda ndo meꞌe jichón kain ngeꞌe. Ko ixi ndo Jesucristo kuenꞌen ndo, méxin juincheméꞌe ndo kain jíei̱na, ko tjumeꞌe bakeꞌe ndo ndatsjonxin jian ti jitetuanꞌan Ndotée ndo.

Hebreos 2:17

Méxin, jeꞌe ndo Jesús jongíꞌe ndo xranchi naa chujni, kuitikaon ndo kain ngeꞌe ixi jaña tsingijna ndo sen kichuu ndo, ko jaña ikjan ndo naa taana ícha tetuanꞌan ngajinxin ndo Dio, jaña juacha ndo juenga ndo ꞌna̱ ti sínká kain chujni ixi kuenꞌen ndo.

Hebreos 9:28

Jaña kaxon ndo Cristo naakua vez kuenꞌen ndo ixi tsoméxin jíee kueya chujni. Ko tjumeꞌe tsi̱i̱ ndo íjngo, ko nchakon meꞌe ísincheméꞌa ndo ti ndakoꞌa juincheꞌe chujni. Jeꞌe ndo tsi̱i̱ ndo tsajon ndo juachaxin stechón kain chujni stechónꞌen xrokjan ndo.

1 Pedro 1:19

Kuenaxinnta ndo ixi jnié ndo Jesucristo, ijni̱ tsango tjintee ko meꞌe kuayéꞌe ndo Dio, xranchi xrokjui naa kutuchjon xroꞌan ngeꞌe xeꞌe ba ko jeꞌa niꞌe ba.

1 Pedro 2:24

Ndo Cristo bikao ndo jíei̱na nchakon kuenꞌen ndo nganito nta̱cru ixi jai̱na íxroꞌan ti ndakoꞌa xrojuintuꞌuna, ko jian sincheꞌena. Jeꞌe ndo tangi juinchekao na̱ ndo ixi jaña jai̱na xrokoxruai̱nna.

1 Pedro 3:18

Ixi kaxon ndo Cristo jeꞌo naa kuenꞌen ndo ixi jíei̱na. Jeꞌe ndo jian ndo ko kuenxin ndo ixi jai̱na ni ñaꞌi, ixi jaña tsjentona ngajin ndo Dio. Ndo Cristo kuenꞌen cuerpoe ndo ko Espíritue ndo Dio juinchexechón ndo.

1 Juan 2:2

Ndo Jesucristo kuenꞌen ndo ixi sincheméꞌe ndo kain ti ndakoꞌa juintuꞌuna ko jeꞌa jeꞌo jíei̱na sincheméꞌe ndo, kaxon jíee kain chujni jii ngataꞌa nunte xasintajni.

1 Juan 3:5

*Jaꞌanta ó noꞌanta ixi ndo Cristo ó kui̱i̱ ndo ngataꞌa nunte xasintajni ko meꞌe kuantsje ndo ijie̱ kuachónda chujni, ko jeꞌe ndo xroꞌan ijie̱ sínká ndo.

1 Juan 4:10

Ko ti tjuai̱na ndo Dio xrondachro ixi jeꞌa jai̱na tjueꞌena ndo Dio; jeꞌe ndo ícha saꞌó tjuai̱na ndo, méxin xruanꞌan ndo Chjenꞌen ndo kuenxin xjan ixi jai̱na ko jaña kuantsje xjan ijie̱ chondana.

Apocalipsis 1:5

ko kaxon ndo Jesucristo tajon kain juaxruxin jiꞌi. Jeꞌe ndo nduaxin chronga ndo kain ngeꞌe; jeꞌo jeꞌe ndo saꞌó xechón ndo, ndo ícha tetuanꞌan ixi kain xi rey ko ni tetuanꞌan nunte xasintajni. Jeꞌe ndo tsango tjaunna ndo, méxin ixi jnié ndo kuijmaxin kain ijie̱ sinkana.

Apocalipsis 12:11

Sen kichuuna juacha sen ngajin xi meꞌe ixi jnié Xjantuchjon ko ixi chronga sen chijni kuayéꞌe sen ko xronkaꞌi sen maski xrokuenꞌen sen.

Apocalipsis 13:8

Kain ni nunte xasintajni kuajon na̱ juasaya ngajin iku tsango chjinga jii, kain ni jitaxinꞌa xranchi tinꞌin na̱ ngaya xroon ti jitaxin kain sen tsechón kain nchakon ti xrakoꞌa nunte xasintajni, meꞌe xroen Xjantuchjon, Xjantuchjon tsikajon ndo Dio kuenꞌen.

Apocalipsis 14:1

*Tjumeꞌe janꞌan bikon Xjantuchjon jixin tutée xjan ngataꞌa ijna̱ Sión. Ntiꞌa jikao ndo ciento cuarenta y cuatro mil chujni jitaxin ntatjen sen nombrée Xjantuchjon ko nombrée Ndotée ndo.

Apocalipsis 14:10

méxin tsayéꞌe na̱ kain juañaue ndo Dio ko tsango tangi tsonꞌen na̱. Tsikaonxin na̱ ngajinxin sen angéel ndo Dio ko ngajinxin Xjantuchjon ixi xroꞌi ko ixi azufre jiche.

Apocalipsis 14:4

Sen jiꞌi ó kuachóndaꞌi sen inaa nchri jeꞌa janchriꞌe sen ko tsango tjúá aséen sen, ko kuarueꞌe sen Xjantuchjon nguixin ti no bakaji ndo. Sen jiꞌi kuincheꞌe ndo Dio sen xranchi naa ngeꞌe saꞌó xrokuayéꞌe ndo ko Xjantuchjon.

Apocalipsis 15:3

Ko itsje̱ sen soon kuantsje ndo Moisés, ngisen juincheꞌe xrée ndo Dio, ko sóen Xjantuchjon, ndachro: Tsango ijié ngeꞌe ncheꞌenta ko tsango jian kain ngeꞌe tsijinchéñanta. Jaꞌanta Nchána ndo Dio, ndo chónda kain juachaxin. Ndako ko nduaxin chao ncheꞌenta kain ngeꞌe. Jaꞌanta Rey tetuanꞌannta kain nchakon ngataꞌa nunte xasintajni.

Apocalipsis 17:14

Kain xi meꞌe tse̱to̱ xa ngajin Xjantuchjon ko Xjantuchjon tsjacha xjan ngajin kain xi meꞌe ixi jeꞌe ndo Nchée kain chujni ko jeꞌe ndo naa Rey tetuenꞌen kain xi rey. Ko sen ste ngajin ndo, ndo Dio tsikiyeꞌe ndo sen ko kuincheꞌe ndo sen, ko sen meꞌe jian chuntia sen ngajin ndo.

Apocalipsis 19:7

Juaxruxin tsojuna, ko xrochéꞌe aséei̱na ko chaxro tsajonna juasaya ngajin ndo ixi ó kui̱i̱ nchakon tsuteꞌe Xjantuchjon. Ko jan tsuteꞌe xjan ó tsikonchjian jan.

Apocalipsis 19:9

*Tjumeꞌe ndo ángel ndachijina ndo: ―Ikjian jiꞌi: “Juaxruxin tsintee sen kuayéꞌe juachaxin tsakeꞌe sen ti kia tsuteꞌe Xjantuchjon.” Ko jaꞌin ndachro ndo ángel: ―Jiꞌi ndachro ndo Dio, ko kain ti ndachro ndo meꞌe nduaxin.

Apocalipsis 21:14

Ko ngandajin tjatuꞌo tsikité na̱ chónda teyuu ixro jichroaxin tjatuꞌo, ko ngataꞌa ixro meꞌe jitaxin xranchi tinꞌin ti teyuu sen kuajikao Xjantuchjon.

Apocalipsis 21:27

Ko ntiꞌa juaꞌi tixinꞌin ngeꞌe tjúáꞌi ko ti ncheya. Jeꞌo chao tixinꞌin sen jitaxin xranchi tinꞌin ngaya xroon jitaxin kain sen chónda juachaxin tsechón kain nchakon, meꞌe xroon chónda Xjantuchjon.

Apocalipsis 21:9

Tjumeꞌe kui̱i̱ ndo ángel ya̱tu̱xi̱n chónda copa ya̱tu̱xi̱n jikaon ixi ichin tsjexixin tsikaon chujni ko jaꞌin ndachro ndo: ―Xrokuia tsjakoꞌa sen tsuteꞌe Xjantuchjon.

Apocalipsis 5:6

Tjumeꞌe ngajinxin trono ko ti ste noó sen jichón ko ngusine ti ste sen tachríi, ntiꞌa siin naa ndo xrokjui xranchi Xjantuchjon, tikonni xranchi naatsikóñaxón na̱ xjan ko chónda xjan ya̱a̱to̱ nteꞌe xjan ko ya̱a̱to̱ jmakon xjan. Meꞌe xrondachro ya̱a̱to̱ Espíritue ndo Dio tsixruanꞌan ndo itsji nchijíi nunte xasintajni.

Apocalipsis 5:8

Ko nchakon itsé xjan xroon meꞌe, ti noó sen stechón ko sen ikán no sen tachríi bakeꞌexin ntatuchiꞌin sen ti jii tutée Xjantuchjon. Ko ngujngu sen chónda sen naa arpa, ko copa tsikóñaxin chika oro jichre inda chaxro xraxe. Meꞌe xrondachro kain ti nichjeꞌe sen ndo Dio, kain sen tikinixinꞌen tjajnée ndo.

Apocalipsis 6:1

Tjumeꞌe bikon ixi Xjantuchjon kuintjian xjan naa sello ti ya̱a̱to̱ sello ko kui̱nꞌa̱n nichja naa sen noó jichón ko nichja sen séen xranchi tjateé ko ndachro: ―Xrokuia ko tsjeꞌé.

Apocalipsis 6:16

*Ko ndache na̱ ijna̱ ko ixro ntandoá: ―Titsingataꞌaninta ixi jaña tsikonꞌana ndo jitaꞌa trono ko Xjantuchjoen ndo Dio tsjankataꞌina ijie̱ ixi tsango jitoñao xjan,

Apocalipsis 7:14

*Ko janꞌan juataꞌa: ―Nchána, jaꞌanta noꞌanta. Ko jeꞌe ndo ndachro ndo: ―Sen jiꞌi tsiki̱ꞌxi̱n sen ti jii juachjaon ko tsango tangi kuatsinga sen, sen tsikijmáxin mantée ko tsikotjúáxin aséen sen ixi jnié Xjantuchjon.

Apocalipsis 7:17

Ko Xjantuchjon jii ngusine trono tayakonꞌen ndo sen xranchi xrokjui kutuchjoen ndo, ko tsajikao ndo sen ti no jitinga inda tajon juachaxin tsechón chujni ko ndo Dio sinchexémá ndo ndakon sen.