San Juan 1:14 - El Nuevo Testamento

¹⁴ Ko chijni, ndo Cristo, jeꞌe ndo ikjan ndo chujni ko bakeꞌe ndo ngajinna ko tjaunna ndo ko ti nduaxin ndachro ndo. Ko ó bikona juachaxien ndo, juachaxien chjenꞌen Ndotáina Dio, xjan naakuaxon.

San Juan 1:14 Iomraidhean Croise

Mateo 1:16

Ko ndo Jacob ndotée ndo José ko ndo José ndoxiꞌe jan María ko jeꞌe jan María janée ndo Jesús, ndo Jesús, ndo nchekinꞌin sen Cristo.

San Lucas 2:11

Tjajnée ndo David jai jongíexin naa chjan, xjan meꞌe sincheméꞌe xjan kain ijie̱ chónda chujni, ko jeꞌe xjan Ncháina Cristo.

San Lucas 2:7

Ko ntiꞌa kuixinꞌin sen naa nchia ti tejua iko ixi kuitjaꞌi sen nchia no tsituꞌe sen. Méxin, ntiꞌa jongíexin chjenꞌen jan María, xjan saꞌó, ko jeꞌe jan kuintsía jan xjan manta ko ba̱ke̱ꞌe̱ jan xjan ngaya ti nexin iko.

San Lucas 9:32

Ko maski ndo Pedro ko sen stekao ndo tsango chjée sen kotachrin, jeꞌe sen stetsjeꞌe sen ko bikon sen juachaxin chónda ndo Jesús, ko bikon sen sen yuu jikao ndo.

San Juan 1:1

Ti xrangíxixín xrakoꞌa nunte xasintajni ó jii chijni ko chijni meꞌe ndo Cristo, ko jeꞌe ndo bakekao ndo ndo Dio ko jeꞌe ndo ndo Dio ndo.

San Juan 11:40

Ko ndachro ndo Jesús: ―Á ntatjuꞌia ixi siá tsitikaoan tsikuan naa ixra̱ ijié sincheꞌe ndo Dio ixi juachaxien ndo.

San Juan 14:6

Ko ndachro ndo Jesús: ―Janꞌan chaꞌo ko janꞌan chijni nduaxin ko janꞌan tsajon juachaxin stechón chujni. Xroꞌan ngisen itji ti jii Ndotána siá tsjixinꞌa sen ixi janꞌan.

San Juan 14:9

Ko ndo Jesús ndachro ndo: ―Felipe, ó itsjé nchakon ritjén ngajinnta, ¿ko xrachuxinꞌana? Ngisen bikona ó bikon Ndotána kaxon. ¿Sonda ndachrua jaꞌa ixi tsjakoꞌa Ndotána?

San Juan 17:22

Ó tjáꞌa sen naxra jeꞌo juachaxin ijié xranchi juachaxin chjánanta ixi naakua xroxraxaon sen xranchi janꞌan ko jaꞌanta naakua stena.

San Juan 17:24

’Ndotána, jaꞌanta chjánanta sen, ko tjaꞌon ixi tsakeꞌe sen ti no tsakeꞌe janꞌan ixi tsikon sen juachaxin ijié chjánanta; ixi fiaonanta ti xrakoꞌa nunte xasintajni.

San Juan 18:37

Ko ndachro xi Pilato: ―Jaꞌa, ¿á nduaxin naa xi rey? Ko juateꞌe ndo Jesús: ―Jaán, janꞌan rey xranchi jaꞌa ndachrua. Janꞌan juiꞌi nunte xasintajni ixi xronichja ti nduaxin. Kain sen titikaon ngeꞌe nduaxin, sen meꞌe tinꞌen ngeꞌe tjako.

San Juan 2:11

Ngeꞌe tsijincheꞌe ndo Jesús tjajna Caná nunte Galilea, ña̱ saꞌó ngeꞌe juincheꞌe ndo ixi tsjako ndo juachaxien ndo, ko sen teyuu chrikao ndo kuitikaon sen ndo.

San Juan 3:16

’Ndotáina Dio tsango tjueꞌe ndo kain chujni jii ngataꞌa nunte xasintajni, méxin xruanꞌan ndo chjenꞌen ndo, xjan naakuaxon, ixi kain sen tsitikaon xjan tsitjáñaꞌi aséen sen ko jeꞌe sen tsechón sen kain nchakon.

San Juan 3:18

Ngisen tsitikaon chjenꞌen ndo Dio tsjankataꞌi ndo sen ijie̱. Ko ni tsitikaonꞌa, ó juankataꞌa ndo ijie̱ ngajin na̱ ixi kuitikaonꞌa na̱ chjenꞌen ndo Dio, xjan naakuaxon.

San Juan 6:51

Janꞌan nutja jichón xingajinxin ngajní. Ko sen sine nutja, tsechón sen kain nchakon. Nutja tsajon janꞌan ntauꞌna meꞌe, ko janꞌan tsajon nutja meꞌe ixi chujni nunte xasintajni xrochónda sen juachaxin tsechón sen kain nchakon.

San Juan 8:32

Ko xrochuxinnta ti nduaxin, ko meꞌe xrotjáanta juachaxin ixi jian tsakeꞌenta ko xroꞌan ngisen tsantsjaꞌanta juachaxin meꞌe.

Hechos 13:33

Jaña konꞌen, janꞌanna kuayáꞌana xranchi tsindachro ndo Dio tsayéꞌe sen tsachrjenixin sen bakeꞌe saꞌó. Tjumeꞌe ndo Dio juinchexechón ndo ndo Jesús xranchi nichja xroon Salmo yuxin ko ndachro: “Jaꞌanta chjanꞌna, janꞌan tjáꞌanta juachaxin tsaricho̱nnta.”

Romanos 8:3

ixi ndo Dio juincheꞌe ndo ngeꞌe juaꞌi juincheꞌe ley kuayéꞌe ndo Moisés ixi juaꞌi tintuꞌeni ti ndakoꞌa. Ndo Dio xruanꞌan ndo Chjenꞌen ndo ko ikjan xjan xranchi ngixeꞌi chujni chónda ijie̱. Kui̱i̱ ndo kuenxin ndo ixi jíee kain chujni nunte xasintajni, ko kuantsjengíꞌe ndo ijie̱ xrokuitjáñaxinna.

Romanos 9:5

Ni Israel tsikachrjenixin na̱ ni tsikachrjenixin jai̱na kaxon, ko kaxon ndo Cristo tsikachrjenixin ndo ni israelita nchakon ikjan ndo chujni. Jeꞌe ndo, ndo Dio neꞌe kain ngeꞌe jii, ko tikinixin tsajonna juasaya ngajin ndo kain nchakon. Jaña tsonꞌen.

1 Corintios 15:47

Ndo kóña saꞌó, kóñaxin ndo ixi inche jii nunte xasintajni. A̱ ndo yuxin ngajní kui̱xi̱n ndo meꞌe Ncháina.

2 Corintios 12:9

ko Ncháina jaꞌin ndachijina ndo: “Xroꞌan ngeꞌe ícha xrokondaꞌa; jeꞌo ti tsango tjuaꞌa, ixi ti tsango ijié juachaxin chonda janꞌan, ícha tonoxin juachaxin nchakon naa chujni ícha sojiꞌa. Juachaxin chónda janꞌan tonoxin nchakon juaꞌi ncheꞌe naa ngeꞌe jaꞌua.” Méxin, juaxruxin tsakeꞌé nchakon sojiꞌana ixi jaña ícha juasaya tsayéꞌe Nchána Jesucristo.

Gálatas 4:4

Ko kuitjaja nchakon tsindachro ndo Dio, xruanꞌan ndo Chjenꞌen ndo kui̱i̱ xjan, jongíexin xjan naa nchri, ko jeꞌe xjan kuitikaon xjan kain ngeꞌe tituanꞌan ley kuayéꞌe ndo Moisés.

Efesios 3:8

Ko janꞌan tjinteꞌana xranchi ikaxin sen kuincheꞌe Ncháina ko juasie ndo Dio chjána ndo ixra̱ sintaꞌa ixi sintakuanꞌan ni jeꞌa judío chijni jian neꞌe ndo Jesucristo, ko chijni meꞌe ícha tjintee ixi ikaxin ngeꞌe.

Colosenses 1:19

Méxin, ndo Dio bakeꞌe ndo juaxruxin ko jaña chjée ndo Chjenꞌen ndo kain juachaxin chónda jeꞌe ndo.

Colosenses 2:3

Ko jeꞌe ndo noꞌe ndo kain ngeꞌe noꞌe ndo Dio, meꞌe ti ícha tjintee.

Colosenses 2:9

Ixi kain juachaxin chónda ndo Dio, meꞌe chónda ndo Cristo nchakon bakeꞌe ndo nunte xasintajni.

1 Timoteo 3:16

Ko ti chijni nduaxin kuayeꞌena meꞌe chijni ícha tjintee ko chujni kuachúxinꞌa na̱ chijni jiꞌi ko nduaxin ngeꞌe titikaꞌonna: Ndo Jesucristo jongíꞌe ndo ntiꞌi nunte xasintajni xranchi naa chujni; Ko Espíritue ndo Dio juakoxin ixi ndo Jesucristo jian ndo. Ko sen ángel bikon sen ndo ko kaxon nchijíi nunte xasintajni kuinꞌen na̱ ngeꞌe kuanichja ndo ko kueya chujni jii ngataꞌa nunte stetitikaon na̱ ndo. Ko tjumeꞌe ndo Dio kuayéꞌe ndo ndo Jesucristo ti jii ngajní.

Hebreos 1:3

Ko ndo Jesucristo xrajeꞌo chjiixro chónda ndo xranchi chjiixro chónda ndo Dio, ko jeꞌe ndo naxrajeꞌo ndo xranchi ndotée ndo ko ixi juachaxin chonda ndo meꞌe jichón kain ngeꞌe. Ko ixi ndo Jesucristo kuenꞌen ndo, méxin juincheméꞌe ndo kain jíei̱na, ko tjumeꞌe bakeꞌe ndo ndatsjonxin jian ti jitetuanꞌan Ndotée ndo.

Hebreos 1:5

Méxin, ndo Dio ndacheꞌa ndo ninaa sen ángel: Jaꞌa Chjanꞌna, ko janꞌan ndachrja̱n ixi janꞌan Ndotáa. Ko kaxon ndachro ndo: Janꞌan xrokjanna Ndotáa, ko jaꞌa chjanꞌna.

Hebreos 10:5

Méxin, nchakon ndo Cristo kui̱i̱ ndo ngataꞌa nunte xasintajni ndache ndo ndo Dio: Jaꞌanta tjaunꞌanta iko tsenꞌen ko tjaunꞌanta ninaa ngeꞌe tsayeꞌenta. Naꞌi. Jaꞌanta juincheñaninta xranchi naa chujni

Hebreos 2:11

Ko ndo Jesús tsango tjúá ndo, ko jeꞌe ndo nchetjúá ndo aséen sen titikaon ndo, sen meꞌe ko jeꞌe ndo, xrajeꞌo ndo Dio, Ndotée sen. Méxin, ndo Jesús tosueꞌa ndo ndachro ndo ixi sen titikaon ndo, sen kichuu ndo sen meꞌe.

Hebreos 5:5

Jaña ndo Cristo, jeꞌa jeꞌo ndo ndachro ndo ixi jeꞌe ndo ndotaana ícha tetuanꞌan. Naꞌi. Ndo Dio kuajon ndo juachaxin meꞌe, méxin, tsindachro ndo: Jaꞌa chjanꞌna; ko xrondachrja̱n janꞌan jai janꞌan ndotáa.

1 Juan 4:14

Méxin, jai̱na bikona ko ndachrona ixi Ndotáina Dio xruanꞌan ndo Chjenꞌen ndo ixi sincheméꞌe xjan ijie̱ sínká kain chujni jii ngataꞌa nunte xasintajni.

1 Juan 4:9

Ndo Dio jaꞌin juakoxin ndo ixi tjuai̱na ndo, méxin xruanꞌan ndo Chjenꞌen ndo, xjan naakuaxon, kui̱i̱ xjan ntiꞌi nunte xasintajni ixi jeꞌe xjan tsajon xjan juachaxin tsechónna kain nchakon.

2 Juan 1:7

Ngataꞌa nunte ntiꞌi ste kueya chujni ncheya ko titikaonꞌa na̱ ixi ndo Jesucristo jongíꞌe ndo ko bakeꞌe ndo ntiꞌi xranchi naa chujni. Ni jaña ndachro, ningakonꞌen na̱ ndo ko ncheya na̱.

Apocalipsis 19:13

Jitsáa ndo naa manta yaa ijni̱ ko ti xranchi tinꞌin ndo meꞌe xrondachro Chjenꞌen ndo Dio.

Apocalipsis 21:3

Tjumeꞌe kui̱nꞌa̱n séen nichja naa tée sen kui̱xi̱n ngajní ko ndachro: ―Ndo Dio jii ndo ti ste chujnie ndo, ko jeꞌe ndo tsekao ndo sen ko jeꞌe sen xrokjan sen tjajnée ndo ko jeꞌe ndo ndo Dio tikinixinꞌen sen.