Efesios 2:7 - El Nuevo Testamento

⁷ Jaña juako ndo ixi tsango tjuai̱na ndo jai ko kain nano tsi̱i̱ ko bingijnana ndo ixi titikaꞌonna ndo Cristo Jesús.

Efesios 2:7 Iomraidhean Croise

Romanos 2:4

¿Á xraxaonnta ixi xroꞌan tjintee ti ndo Dio tsango jian ndo ko takaꞌi toñao ndo ngajinnta? ¿Á noaꞌinta ixi ti jian ncheꞌe ndo ngajin chujni, jiꞌi ncheꞌe ndo ixi tsitikaonnta ndo ko tsintuꞌenta ti ndakoꞌa?

Efesios 1:7

*Ndo Dio tsango tjuai̱na ndo, méxin, kuajon ndo Chjenꞌen ndo, ndo Jesucristo kuenꞌen ndo, ko jaña juenga ndo ꞌna̱ ti sinkana.

Efesios 2:4

Ko kuenꞌa jaña ixi Ndo Dio tsango bikonóaꞌi̱na ndo ko tsango tjuai̱na ndo.

Efesios 3:21

Sen tikinixinꞌen ningue ndo Cristo xrokonda tsajon sen juasaya ngajin ndo Dio kain nchakon. Jaña tsonꞌen.

Efesios 3:5

Ndo Dio xruanꞌan ngisen juinchenoꞌe ndo chijni jiꞌi, sen kuintee ó saꞌó. Ko jai ixi juachaxien Espíritue ndo, ndo Dio juinchenoꞌe ndo sen apóstol ko sen profeta, sen tjúá aséen.

2 Tesalonicenses 1:12

Jaña jaꞌanta tsajonnta kain juasaya ngajin Ncháina Jesucristo ko kaxon jeꞌe ndo jian xronichja ndo ixi jaꞌanta ixi titikaonnta ndo. Jaña tsonꞌen ixi juachaxien ndo Dio ko Ncháina Jesucristo ixi tsango jian ndo.

Tito 3:4

Tjumeꞌe ndo Dio, ndo tantsjengíꞌe kain ti ndakoꞌa juincheꞌena, juakoi̱na ndo ixi jian ndo ko tjueꞌe ndo kain chujni.

1 Pedro 1:12

Ko ndo Dio juinchenoꞌe ndo sen ixi ngeꞌe chronga sen jeꞌa xrokonꞌen nchakon bakeꞌe sen. Kain jiꞌi xrokonꞌen nchakon stena jai. Jiꞌi chijni juakoꞌanta sen bajako chijni jian ixi juachaxin Espíritue ndo Dio kui̱xi̱n ngajní. Ko kain jiꞌi sen ángel kaxon tjaun sen xrobikon sen kaxon.