Efesios 2:10 - El Nuevo Testamento

¹⁰ Ndo Dio juinchéñana ndo ixi sincheꞌena ti jian ixi titikaꞌonna ndo Jesús, jaña konꞌen ixi jaña tsixraxaon ndo ó saꞌó.

Efesios 2:10 Iomraidhean Croise

Mateo 5:16

*Jaña jaꞌanta kaxon nchengasáñeꞌenta kain chujni jii ngandajinnta, meꞌe tsikon chujni ti jian ncheꞌenta, jaña jeꞌe na̱ tsajon na̱ juasaya ngajin Ndotáina jii ngajní.

San Juan 3:21

Ko sen ncheꞌe jian tonchjiñeꞌe sen tjenka xroꞌi tingasáña ixi chao tsikon chujni kain ngeꞌe stencheꞌe sen xranchi tjaun ndo Dio.

Hechos 9:31

Ko tjumeꞌe sen titikaon Ncháina nchijíi nunte Judea, nunte Galilea ko nunte Samaria juaxruxin bakeꞌe sen ko ícha kuitikaon sen ndo Jesús. Kuachónda sen juasaya ngajin Ncháina ko Espíritue ndo Dio bingijna sen ko ícha konkueya sen.

Hechos 9:36

Ko nchakon meꞌe bakeꞌe naa nchri tjajna Jope titikaon nchra Ncháina ko ndatinꞌin nchra Tabita ko ngigua griego xrondachro Dorcas. Ko jeꞌe nchra jian juincheꞌe nchra ko bingijna nchra ni nóa.

Romanos 8:1

Jai sen titikaon ndo Cristo Jesús, íxroꞌan ijie̱ sínká sen. Jeꞌo tjaun sen tsitikaon sen Espíritue ndo Dio ko ncheꞌa sen ti tjaun cuerpoe sen.

Romanos 8:29

Sen ó saꞌó tsikincheꞌe ndo, tjaun ndo xrokjan sen xranchi chjenꞌen ndo, ko xrobikon sen Chjenꞌen ndo, xjan naakuaxon, ixi xjan meꞌe ícha saꞌó xjan.

1 Corintios 3:9

Méxin, janꞌan ko ndo Apolos jeꞌo ntaꞌana xrée ndo Dio, ko jaꞌanta stenta xranchi naa ijngi tsikinga chijnie ndo Dio, o̱ xranchi naa nchia jinchekochjian ndo.

2 Corintios 5:17

Ixi ngisen titikaon ndo Cristo ikjan sen xranchi naa chujni natjúá ixi kain ngeꞌe juintuꞌuna saꞌó ó koméꞌe ko jai kain ngeꞌe ikjan natjúá.

2 Corintios 5:5

Ko jeꞌe Ndo Dio juinchéñana ndo ixi tjaun ndo tsayéꞌena inaa cuerpo natjúá, méxin kuajon ndo Espíritue ndo kuayeꞌena ixi jaña tsonoi̱na ixi nduaxin tsayéꞌena ngeꞌe tsajon ndo.

2 Corintios 9:8

Ixi jaña Ndo Dio ícha sinchenchaonnta ndo ko tsajon ndo kain ngeꞌe xrokondaꞌanta ixi jaña kaxon chao tsingijnanta ikaxin chujni.

Gálatas 6:15

Ko siá titikaꞌonna ndo Jesucristo, í xroꞌan tjintee á yaana chjiꞌe o̱ naꞌi. Ti ícha tjintee, jai̱na chujni natjúána.

Efesios 1:1

*Janꞌan, Pablo, apóstol tikinixinna ndo Jesucristo ixi jaña jueñao ndo Dio kjinꞌannta jaꞌanta titikaonnta ndo Dio ko titikaonnta Ncháina Jesucristo, jaꞌanta ti stenta niꞌngo tjajna Éfeso.

Efesios 1:4

Ndo Dio kuinchai̱na ndo ixi tsitikaonna ndo Cristo ti xrakoꞌa nunte xasintajni ko juincheméꞌe ndo ijie̱ kuachondana ko kontjúá aséei̱na ixi jaña chao tsakeꞌena ngajin jeꞌe ndo.

Efesios 2:13

Ko jai steniinta ndo Jesucristo ixi jaꞌanta saꞌó bakeꞌenta ikjín ixi kuachuxinꞌanta ndo Dio. Ko jai ixi kuenꞌen ndo Cristo Jesús, meꞌe chao konchjiñeꞌenta ngajin ndo Dio.

Efesios 2:15

*Ndo Cristo, ti kuenꞌen ndo, meꞌe juinchejexin ndo ti baketuanꞌan ley xranchi xrokuinteena. Ko ti yuu tjajna juinchéña ndo naakua tjajna natjúá tikinixinꞌen jeꞌe ndo ko jaña bakeꞌe ndo juaxruxin.

Efesios 2:2

Ko saꞌó jaña kuancheꞌenta ixi kuarueꞌenta ti kuancheꞌe chujni ñaꞌi jii ngataꞌa xasintajni ko bakitikaonta Xixronꞌanxrée, ichrji ngataon chrinto, xi tetuenꞌen ikaxin espíritu ñaꞌi nchekateya chujni titikaonꞌa ndo Dio.

Efesios 2:6

Ndo Dio juinchexechónna ndo nganii ndo Cristo Jesús ko jaña ba̱ke̱ꞌe̱na ndo ti jii ndo Cristo ngajní.

Efesios 4:1

Ritjén ntiꞌi ngaxinꞌin ndoꞌachjiso kondeexin ixra̱ neꞌe Ncháina Jesucristo, méxin tinóatáana ngajinnta ixi nduaxin tsitikaonnta xranchi tjaun ndo Dio, xranchi xrokonda xrojuincheꞌe kain sen kuincheꞌe ndo ixi jaña tikinixin sincheꞌenta.

Efesios 4:24

*Ko ncheꞌenta xranchi naa chujni natjúá juinchéña ndo Dio, naa chujni jian ko nduaxin tjúá aséen.

Filipenses 1:6

Janꞌan nóna ixi ndo Dio juangíxin ndo naa ixra̱ jian ngaya asáanta ixi kuitikaonnta ndo, ko jaña sincheꞌe ndo kain nchakon ti xrokjanjan ndo Jesucristo.

Filipenses 2:13

ixi ndo Dio ntaxraxaonnta ndo ko tingijnanta ndo sincheꞌenta ti jian ixi jaña tjaun ndo.

Colosenses 1:10

Jaña chao tsinteenta xranchi tjaun Ncháina Jesucristo ko jian sincheꞌenta xrée ndo ko jaña ícha jian xrochuxinnta ndo.

Colosenses 3:10

*Meꞌe jai ó tsikjannta chujni natjúá ko Ndo Dio tajon ndo juachaxin ixi xrokjannta xranchi jeꞌe ndo, ixi jeꞌe ndo juinchekonchjiannta ndo ko tjaun ndo xrochuxinnta ndo ícha jian.

2 Tesalonicenses 2:17

Ko jeꞌe ndo sinchesoji ndo asáanta ko jaña soji tsakeꞌenta kain nchakon, ko jeꞌe ndo tsajon ndo juachaxin ixi xronichjanta ti nduaxin ko sincheꞌenta kain ixra̱ jian.

1 Timoteo 2:10

Jaña sincheꞌe sen nchra ti jian xranchi tikinixin ncheꞌe kain nchri tajon juasie ngajin ndo Dio.

1 Timoteo 5:10

Kaxon xrokonda tsichuxin na̱ sen nchri, sen kaꞌan ixi ndako ncheꞌe sen, xranchi tjaun ndo Dio: sen nchri kaꞌan chaxro juinchekangi sen chjenꞌen sen ko sen kaꞌan jian nichjeꞌe sen kichuu sen ko jian kuiyeꞌe sen ni kuiji ndoꞌe sen, ko jian bingijna sen sen titikaon ndo Cristo, ko bingijna sen ni niꞌe, ko kaxon bingijna sen ngajin ni chónda juachjaon, ko juincheꞌe sen kain ixra̱ jian.

1 Timoteo 5:25

Jaña tonꞌen kaxon kaxin chujni ncheꞌe ixra̱ jian taka tonoxin, ko ikaxin maski jai tonoxinꞌa, íjngo nchakon xrokonda tonoxin.

1 Timoteo 6:18

Ndache na̱ sincheꞌe na̱ ti jian ko tsingijna na̱ ngisen xroꞌan ngeꞌe chónda ko tsonchjeya na̱ ngeꞌe chónda na̱.

2 Timoteo 2:21

Méxin xrokonda tsintuꞌe sen kain ngeꞌe ndakoꞌa, jaña jai̱na kaxon xrokonda tsontjúá aséenna, meꞌe chao sincheꞌena xrée Ncháina Jesucristo.

2 Timoteo 3:17

ixi ngisen titikaon ndo Dio jian tsonoꞌe sen ko jian sincheꞌe sen kain ixra̱.

Tito 2:14

*Jeꞌe ndo kuenꞌen ndo ixi jai̱na ixi tjaun ndo tsajon ndo juachaxin tsechónna kain nchakon ixi kuantsje ndo kain ti ndakoꞌa chondana, ko tjumeꞌe tsayéꞌena ndo xranchi naa chujnie ndo ko juaxruxin sintuꞌuna kain ngeꞌe tjaun ndo.

Tito 2:7

Jaꞌa jian ncheꞌe kain ngeꞌe ixi jaña tsjakoxian ngajin kain sen ixi jaꞌa jian. Ko nchakon tsjakoa, chjenteꞌa ko tjakoa ti nduaxin.

Tito 3:1

Nchexraxaoan sen tsitikaon sen ni tituanꞌan, ko tuinxin sincheꞌe sen kain ixra̱ jian.

Tito 3:14

Ko sen kichuuna xrokonda tsitja sen sincheꞌe sen ngeꞌe jian ko tsingijna sen sen kichuu sen nchakon tsakeꞌe na̱ juachjaon, jaña tsjakoxin sen ixi tjintee ngeꞌe ncheꞌe sen.

Tito 3:8

Nduaxin chijni jiꞌi, ko tjaꞌon ixi tsjakoa kain jiꞌi ixi kain sen titikaon ndo Dio sincheꞌe sen kain ngeꞌe jian. Kain jiꞌi jian ko tingijna kain chujni.

Hebreos 10:24

Jian tsjeꞌena xranchi tsingijna kichuuna, xranchi xrotjueꞌe kichuuna ko jeꞌo ti jian sintuꞌuna.

Hebreos 13:21

jeꞌe ndo sinchetjúá ndo asáanta, meꞌe jian sincheꞌenta kain ngeꞌe ko tsitikaonnta ti tjaun jeꞌe ndo; ko jeꞌe ndo sincheꞌe ndo ngajin jai̱na ti jeꞌe ndo tjaun ndo ixi juachaxien ndo Jesucristo. Ko kain nchakon ndo Jesucristo tsayéꞌe ndo juasaya. Jaña tsonꞌen.

1 Pedro 2:12

Jian ncheꞌenta ngajin chujni chúxinꞌa ndo Dio, maski jai ndakoꞌa nichja na̱ ixi jaꞌanta xranchi xrokjuinta naa ni ñaꞌi. Jaña jeꞌe na̱ tsikon na̱ ixi jian ncheꞌenta ko jaña tsajon na̱ juasaya ngajin ndo Dio nchakon jeꞌe ndo sinchéña ndo ijie̱ ngajin chujni.

1 Juan 1:7

Ko siá stena ti tingasáña xranchi ndo Dio jii ndo ti tingasáña, meꞌe naakua ngeꞌe xroxraxaonna, ko jnié Chjenꞌen ndo, xjan Jesucristo, sinéma kain ijie̱ chondana ko ti ndakoꞌa juintuꞌuna.

1 Juan 2:6

Ko sen ndachro ixi nduaxin titikaon sen ndo Dio, xrokonda sincheꞌe sen xranchi juincheꞌe ndo Jesucristo nchakon bakeꞌe ndo ngataꞌa nunte xasintajni.