Apocalipsis 4:9 - El Nuevo Testamento

⁹ Sen noó sen jichón kain nchakon tajon sen juasaya, ko juasie sen ngajin ndo Dio, ndo jitaꞌa trono, ndo jichón kain nchakon

Apocalipsis 4:9 Iomraidhean Croise

Hebreos 7:25

Jeꞌe ndo chónda ndo ijié juachaxin, ixi chujni tsonchjiñeꞌe ngajin ndo Dio, jeꞌe ndo Jesús chao tsantsjengíꞌe ndo ti ndakoꞌa ncheꞌe sen, ixi jeꞌe ndo tsechón ndo kain nchakon ko jeꞌe ndo kain nchakon tinóatée ndo ngajin ndo Dio ixi chujnie ndo.

Hebreos 7:8

Kain sen taana tayéꞌe ti itexin ngeꞌe tajon chujni, sen taana meꞌe chujni jii ngataꞌa nunte ko xranchi kain chujni, tenꞌen sen kaxon. Ko xroon chijnie ndo Dio nichja xroon ixi ndo Melquisedec xrajíi ndo xranchi naa sen jichón.

Apocalipsis 1:18

Ko janꞌan rícho̱n. Janꞌan kuenꞌenna, ko jai rícho̱n íjngo ko janꞌan tsarichón kain nchakon. Jaña tsonꞌen. Janꞌan tituanꞌan ngajin juachaxin ti tsenꞌen chujni ko richonda chika xitjeexin ti jii ni tsikenꞌen.

Apocalipsis 10:6

Ko nichjaxin ndo ixi ndo Dio, ndo jichón kain nchakon, ndo juinchekonchjian ngajní ko nunte xasintajni, ndachaon ko kain ngeꞌe jii ko ndachro ndo ángel: ―Í tsonchrjenꞌa tsonꞌen kain jiꞌi.

Apocalipsis 15:7

Naa sen noó stechón kuajon naa copa jitjiá vino kuayéꞌe ngujngu ya̱a̱to̱ ndo ángel, ko ya̱a̱to̱ copa meꞌe xrondachro ti toñao ndo Dio, ndo jichón kain nchakon.

Apocalipsis 21:5

Ko ndo jitaꞌa trono ndachro ndo: ―Janꞌan ntakonchjian kain ngeꞌe natjúá. Ko kaxon ndachro ndo: ―Ikjian jiꞌi ixi jiꞌi chijni nduaxin, chijni chao tsitikaon chujni.

Apocalipsis 4:2

Tuinxin kui̱i̱ juachaxien Espíritue ndo Dio ngaji̱n ko bikon naa trono jii ngajní ko naa ngisen jitaꞌa trono meꞌe.

Apocalipsis 4:8

Ko ti noó sen jichón, ngujngu sen chónda sen ikjaon nenechaan sen ko stechónda sen itsjé jmakon sen ngandajin sen ko ngaxinꞌin sen, ko tiie, nchakon stendachro sen: Tjúá, tjúá, tjúá jaꞌanta, Ncháina ndo Dio, jaꞌanta chondanta kain juachaxin. Jaꞌanta ndo ó ritjennta saꞌó, ko rícho̱nnta jai ko jaꞌanta xrokjannta tsjiꞌinta íjngo.

Apocalipsis 5:1

Tjumeꞌe bikon ngaya tja ndo ti jian, ndo jitaꞌa trono, jitsé ndo naa xroon tsikjin sen ngaya ko tuenxin ko tsikijee̱xin xroon ixi ya̱a̱to̱ sello.

Apocalipsis 6:16

*Ko ndache na̱ ijna̱ ko ixro ntandoá: ―Titsingataꞌaninta ixi jaña tsikonꞌana ndo jitaꞌa trono ko Xjantuchjoen ndo Dio tsjankataꞌina ijie̱ ixi tsango jitoñao xjan,

Apocalipsis 7:15

Méxin jai ste sen tjenka trono neꞌe ndo Dio, ko tiie, nchakon stencheꞌe sen ixra̱ ngaxinꞌin ningue ndo ko jeꞌe ndo tayakonꞌen ndo sen ko xroꞌan ngeꞌe tsintekonꞌen sen.