Apocalipsis 4:8 - El Nuevo Testamento

⁸ Ko ti noó sen jichón, ngujngu sen chónda sen ikjaon nenechaan sen ko stechónda sen itsjé jmakon sen ngandajin sen ko ngaxinꞌin sen, ko tiie, nchakon stendachro sen: Tjúá, tjúá, tjúá jaꞌanta, Ncháina ndo Dio, jaꞌanta chondanta kain juachaxin. Jaꞌanta ndo ó ritjennta saꞌó, ko rícho̱nnta jai ko jaꞌanta xrokjannta tsjiꞌinta íjngo.

Apocalipsis 4:8 Iomraidhean Croise

Hechos 20:31

Méxin, tsjeꞌenta, ko xraxaonnta ixi xranchi níi nano janꞌan juintakuanꞌannta tiie ko nchakon ko tsjanga ko kuíntuaꞌi juintakuanꞌannta ti jian.

2 Corintios 6:18

Ko janꞌan Ndotánta, ko jaꞌanta chjanꞌna, xjan xi ko xjan nchri, jaña ndachro Ncháina Dio, ndo chónda kain juachaxin.

1 Tesalonicenses 2:9

Kichuuna, xraxaonnta ixi nchakon bakeꞌena tjajnánta tsango juintaꞌana ixra̱ tiie ko nchakon ixi jaña juachana tomi sinexinna ixi tjaunꞌana xrokuajontaxinna ixra̱ ngajinnta ixi ngeꞌe sinena nchakon nichjaꞌananta chijnie ndo Dio.

1 Timoteo 4:16

Jian tsjeꞌe xranchi ncheꞌe ko ti nchekuenꞌén sen kichuuna chijni nduaxin, jian titikáoan, ko siá jaña sincheꞌé, meꞌe tsarichuan kain nchakon jaꞌa ko kaxon kain sen sinchekuenꞌen.

2 Timoteo 4:2

ko ntatsaꞌañaoan tsjakoa chijnie ndo Dio ixi nchijíi asáan, maski á tsinꞌen na̱ o̱ naꞌi. Nichjeꞌé na̱ jian ixi tsitikaon na̱ ko nchexraxaoan na̱ jian. Chonꞌén indao tsienxin na̱ ko jian tjakoa chijni.

Hebreos 13:8

Ndo Jesucristo, jeꞌe ndo xrajeꞌo ndo najna, jai ko kainxin nchakon.

Apocalipsis 1:4

*Janꞌan, Juan, ikjin xroon tsayéꞌe ya̱a̱to̱ niꞌngo ste nunte Asia. Ndo Dio tjuaꞌanta ndo ko tjáanta ndo juaxruxin. Jeꞌe ndo bakeꞌe ndo ti xraxroꞌan ngeꞌe jii, ko ndo jai jichón ko ndo xrokjan tsi̱i̱ íjngo. Ko juaxruxin jiꞌi tajon ya̱a̱to̱ espíritu jii ti tetuanxin ndo,

Apocalipsis 1:8

*“Janꞌan ti xrangíxixión ritjén ko janꞌan tsakeꞌe ti tsjexixin kain ngeꞌe, xranchi letra Á xrangíxixión kain letra ko letra Zeta tjexixín”, jaña ichro Ncháina ndo Dio, ndo tsango tetuanꞌan. Jeꞌe ndo jichón ndo jai ko ó bakeꞌe ndo saꞌó ko ndo xrokjan tsi̱i̱ íjngo.

Apocalipsis 11:17

Ko ndachro sen: Ncháina ndo Dio, tsango chondanta kain juachaxin. Jaꞌanta ti ó saꞌó bakeꞌenta, ti richónnta jai ko jaꞌanta tsjiꞌinta íjngo. Juasianta ixi juakona̱nanta kain juachaxin chondanta ko ó kuaxinta kuetuanꞌannta nchijíi nunte xasintajni.

Apocalipsis 14:11

Iꞌnchi tachrjexin xroꞌi naiꞌa tsjexin ꞌnchi. Kain nchakon tsajinꞌin iꞌnchi ko ni kuitikaon iku saꞌó tsango chjinga jii ko tjatuꞌo tsikachrjeya ba ko kaxon ni jitaxin ngataꞌa xranchi tinꞌin ba, tiie, nchakon juaꞌi tsjokéꞌe na̱.

Apocalipsis 14:3

Ko stetsje̱ sen naa soon natjúá tjenka trono, ti ste noó sen jichón ko sen ikán ko no tachríi. Xroꞌan ngisen chónda juachaxin chao xrotsje̱ soon meꞌe; jeꞌo sen ciento cuarenta y cuatro mil, sen tsikayéꞌe juachaxin tsechón kain nchakon ti xrabakeꞌe sen nunte xasintajni.

Apocalipsis 15:3

Ko itsje̱ sen soon kuantsje ndo Moisés, ngisen juincheꞌe xrée ndo Dio, ko sóen Xjantuchjon, ndachro: Tsango ijié ngeꞌe ncheꞌenta ko tsango jian kain ngeꞌe tsijinchéñanta. Jaꞌanta Nchána ndo Dio, ndo chónda kain juachaxin. Ndako ko nduaxin chao ncheꞌenta kain ngeꞌe. Jaꞌanta Rey tetuanꞌannta kain nchakon ngataꞌa nunte xasintajni.

Apocalipsis 15:7

Naa sen noó stechón kuajon naa copa jitjiá vino kuayéꞌe ngujngu ya̱a̱to̱ ndo ángel, ko ya̱a̱to̱ copa meꞌe xrondachro ti toñao ndo Dio, ndo jichón kain nchakon.

Apocalipsis 16:14

Espíritu jiꞌi, espíritue Xixronꞌanxrée kuancheꞌe ixra̱ ijié. Kuintekachrje espíritu jiꞌi ixi tsjaꞌo kain xi rey ste nunte xasintajni ixi tse̱ꞌto̱ xa nchakon ndo Dio sinchéña ndo ijie̱ ngajin kain chujni, ni ste nunte xasintajni.

Apocalipsis 16:7

Kaxon kui̱nꞌa̱n tée naa sen kui̱xi̱n altar ko nichja sen: ―Jaꞌanta nduaxin Ncháina, ndo Dio, jaꞌanta chondanta kain juachaxin ko jian ko ndako nchéñanta ijie̱.

Apocalipsis 19:15

*Ko roꞌa ndo jitachrjexin naa chika espada tsango yao, ko chika meꞌe sincheníexin ndo kain nación ko sincheñexin ndo na̱ ijie̱ ixi naa ntakuto chika, xranchi ngisen tene tu uva ixi tutée sen, ko sinchekiꞌi ndo na̱ juañaue ndo Dio ndo chónda kain juachaxin.

Apocalipsis 19:4

Tjumeꞌe sen ikán no tachríi ko sen noó stechón bakeꞌexin ntatuchiꞌin sen ko kuisée sen, ko kuajon sen juasaya ngajin ndo ndo Dio ndo jitaꞌa trono ko ndachro sen: ―¡Jaña tsonꞌen! ¡Juasaya ko juasie ndo Dio!

Apocalipsis 21:22

Ngaxinꞌin tjajna meꞌe bikonꞌa ninaa niꞌngo, ixi Ncháina ndo Dio, ndo chónda kain juachaxin, jeꞌe ndo ko Xjantuchjon jeꞌe sen meꞌe niꞌngo.

Apocalipsis 3:7

’Ikjian ngeꞌe tsayéꞌe ndo ángel jitayakonꞌen aséen sen niꞌngo tjajna Filadelfia: “Jaꞌin ndachro ndo tjúá, ndo nduaxin, ndo chónda chika xitjeexin nta̱chja tikinixinꞌen ndo rey David. Ixi nchakon tsantjeꞌe ndo nta̱chja xroꞌan ngisen tsijeꞌe̱ nta̱chja, ko nchakon tsijeꞌe̱ ndo nta̱chja ko xroꞌan ngisen tsantjeꞌe nta̱chja:

Apocalipsis 4:4

Ko kaxon ngandeꞌe trono meꞌe bikon íjngo ikán noó trono ko ntiꞌa jitaꞌa ikán noó ndo tachríi, ko manta tjúá steyá sen ko corona tsikóñaxin chika oro stetaꞌa jaa sen.

Apocalipsis 4:6

Ko ngajinxin trono bikon xranchi xrokjui naa ndachaon tóngíxin xranchi xroxrao. Tjenka ko ngandeꞌe trono ste noó sen jichón ko chónda sen meꞌe itsjé jmakon sen ngajinxin sen ko tuenxin sen.

Apocalipsis 4:9

Sen noó sen jichón kain nchakon tajon sen juasaya, ko juasie sen ngajin ndo Dio, ndo jitaꞌa trono, ndo jichón kain nchakon

Apocalipsis 5:6

Tjumeꞌe ngajinxin trono ko ti ste noó sen jichón ko ngusine ti ste sen tachríi, ntiꞌa siin naa ndo xrokjui xranchi Xjantuchjon, tikonni xranchi naatsikóñaxón na̱ xjan ko chónda xjan ya̱a̱to̱ nteꞌe xjan ko ya̱a̱to̱ jmakon xjan. Meꞌe xrondachro ya̱a̱to̱ Espíritue ndo Dio tsixruanꞌan ndo itsji nchijíi nunte xasintajni.

Apocalipsis 6:1

Tjumeꞌe bikon ixi Xjantuchjon kuintjian xjan naa sello ti ya̱a̱to̱ sello ko kui̱nꞌa̱n nichja naa sen noó jichón ko nichja sen séen xranchi tjateé ko ndachro: ―Xrokuia ko tsjeꞌé.

Apocalipsis 6:6

Ko kui̱nꞌa̱n nichja naa sen ngusine ti ste ti noó sen jichón ndachro: ―Jeꞌo naa kilo trigo tsinaxin ixi naa tomi denario ko níi kilo cebada ixi naa tomi denario kaxon. Ko nchetjáñaꞌinta aceite ko vino.

Apocalipsis 7:11

Kain sen ángel stexin sen tutée sen ngandajin trono ko ngandajin sen tachríi ko ti noó sen stechón bakeꞌexin ntatuchiꞌin sen ko kuisée sen ngataꞌa inche ngajin trono ko kuajon sen juasaya ngajin ndo Dio

Apocalipsis 7:15

Méxin jai ste sen tjenka trono neꞌe ndo Dio, ko tiie, nchakon stencheꞌe sen ixra̱ ngaxinꞌin ningue ndo ko jeꞌe ndo tayakonꞌen ndo sen ko xroꞌan ngeꞌe tsintekonꞌen sen.