Apocalipsis 21:8 - El Nuevo Testamento

⁸ Ko ni xronka, ni titikaonꞌa, ni ndakoꞌa ncheꞌe, ni naatóñaxón chujni, ni chónda inaa nchri o̱ inaa xi, jeꞌa janchriꞌe o̱ ndoxiꞌe, ni tajon juasaya ngajin ídolo, ni tuso ko ni ruéꞌe chin tuso, ni ncheya, kain ni meꞌe tikinixinꞌen na̱ itsji na̱ ti jii xroꞌi jichexin ixi azufre ko naiꞌa tsjexin. Jiꞌi xrondachro ti yuxin tsenꞌen chujni.

Apocalipsis 21:8 Iomraidhean Croise

Mateo 10:28

Xrakuenꞌanta chujni tsóña ntauꞌeni ixi ni meꞌe juaꞌi tsóña na̱ aséenni. Jaꞌanta xroxrakonꞌennta ngisen chao xroxruanꞌan asáanta ko ntauꞌanta ti jiche xroꞌi.

Mateo 25:25

Méxin, xronkana ko ikjui juabaa tomia, tayeꞌé tomia. Ntiꞌi jii tomi.”

Mateo 8:26

Ko jeꞌe ndo ndachro ndo: ―¿Sonda stexronkanta, jaꞌanta? ¿Á chuntiaꞌinta ndo Dio? Tjumeꞌe bingatjen ndo ko kuyakutee ndo chrinto ko ndachaon ko tuinxin ndabakeꞌe nda.

Marcos 9:44

ti jii kutsindo tenꞌa ko ti jiche xroꞌi tsangaꞌi.

San Juan 8:44

Jaꞌanta chjenꞌen Xixronꞌanxrée ko jaꞌanta tsikachrjexinnta xa ko tjaunnta tsitikaonnta ngeꞌe tjaun xa. Xixronꞌanxrée xrangíxixión tóña xa chujni. Ko naiꞌa nichja xa ngeꞌe nduaxin. Kain nchakon ncheya xa ixi jaña xraxaon xa. Jeꞌe xa tituanꞌan xa kain juancheya.

2 Tesalonicenses 2:9

*Ko xiñaꞌi meꞌe tsikaꞌo xa ijié juachaxin tsajon Xixronꞌanxrée, ko meꞌe tsjakoxin xa ixi sinchexrjuenꞌen xa chujni ko ikaxin ixra̱ ijié sincheꞌe xa, kain jiꞌi jeꞌa nduaxin, jeꞌo sincheyeꞌe xa chujni.

1 Timoteo 4:2

Jeꞌe sen tsinꞌen sen ngeꞌe ndachro chujni ncheya, chujni xraxaonꞌa ndako, ni tosueꞌa ncheꞌe ti ñaꞌi.

Tito 1:16

Ndachro na̱ ixi chúxin na̱ ndo Dio, ko ti ncheꞌe na̱, meꞌe tjakoxinna ixi jeꞌa nduaxin ti nichja na̱. Jeꞌe na̱ tsango ñaꞌi na̱ ko titikaonꞌa na̱, méxin juaꞌi ncheꞌe na̱ naa ngeꞌe jian.

Hebreos 12:24

ko tsikonchjiñeꞌenta ngajin ndo Jesús, ndo nichjaxinna ixi inaa juachaxin natjúá ko jnié ndo, ijni̱ kuintjí kuijmaxinna. Ko ijni̱ meꞌe ícha jian nichjaxin ijni̱, jeꞌa xranchi jnié ndo Abel.

Hebreos 13:4

Xraxaonnta ixi ti kutaꞌanta tsango jian ko tsango tjintee meꞌe, méxin ncheyeꞌanta ndoxiꞌanta o̱ janchriꞌanta, ixi ndo Dio sinchéña ndo ijie̱ ngajin ni ndakoꞌa ncheꞌe, xranchi ni tejuakao ni jeꞌa ndoxiꞌe o̱ janchriꞌe.

1 Juan 2:22

¿Ngisen ncheya? Meꞌe sen ndachro ixi ndo Jesús jeꞌa ndo Cristo tsixruaꞌan ndo Dio. Meꞌe xi ñaꞌi ningakonꞌen xa ndo Cristo ixi titikaonꞌa xa Ndotáina Dio ko Chjenꞌen ndo.

1 Juan 3:15

Kain sen ningakonꞌen sen kichuu, sen meꞌe ikjan sen xranchi naa xi naatóñaxón chujni, ko jaꞌanta ó noꞌanta ixi ninaa ni ncheꞌe jaña chóndaꞌi na̱ juachaxin tsechón na̱ kain nchakon.

1 Juan 5:10

Ngisen titikaon Chjenꞌen ndo Dio, sen meꞌe noꞌe sen ngaya aséen sen ixi nduaxin jiꞌi. Ko ngisen titikaonꞌa ndo Dio, sen meꞌe nchéña sen ndo xranchi naa ngisen ncheya, ixi titikaonꞌa sen ngeꞌe chronga ndo Dio ti juincheꞌe Chjenꞌen ndo.

Apocalipsis 14:10

méxin tsayéꞌe na̱ kain juañaue ndo Dio ko tsango tangi tsonꞌen na̱. Tsikaonxin na̱ ngajinxin sen angéel ndo Dio ko ngajinxin Xjantuchjon ixi xroꞌi ko ixi azufre jiche.

Apocalipsis 19:20

*Ko itsé sen iku tsango chjinga jii ko kuintee sen ba ko kaxon xi ndakoꞌa bajako chijnie ndo Dio, ko bancheyeꞌe xa chujni ixi kaxin ixra̱ ijié juincheꞌe ngajinxin ikon iku tsango chjinga jii, jaña kuancheyeꞌe xa chujni tsikaa chjiꞌe ba, ni kuakajon juasaya ngajin tjatuꞌo tsikachrjeya ba. Ko iku tsango chjinga jii ko xi ndakoꞌa bajako chijnie ndo Dio ngayui jichón juankaꞌngi sen ngangi nda jichexin ixi azufre.

Apocalipsis 2:11

*Ngisen chao tinꞌen, tsinꞌen sen ngeꞌe ndachro Espíritue ndo Dio ngajin ngujngu niꞌngo: Ngisen tsjacha tsatsinga kain ngeꞌe tangi ko tsitikaonna, xroꞌan ngeꞌe tsonꞌen aséen sen ti yuxin tsenꞌen chujni.”

Apocalipsis 2:2

Janꞌan nóna kain ngeꞌe ncheꞌenta ko nóna ixi jian ncheꞌenta ixra̱ ko tintueꞌanta ti titikaonnta, ko juaxruxinꞌa stenta ixi chujni ndakoꞌa ncheꞌe. Janꞌan ó nóna ixi jaꞌanta jian tsjeꞌenta á nduaxin chujni ndachro ixi jeꞌe na̱ apóstol na̱ ko jeꞌa nduaxin; ko juakonta ixi ni meꞌe ncheya na̱.

Apocalipsis 21:27

Ko ntiꞌa juaꞌi tixinꞌin ngeꞌe tjúáꞌi ko ti ncheya. Jeꞌo chao tixinꞌin sen jitaxin xranchi tinꞌin ngaya xroon jitaxin kain sen chónda juachaxin tsechón kain nchakon, meꞌe xroon chónda Xjantuchjon.

Apocalipsis 22:15

Ko nduja tsituꞌe chujni ñaꞌi, ti ncheꞌe xranchi kunia, ko kain chujni ruéꞌe ichin tuso, ni chónda nchri o̱ xi jeꞌa janchriꞌe o̱ ndoxiꞌe, ni naatóñaxón chujni, ni tajon juasaya ngajin ídolo ko kain ni ncheya.

Apocalipsis 9:17

Ko jaña bikon konoxin itsjé kunxin ko ni stetaꞌa ba chónda na̱ naa chika ntakuin na̱ tingakuenxin ixi xroꞌan ngeꞌe tsonꞌen na̱, chika meꞌe játse chika ko yua xranchi ngajní ko sine. Ko jaa kunxin tikonni xranchi jaa kujenda ko roꞌa ba tachrjexin iꞌnchi ko xroꞌi ko azufre.

Apocalipsis 9:21

Ko ni meꞌe kaxon kuintueꞌa na̱ ti ndakoꞌa kuancheꞌe na̱, ti naabakóñaxón na̱ chujni ko kuintueꞌa na̱ kuitikaon na̱ ichin tuso ko ti chónda na̱ inaa nchri jeꞌa janchriꞌe na̱ ko ti teꞌe kichuu na̱.