Apocalipsis 2:7 - El Nuevo Testamento

⁷ *Ngisen chao tinꞌen, tsinꞌen sen ngeꞌe ndachro Espíritue ndo Dio ngajin ngujngu niꞌngo: Sen tsjacha tsatsinga kain ngeꞌe tangi ko tsintueꞌa sen tsitikaonna sen, janꞌan xrotjáꞌa sen juachaxin sine sen itu tajon nta̱a̱ tajon juachaxin tsechónni kain nchakon, nta̱a̱ meꞌe jii nta̱a̱ ti tetuanꞌan ndo Dio.”

Apocalipsis 2:7 Iomraidhean Croise

Mateo 11:15

Ko ngisen chónda ndatsjon, sen meꞌe chao tsinꞌen sen jiꞌi.

Mateo 13:43

Ko kain sen juincheꞌe ti jian, sen meꞌe tsongixin sen xranchi chjiixro ti tetuanꞌan ndo Dio. Méxin siá chondanta ndatsjonnta, jian tienxinnta jiꞌin.

Mateo 13:9

Sen chao tinꞌen, xrokonda tsinꞌen sen jiꞌi.

Marcos 4:9

Ko ndachro ndo Jesús: ―Ngisen tjaun tsinꞌen, tsinꞌen sen jian.

Marcos 7:15

Jeꞌa ti ineni ncheki̱tja̱ aséenni. Ti tachrjexin aséenni meꞌe ncheki̱tja̱ni.

Marcos 7:16

Ti tjaunnta tsinꞌennta, tinꞌennta.

San Lucas 23:43

Ko juatingíexin ndo Jesús: ―Nduaxin ntatjua ixi jai tsakeꞌe ngajin ti chaxro jii ngajní.

San Lucas 8:8

Ko ícha tse̱e̱ kuitsinga ngataꞌa inche jian, meꞌe bangi ka ko itsjé tse̱e̱ kuajon ka, xranchi naa ciento tse̱e̱ kuajon ngujngu ka. Jaña nichja ndo Jesús, ko tjumeꞌe séen ndachro ndo: ―Ngisen chao tinꞌen, tsinꞌen sen jian.

San Juan 16:33

Jiꞌi ntatjunta ixi kainnta juaxruxin tsakeꞌe asáanta ixi titikaonntana. Ko ntiꞌi nunte xasintajni tsatsinganta juachjaon, ko xronkaꞌinta ixi janꞌan ó juacha tetuanꞌan nunte ntiꞌi.

1 Corintios 2:10

Ndo Dio juinchenoi̱na ndo kain jiꞌi ixi chondana Espíritue ndo ixi Espíritue ndo tsjeꞌe kain ngeꞌe ko noꞌe kain ngeꞌe xraxaon ndo Dio.

2 Corintios 12:4

Ndo Dio bikao ndo xa ngajní, ntiꞌa kuinꞌen xa kaxin ngeꞌe tienxinꞌani ko xroꞌan ngisen chónda juachaxin xronichja meꞌe.

1 Juan 2:13

Kain jaꞌanta ndotée chjan, kjinꞌannta xroon ixi ó kuichuxinnta ngisen bakeꞌe ti xrangíxixión nunte xasintajni. Ko jaꞌanta xrachájannta kjinꞌannta xroon jiꞌi ixi jaꞌanta juacheꞌenta Xixronꞌanxrée. Jaꞌanta chjanꞌna, kjinꞌannta xroon ixi jaꞌanta chuxinnta Ndotáina Dio.

Apocalipsis 13:9

Ngisen chao tsinꞌen, xrokonda tsinꞌen sen.

Apocalipsis 14:13

Tjumeꞌe kui̱nꞌa̱n naa tée sen nichja kui̱xi̱n ngajní ko ndachro: ―Ikjian jiꞌi: “Jai xrangíxin juaxruxin tsakeꞌe sen titikaon Ncháina ko tsenꞌen sen.” Jaán, ndachro Espíritue ndo Dio, ixi jeꞌe sen tsjokéꞌe sen, ísincheꞌa sen ixra̱ tangi kuancheꞌe sen ixi ndo Dio tsjengeꞌe ndo sen ꞌna̱ ixi ti jian ixra̱ juincheꞌe sen.

Apocalipsis 15:2

Kaxon bikon naa ngeꞌe xranchi naa ndachaon tsikjan xranchi xroxrao tsintekjanxin ixi xroꞌi. Tjenka ntiꞌa siin sen juacha kuatsinga kain ngeꞌe juincheꞌe iku tsango chjinga jii ko ti tsikachrjeya xranchi jeꞌe ba ko kaxon número xranchi tinꞌin ba. Sen meꞌe siin sen ngataꞌa ndachaon ko stetsé sen arpa tsikajon ndo Dio ngajin sen.

Apocalipsis 2:11

*Ngisen chao tinꞌen, tsinꞌen sen ngeꞌe ndachro Espíritue ndo Dio ngajin ngujngu niꞌngo: Ngisen tsjacha tsatsinga kain ngeꞌe tangi ko tsitikaonna, xroꞌan ngeꞌe tsonꞌen aséen sen ti yuxin tsenꞌen chujni.”

Apocalipsis 2:17

*Ngisen chao tinꞌen, tsinꞌen ngeꞌe ndachro Espíritue ndo Dio ngajin ngujngu niꞌngo: Ngisen tsjacha tsatsinga kain ngeꞌe tangi ko tsintunaꞌi sen, sen meꞌe xrotjáꞌa sen juachaxin sine sen naa nutja jichjian ko xrotjáꞌa sen naa ixro tjúá, ko ngataꞌa xro meꞌe jitaxin naa nombre natjúá ti chúxinꞌa ninaa ngisen. Jeꞌo ngisen tsayéꞌe ixro tsonoꞌe sen xranchi ndatinꞌin sen.”

Apocalipsis 21:7

Ngisen tsjacha tsindueꞌa xrochuntiana, janꞌan xrotjáꞌa sen kain ti jian, ko janꞌan xrokjanna ndo Dio tikinixinꞌen sen, ko jeꞌe sen xrokjan sen chjanꞌna.

Apocalipsis 22:14

Juaxruxin tsintee sen tsijinemá manta jitsáa sen ixi jaña xrochónda sen juachaxin tsonchjiñeꞌe sen ngajin nta̱a̱ tajon juachaxin stechón chujni, ko kaxon chao tsixixin sen nta̱chjeꞌe tjajna tjúá.

Apocalipsis 22:17

Espíritue ndo Dio ko sen titikaon Xjantuchjon ndachro sen: ―Xrokuiinta. Ko sen tsinꞌen kaxon xrondachro sen: ―Xrokuiinta. Ko ngisen kuenꞌen inda tsi̱i̱ sen ko tsiꞌi sen inda tajon juachaxin tsechónni kain nchakon, ko sen tsi̱i̱ xroꞌan ngeꞌe tsjenga sen ꞌna̱.

Apocalipsis 22:2

Ko ngusine chaꞌo ijié chónda tjajna ngujngu lado ti jitinga nda tjúá jii nta̱a̱ tajon juachaxin tsechón chujni ko ngujngu nchanitjao tajon nta̱a̱ itu, ko chaan nta̱a̱ meꞌe xro̱a̱n tsoxruenxin chujni kain nación.