Apocalipsis 19:4 - El Nuevo Testamento

⁴ Tjumeꞌe sen ikán no tachríi ko sen noó stechón bakeꞌexin ntatuchiꞌin sen ko kuisée sen, ko kuajon sen juasaya ngajin ndo ndo Dio ndo jitaꞌa trono ko ndachro sen: ―¡Jaña tsonꞌen! ¡Juasaya ko juasie ndo Dio!

Apocalipsis 19:4 Iomraidhean Croise

Mateo 28:20

Ko nchekuenꞌennta sen ixi tsitikaon sen kain ngeꞌe kuetuanꞌan. Ko janꞌan tsakeꞌe ngajinnta kain nchakon hasta tsjexinja nunte xasintajni. Jaña tsonꞌen.

Mateo 6:13

Tintueꞌanta ixi ti ndakoꞌa sintaꞌana, ko tájonꞌanta juachaxin ixi xrojan ngeꞌe sinchena̱na Xixronꞌanxrée ixi jaꞌanta tituanꞌannta kain ngeꞌe ko chondanta ijié juachaxin kain nchakon. Jaña tsonꞌen.

1 Corintios 14:16

Ixi siá xrokuajonnta juasaya ngajin ndo Dio ixi asáanta ko sen stetinꞌen tsienxinꞌa sen ngeꞌe rindachenta ndo Dio, juaꞌi tsajon sen juasaya ixi tienxinꞌa sen ngeꞌe richronta.

Apocalipsis 15:7

Naa sen noó stechón kuajon naa copa jitjiá vino kuayéꞌe ngujngu ya̱a̱to̱ ndo ángel, ko ya̱a̱to̱ copa meꞌe xrondachro ti toñao ndo Dio, ndo jichón kain nchakon.

Apocalipsis 19:1

Ko kuatsinga jiꞌi, tjumeꞌe kui̱nꞌa̱n nichja kueya chujni ste ngajní ko séen nichja sen, ndachro sen: ¡Juasaya! Juasie ndo Dio ixi jeꞌe ndo kuajon ndo juachaxin stechónna ko jeꞌe ndo tsango tetuanꞌan ndo.

Apocalipsis 19:3

Ko íjngo ndachro sen: ―¡Juasaya! ¡Juasie ndo Dio! Ixi iꞌnchi jitachrexin ti jiche nchra naiꞌa tsjexin tsachrje ꞌnchi.

Apocalipsis 19:6

Kui̱nꞌa̱n xranchi xronichja kueya chujni, xranchi tinꞌenni xroin yeꞌe inda jitinga ko xranchi ti séen tjateé jindachro: ―¡Juasaya! Juasie Ncháina Dio, ixi ó kuaxi tetuanꞌan ndo, ndo chónda kain juachaxin.

Apocalipsis 5:14

Ko noó sen stechón ndachro sen: ―Jaña tsonꞌen. Ko sen ikán no sen tachríi bakeꞌexin ntatuchiꞌin sen, kuajon sen juasaya ngajin ngisen jichón kain nchakon.