Apocalipsis 19:10 - El Nuevo Testamento

¹⁰ Tjumeꞌe janꞌan bakeꞌexin ntatuchiꞌin tutée ndo ángel ixi tjaꞌon tsajon juasaya ngajin ndo, ko jeꞌe ndo ndachro ndo: ―Ncheꞌa jaña ixi janꞌan kaxon ntaꞌa xra̱ ngajin ndo Dio xranchi jaꞌa, ko xranchi sen kichuua sen kuintueꞌa kuitikaon chijni jian chronga ndo Jesús. Jeꞌo tájuan juasaya ngajin ndo Dio. Ixi jeꞌe ndo Jesús, meꞌe xrondachro ti kuachronga sen kuanichja ó saꞌó chijnie ndo Dio.

Apocalipsis 19:10 Iomraidhean Croise

Mateo 4:10

Tjumeꞌe jeꞌe ndo Jesús ndachro ndo: ―Satjia jaꞌa Xixronꞌanxrée, ixi ndachro xroon chijnie ndo Dio: “Jeꞌo Ncháa ndo Dio xrokonda xrochjeꞌé ndo juasaya ko jeꞌo ngajin jeꞌe ndo tsitikaoan.”

Marcos 5:22

Ko tjumeꞌe kui̱i̱ naa xi baketuanꞌan naa niꞌngo judío, xi meꞌe ndatinꞌin xa Jairo. Ko hora bikon xa ndo Jesús, bakeꞌexin ntatuchiꞌin xa ngajin ndo,

Marcos 7:25

Ko tjumeꞌe janée naa nchrichajan, chónda nchrichan espíritue Xixronꞌanxrée kuinꞌen jan ixi ntiꞌa jii ndo Jesús, ko tuinxin kuiji jan ko bakeꞌexin jan ntatuchiꞌin jan tutée ndo Jesús.

San Lucas 1:19

Ko jeꞌe ndo ángel juatingíexin ndo: ―Janꞌan Gabrielna, ko ntaꞌa kain ngeꞌe tetuanꞌan ndo Dio. Ko kuetuanna ndo tsjiꞌi ko xrontatjua ngeꞌe jian tsonꞌen.

San Lucas 24:44

Ko tjumeꞌe ndachro ndo: ―Nchakon bakeꞌe ngajinnta ntatjunta kain ngeꞌe xrojuinchena̱ na̱ xranchi tsikjin ndo Moisés ko tsikjin sen profeta ko ti jitaxin xroon Salmo.

San Juan 5:39

Jaꞌanta jian nchekuanxinnta xroon chijnie ndo Dio ixi chonꞌénnta tsayeꞌenta juachaxin tsechonnta kain nchakon. Ko xroon meꞌe nichja ixi najanꞌan.

Hechos 10:43

Kain sen chronga chijnie ndo Dio chronga sen ixi ngujngu chujni titikaon ndo Jesús, sen meꞌe sincheméꞌe ndo jíee sen.

Hechos 13:27

Méxin, ni ste tjajna Jerusalén ko ni tetuanꞌan ntiꞌa konoeꞌa na̱ ngisen ndo Jesús ko kuienxinꞌa na̱ ngeꞌe tsikjin sen kuachronga chijnie ndo Dio ó saꞌó ti juinchekuanxin na̱ xroon ngaxinꞌin niꞌngo ngujngu nchakon tjokéꞌe na̱. Jaña jeꞌe na̱, nchakon tangi juinchekao na̱ ndo Jesús, tsijincheꞌe na̱ xranchi nichja xroon.

2 Corintios 8:7

Jian nóna ixi tsango jian ncheꞌenta kain ngeꞌe: jian chuntianta Ncháina Jesucristo, jian nchekuenꞌennta sen chijnie ndo Dio, ícha noꞌanta chijnie ndo, ko tsango cháꞌanta ko tjaunninta. Ko jai ícha jian tingijnanta sen kichuuna.

Efesios 5:15

Tsjeꞌenta jian xranchi tajinta; ncheꞌanta xranchi chujni ninta; xraxaonnta jian. Ncheꞌenta xranchi naa ngisen jian noꞌe ngeꞌe ncheꞌe.

Efesios 5:33

Ko kaxon xrondachro ixi ngujngu jaꞌanta xrokonda xrotjueꞌe janchriꞌanta xranchi xrojueñaonta asáanta, ko kaxon sen nchri tsikuteꞌe xrokonda tsitikaon sen ndoxiꞌe sen.

Filipenses 3:3

Sen nduaxin chónda chjiꞌe ndo Dio, sen meꞌe jai̱na ixi jai̱na nduaxin tajonna juasaya ngajin ndo Dio ixi tingijnana Espíritue ndo, ko tsango chai̱na ixi jai̱na tikinixinꞌenna Ncháina Jesucristo. Méxin, chuntiaꞌina ti taani chjiꞌe ni judío.

1 Tesalonicenses 5:15

Jian tsjeꞌenta xroꞌan ngisen tsjengeꞌe ngajin sen kichuu ixi ndakoꞌa juinchekao kichuu sen. Cháña jian ncheꞌenta ngajin sen kichuunta ko ngajin kain chujni.

Hebreos 1:14

Kain sen ángel meꞌe espíritu tikonꞌani ncheꞌe ixra̱ ngajin ndo Dio ixi jeꞌe sen kuituenꞌen sen tsingijna sen chujni tsitjáñaꞌi aséen ko tsechón kain nchakon.

Hebreos 12:25

Méxin, jian tsjeꞌenta ngisen jinichjaꞌanta ko titikaonnta ndo Dio, ixi sen tjajnée ndo, sen kuitikaonꞌa nchakon kuyakutee ndo sen ngataꞌa ijna̱ juaꞌi sabingeꞌe sen ndo. Méxin, jai̱na ícha juaꞌi satsingeꞌena ndo siá sintuꞌuna ti ndakoꞌa ko tsitikaonꞌana ndo, ixi jeꞌe ndo jinichjai̱na ndo ko tée ndo jiti̱ꞌxi̱n ngajní.

1 Juan 5:10

Ngisen titikaon Chjenꞌen ndo Dio, sen meꞌe noꞌe sen ngaya aséen sen ixi nduaxin jiꞌi. Ko ngisen titikaonꞌa ndo Dio, sen meꞌe nchéña sen ndo xranchi naa ngisen ncheya, ixi titikaonꞌa sen ngeꞌe chronga ndo Dio ti juincheꞌe Chjenꞌen ndo.

1 Juan 5:21

Chjanꞌna, tintuꞌenta kain dio tjatuꞌo ixi meꞌe jeꞌa nduaxin ndo Dio. Jaña tsonꞌen.

Apocalipsis 1:1

Kain ngeꞌe jitaxin ntiꞌi ndo Dio juinchenoꞌe ndo Ncháina Jesucristo ixi sinchenoꞌe ndo kain sen ncheꞌe xrée ndo ixi kain jiꞌi xrokonda tuinxin tsonꞌen. Ndo Jesucristo xruanꞌan ndo naa ndo ángel ixi sinchenoꞌe ndo ndo Juan kain jiꞌi ixi jeꞌe ndo Juan ncheꞌe ndo xrée ndo Jesucristo.

Apocalipsis 1:9

Janꞌan Juan ndo kichuunta ixi steniina ndo Jesús. Jaꞌanta ko janꞌan xrajeꞌo tangi stetatsingana ko stechonꞌenna tsojuna ti tetuanꞌan ndo Jesús. Janꞌan bakeꞌe naa nche nchíín ngusine nda, nche ndatinꞌin Patmos, kondeexin bajako chijnie ndo Dio ko kuanichja chijnie ndo Jesucristo.

Apocalipsis 12:11

Sen kichuuna juacha sen ngajin xi meꞌe ixi jnié Xjantuchjon ko ixi chronga sen chijni kuayéꞌe sen ko xronkaꞌi sen maski xrokuenꞌen sen.

Apocalipsis 12:17

Tjumeꞌe tsango koñao kudragón ngajin nchra, méxin ikjui ba kue̱ꞌto̱ ba ngajin ni kichuu nchra, ngajin sen titikaon ngeꞌe tsiketuanꞌan ndo Dio ko xratitikaon sen chijnie ndo Jesucristo.

Apocalipsis 14:7

Ndo ángel meꞌe séen kuyako ndo ko ndachro ndo: ―Xrakuenꞌanta ndo Dio ko tájonnta juasaya ngajin ndo ixi ó kui̱i̱ nchakon sinchéña ndo ijie̱. Tájonnta juasaya ngajin ndo, ndo juinchéña ngajní ko nunte xasintajni ko ndachaon ko no jitonoxixin inda.

Apocalipsis 15:4

¿Ngisen xroxrakonꞌa ngajinnta, Nchána? ¿Ngisen tsajonꞌa juasaya ngajin jaꞌanta? Jeꞌo jaꞌanta tsango tjúánta. Kain ni nchijíi nunte xasintajni tsajon na̱ juasaya ngajinnta ixi bikon na̱ kain ixra̱ jian tsiji̱ncheꞌenta.

Apocalipsis 19:9

*Tjumeꞌe ndo ángel ndachijina ndo: ―Ikjian jiꞌi: “Juaxruxin tsintee sen kuayéꞌe juachaxin tsakeꞌe sen ti kia tsuteꞌe Xjantuchjon.” Ko jaꞌin ndachro ndo ángel: ―Jiꞌi ndachro ndo Dio, ko kain ti ndachro ndo meꞌe nduaxin.

Apocalipsis 4:10

ko hora jaña ncheꞌe sen noó jichón, sen ikán noó tachríi takeꞌexin ntatuchiꞌin sen ngajin ndo Dio ko tajon sen juasaya ngajin ndo jichón kain nchakon, ko tjanka sen corone sen ngajinxin trono ko ndachro sen: