Apocalipsis 16:10 - El Nuevo Testamento

¹⁰ Tjumeꞌe ndo ángel naꞌóxin kuintjí ndo ti jitjiá copee ndo ngataꞌa trono neꞌe iku tsango chjinga jii. Tjumeꞌe ti no baketuanxin iku tsango chjinga jii, ntiꞌa konaxixeꞌe. Ko chujni juinetja na̱ nejen na̱ ixi tsango tiín na̱.

Apocalipsis 16:10 Iomraidhean Croise

Mateo 13:42

Ko sen ángel meꞌe tsjankaya sen chujni ñaꞌi ti jii xroꞌi xranchi naa itja̱; ntiꞌa xrotsjanga chujni meꞌe ko tse̱ꞌto̱ neno na̱.

Mateo 13:50

Ko tsjánkaxinꞌin sen ni ndakoꞌa ncheꞌe ti jii xroꞌi naiꞌa tanga ko ntiꞌa xrotsjanga na̱ ko tse̱ꞌto̱ neno na̱ ixi tsango ijié juachjaon jii ntiꞌa.

Mateo 22:13

*Tjumeꞌe ndo rey kuiyeꞌe ndo ni stetaya ti sine chujni ko ndachro ndo: “Itsenta xi ña̱ ko tinteenta tutée xa ko itja xa ko tjankanta xa nduja ti naxixeꞌe; ntiꞌa xrotsjanga xa ko tse̱ꞌto̱ neno xa.”

Mateo 24:51

ko nchée xa tsituanꞌan ixi tsikaon xa ko xroxruanꞌan xa ti ste kain ni ñaꞌi ko ntiꞌa xrotsjanga xa ko tse̱ꞌto̱ neno xa ixi tsango xroxronka xa.

Mateo 8:12

*Ko kueya sen tikinixinꞌen xrobakeꞌe sen nchia ti tetuanꞌan ndo Dio, sen meꞌe tsachrjexin sen ntiꞌa, ko nduja tsakeꞌe sen ti naxixeꞌe ko ntiꞌa xrotsjanga sen ko tse̱to̱ neno sen ixi tsango xroxronka sen.

San Lucas 13:28

*Ntiꞌa jaꞌanta xrotsjanganta ko tse̱to̱ nenonta nchakon tsikonnta ndo Abraham, ko ndo Isaac, ko ndo Jacob, ko kain sen profeta bakeꞌe saꞌó, ste sen ngajní ti tetuanꞌan ndo Dio, ko jaꞌanta tsakeꞌenta nduja.

1 Pedro 2:17

Jian nichjeꞌenta kain chujni. Tjueꞌenta sen kichuunta, ko titikaonnta ndo Dio ko titikaonnta ngajin xi tituanꞌan tjajna.

Apocalipsis 11:10

Ko ni nunte xasintajni juaxruxin tsintee na̱ tsikon na̱ tsikenꞌen sen, ko sinchéña na̱ kia ko sincheki̱to̱nꞌen kichuu na̱ itsjé ngeꞌe ixi juaxruxin ste na̱ ixi tsikenꞌen sen, sen tsixruanꞌan ndo Dio, ixi nchakon kuintee jeꞌe sen tsango tangi kuintekatsinga na̱.

Apocalipsis 11:2

*Ko tjatichuaꞌia ntasien ningue ndo Dio ixi ntiꞌa tsayéꞌe ni jeꞌa tjajnée ndo Dio, ixi tsetuenꞌen na̱ tjajna Jerusalén ko xrochóndeꞌa na̱ juasaya tjajna, níi nano ko tuꞌo.

Apocalipsis 11:8

Ko cuerpoe sen tsitsinga ti chaoé tjajna ijié ti tsikoña na̱ Ncháina Jesús nganito nta̱cru, ko ntiꞌa nchekinꞌin na̱ Sodoma ko Egipto.

Apocalipsis 17:17

Ixi ndo Dio bakeꞌe ndo ngaya aséen kain xi rey meꞌe sincheꞌe xa ti tjaun jeꞌe ndo, jaña naakua ngeꞌe xrondachro xa ixi tsajon xa juachaxien xa ngajin iku tsango chjinga jii, ti xroxetjaja nchakon tsonꞌen kain ngeꞌe tsindachro ndo Dio.

Apocalipsis 17:9

’Ngisen chao tsienxin jiꞌi xrokonda jian tsienxin sen: Ti ya̱a̱to̱ jaa ba xrondachro ti ya̱a̱to̱ ijna̱ jitaꞌa nchri chónda itsjé xi.

Apocalipsis 18:2

*Ko tsango séen kuyako ndo ángel ko ndachro ndo: ―Kuitjáña, ó kuitjáña tjajna ijié, tjajna Babilonia. Ntiꞌa ikjan ndoꞌa ni ñaꞌi ko ntiꞌa jii kain espíritue Xixronꞌanxrée. Ntiꞌa ste kakée iko ñaꞌi, iko tjanga ko tsango tonchiꞌeni.

Apocalipsis 18:21

Tjumeꞌe naa ndo ángel chónda ijié juachaxin kua ndo naa ixro tsango ijié xranchi naa xrochri, ko juanka ndo xro chringi ndachaon ko ndachro ndo: ―Jaña naxrajeo tsitjáña tjajna Babilonia, tjajna ijié ko ínaiꞌa tsikon chujni tjajna meꞌe.

Apocalipsis 18:23

Ko ínaiꞌa tsingasáña xroꞌi ngajian ko naiꞌa tsinꞌenni tsuteꞌe chujni ntiꞌa. Ixi ni bakenaꞌa ngeꞌe juinchekjia, ni tsango baketuanꞌan nunte xasintajni ixi itsjé tomi juacha na̱ ko ixi ichin tuso juincheyexin na̱ kain nación.

Apocalipsis 8:12

Tjumeꞌe ti noóxin ndo ángel kuanoa ndo itjao chónda ndo ko ti nínxin parte chjiixro, nínxin parte nchanitjao ko nínxin parte nchanotsé konaxixeꞌe ko í bingasáñaꞌi. Méxin tingasáñaꞌi chjiixro ko nchanitjao ko nchanotsé nínxin parte nchakon ko tiie.

Apocalipsis 9:2

Ko nchanotsé meꞌe kuantjeꞌe tuye yasoꞌe ko kuachrje iꞌnchi xranchi iꞌnchi tachrjexin naa itja̱ ko iꞌnchi meꞌe juinchekonaxixeꞌe chjiixro ko chrinto.