Apocalipsis 13:17 - El Nuevo Testamento

¹⁷ Ko xroꞌan ngisen chonda juachaxin tseꞌna o̱ sinchekji siá chóndaꞌi na̱ chjiꞌe na̱, ti xrondachro xranchi tinꞌin iku tsango chjinga jii o̱ númeroe ba.

Apocalipsis 13:17 Iomraidhean Croise

Gálatas 6:17

Ko jai tjaunꞌa ixi xrojan ngisen sincheniꞌe aséenna ixi janꞌan ó tsikoniꞌe cuerpona meꞌe chronga ixi janꞌan ntaꞌa xrée Ncháina Jesucristo.

Apocalipsis 13:16

Kaxon kuetuanꞌan ba ixi kain chujni xrochónda na̱ naa chjiꞌe na̱, itja na̱ ti jian o̱ ntatjen na̱, kain chujni, ijié ko ichjan, ni chónda tomi, ni nóa ko ni nchejincheꞌe na̱ ixra̱, ko ni tetuanꞌan, kain na̱ xrochónda na̱ chjiꞌe na̱.

Apocalipsis 13:18

Jiꞌi xrokonda ícha xrokuienxinnta. Ngisen tienxin chao xrokonoꞌe sen número chónda iku tsango chjinga jii ko número meꞌe xrondachro xranchi tinꞌin chujni, número meꞌe ikjaon ciento sesenta y seis (666).

Apocalipsis 14:11

Iꞌnchi tachrjexin xroꞌi naiꞌa tsjexin ꞌnchi. Kain nchakon tsajinꞌin iꞌnchi ko ni kuitikaon iku saꞌó tsango chjinga jii ko tjatuꞌo tsikachrjeya ba ko kaxon ni jitaxin ngataꞌa xranchi tinꞌin ba, tiie, nchakon juaꞌi tsjokéꞌe na̱.

Apocalipsis 14:9

Tjumeꞌe konoxin ndo ángel nínxin ko séen nichja ndo: ―Siá xrojan ngisen tsajon juasaya ngajin iku saꞌó tsango chjinga jii ko ngajin tjatuꞌo tsikachrjeya ba o̱ kaxon siá tsituexin na̱ tsayéꞌe na̱ chjiꞌe ba ntatjen na̱ o̱ itja na̱,

Apocalipsis 15:2

Kaxon bikon naa ngeꞌe xranchi naa ndachaon tsikjan xranchi xroxrao tsintekjanxin ixi xroꞌi. Tjenka ntiꞌa siin sen juacha kuatsinga kain ngeꞌe juincheꞌe iku tsango chjinga jii ko ti tsikachrjeya xranchi jeꞌe ba ko kaxon número xranchi tinꞌin ba. Sen meꞌe siin sen ngataꞌa ndachaon ko stetsé sen arpa tsikajon ndo Dio ngajin sen.

Apocalipsis 17:5

Ko ntatjen nchra jitaxin naa chijni xroꞌan ngisen tienxin ko jaꞌin jitaxin: “Tjajna ijié ndatinꞌin Babilonia, meꞌe xrokjui xranchi janée kain nchri tejuakao itsjé xi ko kain ni ncheꞌe ti ndakoꞌa jii nunte xasintajni.”

Apocalipsis 20:4

Tjumeꞌe bikon kaxin trono ko ngujngu sen stetaꞌa sen trono tikinixinꞌen sen, sen tsikayéꞌe sen juachaxin sinchéña ijie̱. Ko kaxon bikon aséen sen tsikonchrijin na̱ jaa ixi tsichronga sen chijnie ndo Dio, chijni juako ndo Jesús. Sen meꞌe kuajonꞌa sen juasaya ngajin iku tsango chjinga jii ko ngajin tjatuꞌo tsikachrjeya ba ko kaxon tsikintuexinꞌa sen kuenito chjiꞌe ba ntatjen sen ko itja sen. Ko sen tsichrijin jaa ikjan xechón sen ko kuetuanꞌan sen kao ndo Cristo naa mil nano.

Apocalipsis 22:4

Ko jeꞌe sen tsikon sen ikon ndo Dio ko tsenito ntatjen sen xranchi tinꞌin ndo.

Apocalipsis 3:12

*Sen tsjacha tsatsinga kain ti tangi, sen meꞌe tsakée sen xranchi nta̱siji jingiꞌe ningue ndo Ndotána Dio ko í naiꞌa tsachrjexin sen ntiꞌa. Ko janꞌan xrokjin ngataꞌa sen xranchi tinꞌin ndo Dio ko xranchi tinꞌin tjajnée ndo, tjajna natjúá, tjajna Jerusalén, tsi̱ꞌxi̱n ngajní ti jii ndo Dio. Kaxon xrokjin xranchi natjúá tsiꞌina janꞌan.

Apocalipsis 7:3

ko ndachro ndo: ―Ncheníeꞌanta inche, ndachaon, ko nta̱a̱ yua, tsjexinja tsakéena sello ntatjen sen ncheꞌe ixra̱ ngajin ndo Dio.