Apocalipsis 12:4 - El Nuevo Testamento

⁴ Ko ntanée ba bingajinxin ba ti nínxin parte kain nchanotsé jii ngajní ko juanka ba nchanotsé ngataꞌa nunte ko kuíxin ba ngajinxin jeꞌe nchra ixi sine ba chjenꞌen nchra tuinxin tsjongíꞌe xjan.

Apocalipsis 12:4 Iomraidhean Croise

San Juan 8:44

Jaꞌanta chjenꞌen Xixronꞌanxrée ko jaꞌanta tsikachrjexinnta xa ko tjaunnta tsitikaonnta ngeꞌe tjaun xa. Xixronꞌanxrée xrangíxixión tóña xa chujni. Ko naiꞌa nichja xa ngeꞌe nduaxin. Kain nchakon ncheya xa ixi jaña xraxaon xa. Jeꞌe xa tituanꞌan xa kain juancheya.

1 Pedro 5:8

Jian xraxaonnta ko kain nchakon tsjeꞌenta jian ixi Xixronꞌanxrée, xi ningakonꞌannta, ichrji xa xranchi naa kujenda tsango jieꞌe ko tsango soji tuyako ba ko jitjee ba ngeꞌe chujni sine ba jaña ncheꞌe xi meꞌe.

Apocalipsis 12:7

*Tjumeꞌe kuintekeꞌto sen ángel ngajní. Ndo ángel Miguel ko sen ángel tetuenꞌen ndo kuintekeꞌto sen ngajin kudragón ko ni ángel tetuenꞌen ba.

Apocalipsis 12:9

*Méxin kuantsjexin ndo Dio kudragón ngajní, meꞌe kunchee nta̱xi nchekinꞌin na̱ Xixronꞌanxrée. Jeꞌe xa ncheyeꞌe xa chujni ste nunte xasintajni. Jeꞌe xa ko kain ni ángel tetuenꞌen xa kuitsinga ngataꞌa nunte.

Apocalipsis 13:2

Iku tsango chjinga jii biko̱n jii ba xranchi naa kutigre ko tutée ba ste xranchi tutée kuoso ko roꞌa ba jii xranchi roꞌa kujenda. Ko kudragón kuajon ba kain juachaxien ba ngajin iku tsango chjinga jii.

Apocalipsis 13:4

Ko kuajon na̱ juasaya ngajin kudragón ixi jeꞌe ba kuajon ba juachaxin ngajin iku tsango chjinga jii, ko kaxon kuajon na̱ juasaya ngajin iku tsango chjinga jii ko ndachro na̱: ―¿Ngisen xrokjui xranchi iku tsango chjinga ko ngisen xrojuacha ngajin ba?

Apocalipsis 16:13

Ko bikon ixi roꞌa kudragón, roꞌa iku tsango chjinga jii ko roꞌa xi ndakoꞌa bajako kuachrjexin níi espíritu ñaꞌi tikonni xranchi kurrána.

Apocalipsis 17:18

Nchri bikuan, meꞌe tjajna ijié tetuenꞌen kain xi rey jii nunte xasintajni.

Apocalipsis 20:2

Ko ndo ángel itsé ndo kudragón ko kaxon ndatinꞌin ba kunchee nta̱xi, meꞌe Xixronꞌanxrée, ko kuenchruaxin ndo xa ixi nochika naa mil nano.

Apocalipsis 8:10

Tjumeꞌe ti nínxin ndo ángel kuanoa ndo itjao chónda ndo ko naa nchanotsé ijié xingajinxin ngajní jiche nchanotsé xranchi naa xroꞌi ijié kuitsinga ngataꞌa nínxin parte ndajitinga ko ti no jitachrjetoxin inda.

Apocalipsis 8:11

Ko nchanotsé meꞌe ndatinꞌin Itsjá, méxin ti nínxin parte inda kontsjá inda ko kueya chujni kuenꞌen ixi ti kontsjá inda meꞌe.

Apocalipsis 8:12

Tjumeꞌe ti noóxin ndo ángel kuanoa ndo itjao chónda ndo ko ti nínxin parte chjiixro, nínxin parte nchanitjao ko nínxin parte nchanotsé konaxixeꞌe ko í bingasáñaꞌi. Méxin tingasáñaꞌi chjiixro ko nchanitjao ko nchanotsé nínxin parte nchakon ko tiie.

Apocalipsis 8:7

Ko ndo ángel saꞌó kuanoa ndo itjao chónda ndo ko kuaxi kuania ngataꞌa nunte xasintajni tuni ko xroꞌi tsikintekjanxin ijni̱. Ko iche ti nínxin parte nunte ko nta̱a̱ ko iche kain kayua.

Apocalipsis 8:8

Tjumeꞌe ti yuxin ndo ángel kuanoa ndo itjao chónda ndo ko naa ngeꞌe xranchi naa ijna̱ ijié jiche kuitsinga ngangi ndachaon ko nínxin parte ndachaon ikjan ijni̱.

Apocalipsis 8:9

Ko kuenꞌen nínxin parte kain ngeꞌe jii ngangi ndachaon ko kaxon nínxin parte kain nta̱barco kuitjáña.

Apocalipsis 9:10

Ko ntanée ba chónda ba cháꞌa xranchi chónda kulantajoon ko ixi ché ba sincheniꞌe ba chujni nguixin naꞌó nchanitjao.

Apocalipsis 9:19

Ko juachaxin chónda kunxin meꞌe tachrjexin roꞌa ba ko ntanée ba. Ko ntanée ba jii xranchi kunchee chónda jaa meꞌe sincheníexin ba chujni.