Apocalipsis 12:10 - El Nuevo Testamento

¹⁰ Tjumeꞌe kui̱nꞌa̱n naa sen séen nichja ngajní ndachro sen: ―Ó kui̱i̱ juachaxien ndo Dio naꞌina tsantsje ndo ijie̱ ko kui̱i̱ juachaxin tsetuanꞌan ndo Cristo ixi ó kuachrjexin ngajní Xixronꞌanxrée tjankataꞌa ijie̱ ngajin sen kichuuna, tiie, nchakon, jeꞌe xa tankataꞌa xa ijie̱ ngajin sen, ngajinxin ndo Dio naꞌina.

Apocalipsis 12:10 Iomraidhean Croise

Mateo 26:64

Ko ndo Jesús jaꞌin juatingíexin ndo: ―Jaꞌa ndachijiana jaña. Ko janꞌan kaxon xrontatjua ixi jai tsaxi tsikonnta Chjenꞌen ndo Dio, xjan jongíꞌe xranchi chujni, tsakeꞌe xjan ndatsjonxin jian ti jii ndo Dio, ndo tsango tituanꞌan, ko tsikonnta xjan tsi̱ꞌxi̱n xjan ngajní ngakjenꞌen itjui̱.

Mateo 28:18

Ko ndo Jesús konchjiñeꞌe ndo ko ndachro ndo: ―Ijié juachaxin chjána ndo Dio ngajní ko ngataꞌa nunte xasintajni,

Mateo 6:10

Janꞌanna tjaꞌonna tsjiꞌinta tsetuanꞌannta ngataꞌa nunte ntiꞌi ko tsonꞌen xranchi xrondachro jaꞌanta ngataꞌa nunte ntiꞌi, jaña kaxon tsonꞌen ngajní.

San Lucas 11:2

Ko ndachro ndo Jesús: ―Nchakon nichjeꞌenta ndo Dio, ndachronta: Ndotáina Dio ritjennta ngajní, tsango tjúá jaꞌanta. Jaꞌanta tetuanꞌannta ngajinna. Ncheꞌenta xranchi tjaunnta ngataꞌa nunte ntiꞌi, xranchi ncheꞌenta ngajní.

San Lucas 22:31

Kaxon ndachro ndo Jesús: ―Simón, Simón, Xixronꞌanxrée juanchia xa juachaxin tsontsjenga xa xranchi noa trigo.

1 Corintios 5:4

Méxin, nchakon stetajonnta juasaya ngajin Ncháina Jesús, xraxaonnta ixi janꞌan ritjén ngajinnta,

2 Corintios 12:9

ko Ncháina jaꞌin ndachijina ndo: “Xroꞌan ngeꞌe ícha xrokondaꞌa; jeꞌo ti tsango tjuaꞌa, ixi ti tsango ijié juachaxin chonda janꞌan, ícha tonoxin juachaxin nchakon naa chujni ícha sojiꞌa. Juachaxin chónda janꞌan tonoxin nchakon juaꞌi ncheꞌe naa ngeꞌe jaꞌua.” Méxin, juaxruxin tsakeꞌé nchakon sojiꞌana ixi jaña ícha juasaya tsayéꞌe Nchána Jesucristo.

Tito 2:3

Ko kaxon jaña janachri jian sincheꞌe jan ko xronichjaꞌi jan juancheya ko xrokuanꞌi jan. Jian tsjakoxin jan ixi titikaon jan Ncháina,

1 Pedro 5:8

Jian xraxaonnta ko kain nchakon tsjeꞌenta jian ixi Xixronꞌanxrée, xi ningakonꞌannta, ichrji xa xranchi naa kujenda tsango jieꞌe ko tsango soji tuyako ba ko jitjee ba ngeꞌe chujni sine ba jaña ncheꞌe xi meꞌe.

Apocalipsis 11:15

Tjumeꞌe ya̱tu̱xi̱n ángel kuanoa ndo itjao chónda ndo ko ngajní kuinꞌenni séen nichja itsjé ngisen ndachro: Kain juachaxien nunte xasintajni tikinixinꞌen ndo Dio ko ngisen kuincheꞌe jeꞌe ndo, meꞌe ndo Cristo, ndo tsetuanꞌan kain nchakon.

Apocalipsis 2:26

Ko sen tsjacha sincheꞌe kain ngeꞌe tjaꞌon janꞌan kain nchakon ti tsjexinja kain ngeꞌe jii ngataꞌa nunte xasintajni, xrotjáꞌa sen juachaxin tsetuenꞌen sen kain tjajna.

Apocalipsis 7:10

Ko kain sen séen stetoyako sen ko ndachro sen: Ndo Dio chónda jai̱na, ndo jitaꞌa ngataꞌa trono ko kaxon Xjantuchjon, kuajon sen juachaxin tsechónna kain nchakon.