Apocalipsis 11:8 - El Nuevo Testamento

⁸ Ko cuerpoe sen tsitsinga ti chaoé tjajna ijié ti tsikoña na̱ Ncháina Jesús nganito nta̱cru, ko ntiꞌa nchekinꞌin na̱ Sodoma ko Egipto.

Apocalipsis 11:8 Iomraidhean Croise

Mateo 10:15

*Ko nduaxin ndachrja̱n ixi nchakon tsoña̱ ijie̱ ti tsjexinja kain ngeꞌe, ni tjajna Sodoma ko Gomorra tantoꞌa tangi tsonꞌen na̱ xranchi ni tjajna tjaunꞌa na̱ kuinꞌen na̱ ti ndachronta.

Hechos 9:4

Ko xi Saulo kuitsinga xa nunte, ko kuinꞌen xa nichja naa ngisen ko ndachro: ―Saulo, Saulo, ¿sonda ningakonna̱na ko tengiana?

Hebreos 13:12

Jaña kaxon Ncháina Jesús bikaon ndo kuenxin ndo ngandeꞌe tjajna Jerusalén, ko jnié ndo meꞌe kuijmaxin ti ndakoꞌa kuancheꞌe chujni.

Hebreos 6:6

ko siá sen meꞌe ikjan sen sincheꞌe sen ti ndakoꞌa, sen meꞌe í juaꞌi sincheꞌeni ixi xrokjan tsitikaon sen ndo Dio ixi xranchi jeꞌe sen íjngo xrokuasintjian sen chjenꞌen ndo Dio, ndo Jesús, nganito nta̱a̱ ko íjngo tsjanoa sen ndo.

2 Pedro 2:6

Kaxon ndo Dio juinchetjáña ndo ni tjajna Sodoma ko Gomorra, iche na̱ ko kao kain ngeꞌe ikjan nteso, ixi jaña tsikon chujni ndakuaꞌi ncheꞌe jai siá tsintueꞌa na̱ ti ndakoꞌa ncheꞌe na̱.

Judas 1:7

Kaxon jaña konꞌen ni tjajna Sodoma ko ni tjajna Gomorra ko ni tjajna tjenka ntiꞌa. Ni meꞌe juincheꞌe na̱ xranchi juincheꞌe sen ángel, kuitikaonꞌa na̱ kaxon, méxin kuama na̱ ijie̱ ixi juincheꞌe na̱ ti ndakoꞌa ngajin nchri jeꞌa janchriꞌe na̱ ko juincheꞌe na̱ kain ti ndakoꞌa, méxin bikaonxin na̱ ixi.

Apocalipsis 11:13

*Ko hora meꞌe tsango kontengí nunte, ko texin parte tjajna ijié chjenjin ko ya̱a̱to̱ mil chujni kuintekenꞌen na̱. Ko kain ni jichón, ni kuituꞌe, tsango xronka na̱ ko kuaxi na̱ kuitikaon na̱ ndo Dio jii ngajní ko kuajon na̱ juasie na̱ ngajin ndo.

Apocalipsis 11:9

Ko níi nchakon ko tuꞌo, kain ni tsi̱xi̱n jée tjajna, ni nichja jée ngigua ko nación tsikonna sen tsikenꞌen sen jitsinga sen ko tsintueꞌa na̱ sen xroxrabaa sen.

Apocalipsis 14:20

*Ko kuayáa na̱ tu uva ngandeꞌe tjajna ko ti no kuenexin na̱ tu kuachrjexin tsango yee ijni̱, kuiji ijni̱ noi ti jikaxin chika teya roꞌa kunxin ko níi ciento kilómetro binga ijni̱.

Apocalipsis 14:8

*Tjumeꞌe kui̱i̱ inaa ndo ángel, ko ndachro ndo: ―Ó kuitjáña, ó kuitjáña tjajna Babilonia, tjajna ijié. Ni tjajna meꞌe juinchekateya kain nación xrokuiꞌi na̱ vino, ko tjumeꞌe juincheꞌe na̱ kain ti ndakoꞌa, ti chónda na̱ inaa nchri jeꞌa janchriꞌe na̱.

Apocalipsis 16:19

Ti tsango soji kontengí nunte níi xitjeꞌe̱ inche tjajna Babilonia ko kain tjajna jié ste nunte xasintajni chjenjin tjajna. Ko ndo Dio xraxaon ndo ixi xrojuincheníꞌe ndo ni tjajna Babilonia ko tsango juincheniꞌe ndo na̱ ixi tsango koñao ndo ngajin na̱.

Apocalipsis 17:1

Ti ya̱to̱ ndo ángel chónda ya̱a̱to̱ copa, naa ndo meꞌe ndachro ndo: ―Xrokuia ko tsjakoꞌa xranchi tsikaon nchri chónda itsjé xi, nchri jii ngataꞌa ndachaon.

Apocalipsis 17:18

Nchri bikuan, meꞌe tjajna ijié tetuenꞌen kain xi rey jii nunte xasintajni.

Apocalipsis 17:5

Ko ntatjen nchra jitaxin naa chijni xroꞌan ngisen tienxin ko jaꞌin jitaxin: “Tjajna ijié ndatinꞌin Babilonia, meꞌe xrokjui xranchi janée kain nchri tejuakao itsjé xi ko kain ni ncheꞌe ti ndakoꞌa jii nunte xasintajni.”

Apocalipsis 18:10

Xroxronka xa méxin ikjín tsikonxin xa xranchi jitikaon nchra ko tsuyako xa ko xrondachro xa: ―Lastua jaꞌa tjajna ijié, tjajna Babilonia, tjajna tsango baketuanꞌan. Lastua ixi tsango taka kuitjáña juachaxin kuachonda jaꞌa, ixi naakua hora tsonchrjenꞌen ti tsjenga ꞌna̱ jaꞌa ixi ngeꞌe juincheꞌe.

Apocalipsis 18:18

Ko nchakon bikon na̱ iꞌnchi kitachrje ti jiche tjajna, kuyako na̱: ―¿Ngixeꞌe íjngo tjajna bakeꞌe xranchi tjajna ijié jiꞌi?

Apocalipsis 18:2

*Ko tsango séen kuyako ndo ángel ko ndachro ndo: ―Kuitjáña, ó kuitjáña tjajna ijié, tjajna Babilonia. Ntiꞌa ikjan ndoꞌa ni ñaꞌi ko ntiꞌa jii kain espíritue Xixronꞌanxrée. Ntiꞌa ste kakée iko ñaꞌi, iko tjanga ko tsango tonchiꞌeni.

Apocalipsis 18:21

Tjumeꞌe naa ndo ángel chónda ijié juachaxin kua ndo naa ixro tsango ijié xranchi naa xrochri, ko juanka ndo xro chringi ndachaon ko ndachro ndo: ―Jaña naxrajeo tsitjáña tjajna Babilonia, tjajna ijié ko ínaiꞌa tsikon chujni tjajna meꞌe.

Apocalipsis 18:24

Ko ntiꞌa kuchuexin jnié sen tsikenꞌen, sen kuachronga chijnie ndo Dio, ko sen tjúá aséen ko sen kuarueꞌe ndo ko kain ni kuintekenꞌen kondeexin tjajna jiꞌi, ni kuintee ngataꞌa nunte xasintajni.