Apocalipsis 11:19 - El Nuevo Testamento

¹⁹ *Tjumeꞌe xitjeꞌe̱ nta̱chja ningue ndo Dio ti jii ngajní, ko ngaxinꞌin niꞌngo tikonni ti jitjinga ngeꞌe tsiketuanꞌan ndo Dio. Ko tsango kongíxin ko tsango juatee ko tsango kontengí nunte ko tsango kuania tuni.

Apocalipsis 11:19 Iomraidhean Croise

Apocalipsis 11:13

*Ko hora meꞌe tsango kontengí nunte, ko texin parte tjajna ijié chjenjin ko ya̱a̱to̱ mil chujni kuintekenꞌen na̱. Ko kain ni jichón, ni kuituꞌe, tsango xronka na̱ ko kuaxi na̱ kuitikaon na̱ ndo Dio jii ngajní ko kuajon na̱ juasie na̱ ngajin ndo.

Apocalipsis 11:15

Tjumeꞌe ya̱tu̱xi̱n ángel kuanoa ndo itjao chónda ndo ko ngajní kuinꞌenni séen nichja itsjé ngisen ndachro: Kain juachaxien nunte xasintajni tikinixinꞌen ndo Dio ko ngisen kuincheꞌe jeꞌe ndo, meꞌe ndo Cristo, ndo tsetuanꞌan kain nchakon.

Apocalipsis 12:1

Tjumeꞌe konoxin ngajní naa ngeꞌe tsango ijié ti chuxinꞌani: konoxin naa nchri ko manta jiá nchra tóngíxin xranchi chjiixro ko chringi tutée nchra jii nchanitjao. Ko jaa nchra jitaꞌa naa corona chónda teyuu nchanotsé.

Apocalipsis 16:1

Kui̱nꞌa̱n naa tée sen nichja tsango séen kui̱xi̱n niꞌngo, ko ndache sen ya̱a̱to̱ ndo ángel: ―Itjinta ko tjintjinta ngataꞌa nunte xasintajni ti jitjiá ya̱a̱to̱ copa juañaue ndo Dio.

Apocalipsis 16:18

*Ko kongíxin ko kuinꞌenni tsango séen juatee ko tsango kontengí nunte xranchi naiꞌa bikon chujni kontengí nunte.

Apocalipsis 16:21

*Ko ngajní kuaniaxin tuni tsango ndantua, xranchi yuu kán kilo yexin ngujngu tuni. Ko chujni ícha nichjangíꞌe na̱ ndo Dio ixi jaña konꞌen, ixi xratja na̱ tuni.

Apocalipsis 19:11

Tjumeꞌe janꞌan bikon jixrangeꞌe ngajní ko ntiꞌa jii naa kunxin tjúá, ko ndo jitaꞌa ba ndatinꞌin ndo tsango Jian ko Nduaxin, ixi jeꞌe ndo jian nchéña ndo ijie̱ ngajin chujni ko te̱ꞌto̱ ndo ngajin ti ñaꞌi.

Apocalipsis 4:1

Tjumeꞌe janꞌan bikon jixrangeꞌe naa nta̱chja jii ngajní. Ko ti sen nichja kui̱nꞌa̱n saꞌó, nichja sen séen xranchi naa itjao, ndo meꞌe nichjaꞌna ndo íjngo, ko jaꞌin ndachijina ndo: ―Tajian ntiꞌi ixi tsjakoꞌa kain ngeꞌe tsonꞌen ícha tjumeꞌe.

Apocalipsis 4:5

*Ko trono tikinixinꞌen ndo Dio tinꞌenni nichja sen, ko tjateé ko tóngíxin. Ko ngajinxin trono kaxon jiche ya̱a̱to̱ xroꞌi ko meꞌe ti ya̱a̱to̱ Espíritue ndo Dio.

Apocalipsis 7:15

Méxin jai ste sen tjenka trono neꞌe ndo Dio, ko tiie, nchakon stencheꞌe sen ixra̱ ngaxinꞌin ningue ndo ko jeꞌe ndo tayakonꞌen ndo sen ko xroꞌan ngeꞌe tsintekonꞌen sen.

Apocalipsis 8:5

*Ko ndo ángel kua ndo iꞌnti, ꞌnti meꞌe juinchekaon ndo ixi xruitja jii ngataꞌa altar ko juanka ndo iꞌnti meꞌe ngataꞌa nunte xasintajni. Meꞌe kuinꞌenni juatee ko kongíxin ko tsango kontengí nunte.

Apocalipsis 8:7

Ko ndo ángel saꞌó kuanoa ndo itjao chónda ndo ko kuaxi kuania ngataꞌa nunte xasintajni tuni ko xroꞌi tsikintekjanxin ijni̱. Ko iche ti nínxin parte nunte ko nta̱a̱ ko iche kain kayua.