Apocalipsis 10:11 - El Nuevo Testamento

¹¹ Ko tuinxin kuituanna: ―Xrokonda xrochrjaꞌngana íjngo ngeꞌe tsonꞌen, ti ngeꞌe sincheꞌe ndo Dio ngajin kain tjajna, kain chujni, kain ngigua ko kain xi tetuanꞌan.

Apocalipsis 10:11 Iomraidhean Croise

Apocalipsis 10:10

Janꞌan itsé xroon nchíín jii ngaya itja ndo ángel ko juiné xron, ko nduaxin ngaya roꞌa xeꞌe xranchi tsjeen kunoa ko ngaya tseꞌe kontsjá.

Apocalipsis 11:1

Tjumeꞌe kuayáꞌa̱ naa nta̱a̱ tjatichuaxinni ko kuituanna: ―Itjia ko tjatichuꞌa ningue ndo Dio ko altar neꞌe ndo ko tsjeꞌe ngijanꞌin sen ste ntiꞌa, sen stetajon sen juasie sen ngajin ndo.

Apocalipsis 11:9

Ko níi nchakon ko tuꞌo, kain ni tsi̱xi̱n jée tjajna, ni nichja jée ngigua ko nación tsikonna sen tsikenꞌen sen jitsinga sen ko tsintueꞌa na̱ sen xroxrabaa sen.

Apocalipsis 14:6

Tjumeꞌe bikon inaa ndo ángel jitjanga ngusine ngajní jichrónga ndo chijni jian, chijni naiꞌa tsjexin, ti tsinꞌen kain ni nunte xasintajni ko tsinꞌen kain nación, kain chujni, kain ngigua ko kain tjajna.

Apocalipsis 17:10

Ko kaxon ti ya̱a̱to̱ jaa ba xrondachro ya̱a̱to̱ xi rey, ko naꞌó xi rey meꞌe ndakuenꞌen xa ko naa xi rey xrajitetuaꞌan xa ko í naa xi rey xratiꞌa xa. Ko nchakon tsi̱i̱ xi rey meꞌe, tsjéꞌa nchakon tsetuanꞌan xa.

Apocalipsis 17:12

’Ko ti ite nteꞌe ba bikuan meꞌe ite xi rey xratiꞌa nchakon tsinteketuanꞌan xa. Ko tjumeꞌe tsintekayéꞌe xa juachaxin, xranchi naa hora tsetuanꞌan xa ko kaxon tsetuanꞌan iku tsango chjinga jii.

Apocalipsis 17:15

Kaxon ndachijina ndo ángel: ―Ndachaon bikuan, nda jitaꞌa nchri chónda itsjé xi, meꞌe xrondachro kueya tjajna, kueya chujni, kueya nación ko kueya ngigua.

Apocalipsis 5:9

Ko sen noó jichón ko sen ikán no sen tachríi itsje̱ sen naa soon natjúá: Jeꞌo jaꞌanta tikinixinꞌannta tsayeꞌenta xroon ko tsintjiannta ti sello chónda libro; ixi jaꞌanta naakóñaxónnta na̱ ko jníanta kuenaxinnta chujni ste kain tjajna, sen nichja kain ngigua, tjajna nchínchín ko tjajna ndua ixi xrokuayéꞌe ndo Dio sen.