1 Juan 4:9 - El Nuevo Testamento

⁹ Ndo Dio jaꞌin juakoxin ndo ixi tjuai̱na ndo, méxin xruanꞌan ndo Chjenꞌen ndo, xjan naakuaxon, kui̱i̱ xjan ntiꞌi nunte xasintajni ixi jeꞌe xjan tsajon xjan juachaxin tsechónna kain nchakon.

1 Juan 4:9 Iomraidhean Croise

Marcos 12:6

’Ko xi nunteꞌe chónda xa naakua chjenꞌen xa, tsango tjueꞌe xa xjan. Ko xruanꞌan xa chjenꞌen xa ikjui xjan kuitsjeꞌe xjan nunte ixi xraxaon xa: “Chjanꞌna, jaán ícha tsitikaon na̱ xjan.”

San Lucas 4:18

Espíritue ndo Dio jii ngataꞌana, ko kuayáꞌa̱ juachaxin xronichja chijnie ndo tsayéꞌe ni nóa. Xruanꞌanna ndo ixi sintaxruanꞌan ni tangi ste, ko tsantsje jíee ni stejeꞌe̱, ko sintaxruanꞌan ni tikonꞌa; ko tsingijna ni stechrua,

San Juan 10:10

’Ko xicheꞌe jeꞌo ti̱i̱ xa ixi tjaun xa tse̱e̱ xa, ko tsóña xa, ko nchetjáñajin xa kain ngeꞌe. Ko janꞌan juiꞌi ixi tsaricho̱nnta kain nchakon ko xroꞌan ngeꞌe tsitjáñaꞌanta.

San Juan 14:6

Ko ndachro ndo Jesús: ―Janꞌan chaꞌo ko janꞌan chijni nduaxin ko janꞌan tsajon juachaxin stechón chujni. Xroꞌan ngisen itji ti jii Ndotána siá tsjixinꞌa sen ixi janꞌan.

San Juan 3:16

’Ndotáina Dio tsango tjueꞌe ndo kain chujni jii ngataꞌa nunte xasintajni, méxin xruanꞌan ndo chjenꞌen ndo, xjan naakuaxon, ixi kain sen tsitikaon xjan tsitjáñaꞌi aséen sen ko jeꞌe sen tsechón sen kain nchakon.

San Juan 3:18

Ngisen tsitikaon chjenꞌen ndo Dio tsjankataꞌi ndo sen ijie̱. Ko ni tsitikaonꞌa, ó juankataꞌa ndo ijie̱ ngajin na̱ ixi kuitikaonꞌa na̱ chjenꞌen ndo Dio, xjan naakuaxon.

San Juan 5:23

ixi kain na̱ tsajon na̱ juasaya ngajin chjenꞌen ndo xranchi juasaya tayéꞌe Ndotána. Ngisen tajonꞌa juasaya ngajin chjenꞌen ndo kaxon tajonꞌa sen juasaya ngajin Ndotée ndo, ndo xruanꞌan ndo Cristo.

San Juan 6:29

Ko juateꞌe ndo Jesús, ndachro ndo: ―Ndo Dio tjaun ndo ixi tsitikaonnta ngisen tsixruaꞌan ndo.

San Juan 6:51

Janꞌan nutja jichón xingajinxin ngajní. Ko sen sine nutja, tsechón sen kain nchakon. Nutja tsajon janꞌan ntauꞌna meꞌe, ko janꞌan tsajon nutja meꞌe ixi chujni nunte xasintajni xrochónda sen juachaxin tsechón sen kain nchakon.

San Juan 6:57

Ndotána tsixruanꞌanna ndo janꞌan, ndo meꞌe jichón ndo, ko janꞌan richónxin ixi jeꞌe ndo. Ko sen sine ntauꞌna, sen meꞌe tsechónxin sen ixi janꞌan.

San Juan 8:29

Ixi ndo xruanꞌanna juiꞌi, ndo meꞌe jii ndo ngajin janꞌan. Ndotána kuintunaꞌina ndo janꞌon ixi kain nchakon titikaꞌon ngeꞌe tjaun ndo.

San Juan 8:42

Ko ndache ndo Jesús na̱: ―Siá nduaxin ndo Dio Ndotáanta meꞌe xrotjauntana ixi janꞌan kaxon kuachrjexin ti jii ndo ko ntiꞌi ritjén. Jeꞌa janꞌon juiꞌi. Naꞌi. Ndo Dio xruanꞌanna.

San Juan 9:3

Ko juateꞌe ndo Jesús, ndachro ndo: ―Jiꞌi jeꞌa jíee xa ko jeꞌa jíee ndotée ko janée xa. Jaña tsikonꞌen xa ixi ndo Dio tsjako juachaxien ndo.

Romanos 8:32

Siá ndo Dio kuajon ndo chjenꞌen ndo, xjan naakuaxon, kuenxin xjan ixi kainna, jaña kaxon xrochjai̱na ndo kain ngeꞌe.

Hebreos 1:5

Méxin, ndo Dio ndacheꞌa ndo ninaa sen ángel: Jaꞌa Chjanꞌna, ko janꞌan ndachrja̱n ixi janꞌan Ndotáa. Ko kaxon ndachro ndo: Janꞌan xrokjanna Ndotáa, ko jaꞌa chjanꞌna.

1 Juan 3:16

Ó noi̱na ngeꞌe xrondachro ti xrotjueꞌe kichuuni, ixi Ncháina Jesucristo kuenꞌen ndo ixi jai̱na; ko jaña kaxon xrokonda sintuꞌu jai̱na, tsenꞌenna ixi sen kichuuna.

1 Juan 4:10

Ko ti tjuai̱na ndo Dio xrondachro ixi jeꞌa jai̱na tjueꞌena ndo Dio; jeꞌe ndo ícha saꞌó tjuai̱na ndo, méxin xruanꞌan ndo Chjenꞌen ndo kuenxin xjan ixi jai̱na ko jaña kuantsje xjan ijie̱ chondana.

1 Juan 4:16

Ko jaña noi̱na ko titikaꞌonna ixi ndo Dio tjuai̱na ndo. Ko jeꞌe ndo tsango tjueꞌe ndo chujni, ko ngisen tjueꞌe ndo Dio ko tjueꞌe sen kichuu sen, sen meꞌe stenii sen ngajin ndo Dio ko ndo Dio jii ndo ngajin jeꞌe sen.

1 Juan 5:11

*Ko jiꞌi ti ndachro ndo Dio ixi chjai̱na ndo juachaxin tsechónna kain nchakon, ko juachaxin meꞌe jeꞌe Chjenꞌen ndo.

1 Juan 5:13

Janꞌan kjinꞌannta jiꞌi ixi jaꞌanta ó titikaonnta Chjenꞌen ndo Dio, ixi jaña tsonoꞌanta chondanta juachaxin tsaricho̱nnta kain nchakon.