1 Juan 4:18 - El Nuevo Testamento

¹⁸ Ngisen tachrjexin ñao tjueꞌe ndo Dio, sen meꞌe xrakonꞌa sen ixi jian tjueꞌe sen ndo Dio, meꞌe satji kain juaxrakon ixi ti nchexronkani meꞌe jitikaꞌo ijie̱, ixi sen xrakon xrachuxinꞌa sen ti jian tjueꞌeni ndo Dio.

1 Juan 4:18 Iomraidhean Croise

Mateo 9:34

*Ko ni fariseo stendachro na̱: ―Xi jiꞌi tantsje xa espíritue Xixronꞌanxrée ixi Xixronꞌanxrée tsikajon xa juachaxin ngajin xi jiꞌin.

Romanos 8:15

*Ixi Espíritue ndo Dio kuayeꞌenta, jeꞌa xranchi ti ngeꞌe ñaꞌi baketuanꞌanta ó saꞌó ko bantaxronkanta. Naꞌi. Espíritue ndo Dio chondana meꞌe juinchekjanna chjenꞌen ndo. Ko Espíritue ndo tajon juachaxin xrondachrona: “Ndotána, jaꞌanta.”

2 Timoteo 1:7

Ndo Dio kuajonꞌa ndo Espíritue ndo ixi xroxronkana. Naꞌi. Kuajon ndo Espíritue ndo ixi xrochondana juachaxin ko xrotjueꞌena chujni ko jian xroxraxaonna.

Hebreos 12:28

Juasie ndo Dio ixi juachaxin chjai̱na ndo, juaꞌi tsontengi juachaxin meꞌe. Ko tsakexinna ntatuchiꞌinna ko xrokonda tsajonna juasaya ngajin ndo ko xrotjueꞌena ndo ngaya aséei̱na xranchi jeꞌe ndo ncheꞌe ndo juaxruxin,

Santiago 2:19

Jaꞌa titikáoan ixi jeꞌo naa ndo Dio jii ko jaña jian xraxaoan, ko kaxon espíritue Xixronꞌanxrée jaña titikaon ko xranga ixi xronka.

1 Juan 4:12

*Xroꞌan chujni bikon ndo Dio. Méxin, siá xrotjueꞌena ni kichuuna, meꞌe ndo Dio jii ndo ngaya aséei̱na, ko meꞌe nduaxin ícha xrotjueꞌeni ni kichuuni ngujngu nchakon.