Rom 10:1 - Yesu Kerisoné So Whi̧ Tao Sere Kisi Fo Wisi

¹ No nerape-ó, Israel fake so whi̧ aluyao̧sóró ya̧lo hosaamó suraalu, Kótóné tao só̧póló momarótu beterapó.

Rom 10:1 Iomraidhean Croise

Luk 13:34

Jerusalem, bemó betó molȩ so whirape-o, Kótóné ama fo eratere ko̧ló whi̧rape dóo, mepaae ama dia̧ beterepaae dotȩyale whi̧rapekélé kapo duné siróló dóo, dua yalepó. Kale bané malerape ama baase ao̧paae buósu dere kaae, diaao̧ naale senaale ya̧lo atéró buó saalopóló dua yalemó, dia̧né hó̧ralepó.

Jon 5:34

Ti mo whi̧né a̧ etei kaae whi̧pó dere fo mo dapóló, ya̧lo wosaai kisipa munipó. Atépatei, Jon-né yale ala ya̧lo dia̧paae i dere beteta, so whi̧ fea aluyao̧sóró, Kótóné tao só̧póló dapó.

Rom 10:2

Ti noatepae, atima Kótóné ala eraai ketekȩ boletei ya̧lo kelené diriyóló kolóló mo kisiparapó. Tépatei, ai bole ketekȩta, ama fo bete wosóló diriyóló tuȩ́ iru meitei ha̧le du beterapó.

Rom 9:33

Ti atima ai ere alata, i asȩmó mole fo kaaetóró erapó. “Kotóo sóró dée nalatere kane fake Saion haemó ya̧lotei i mulatapa kelae. Ai kane fakemó so whi̧ kotóo sóró dée nukua yaalopó. Mepaae so whi̧ dené ai sekȩ́paae kisipa tiki tiratepa, ti atétere so whi̧ hale dere alakélé mo yaalomeipó,” erapó.