Matyu 9:3 - Yesu Kerisoné So Whi̧ Tao Sere Kisi Fo Wisi

³ Ai fo depa, mepaae Moses-né ere fo yó mótu betere whi̧rape atima kisipanétei duraalu, “I whi̧né a̧ Kótó kaae beterapóló du betere foné, Kótóné doi doróló faletu beterapó,” yalepó.

Matyu 9:3 Iomraidhean Croise

Matyu 26:65

Ai fo depa, so whi̧mó Talepaae momaratere doasi topo whi̧né ama deró betere kuti bisa̧ayóló duraalu, “Kótó faleyóló doka doka ai du betere ape. Ti ama ha̧sókó fole ala depa kelalepó yaaire meipapakó keka̧aloé? Ti Kótó faleyóló doka doka dere fota, amatei depa dia̧ feané ai wosale ape.

Matyu 7:29

Ti noatepa meipó. Ama atéró yó mótu betale fota, Moses-né yóló muló betere fo yó matere whi̧rapené dere kaae yó meni, me doasi tȩteróló kaae tare whi̧né sóró beteratepa yó matere fo kaae, mo bete tokó̧ló yó matapó du betalepó.

Mark 3:28

Ya̧lo dia̧paae mo i dere ape. Kae kae dowi alaró Kótó faletere fotamota, ti Kótóné mo su̧mó tokó̧ló aluraalopó.

Mark 3:29

Téyaalotei, mepaae whi̧né kale Dȩi Kepe Wisi faletepa, atétere so whi̧né dowi ala kwia mo alukélé eraalomeipó. Ai dowi ala kwia, mo ha̧le muó tawaalo ai ape,” yalepó.

Mark 7:21

Ti whi̧né hosaa tua̧mó kaayóló wale alarape i ape. Dei tuȩ́ mutere alakélé, ao̧ni kae kae ho̧ko nópu nokole alakélé, mené o̧la o̧lémi sere alakélé, whi̧ dele alakélé, nópu nokole alakélé, fea o̧lamó ekȩle dere alakélé, me whi̧tamo dei tuȩ́ mutere alakélé, kapala dilikitere alakélé, mo enénire dowi alakélé, mené o̧la senée yóló dei tuȩ́ mutere alakélé, me whi̧ eratere fokélé, sekȩ́ whi̧póló bopé faketere alakélé, wisi tuȩ́ muniru, sonaalei ho̧ko du betere dowi alakélé, ai dosa̧ayale alarape fea whi̧ tua̧mó kaayóló wouraalu, whi̧ dorótua dapó,” yalepó.

Luk 5:21

Yesuné ai fo depa, Farisi whi̧raperó Moses-né asȩre fo yó matere whi̧rapetamo atimasisi fo yaai tuȩ́ teketu betalepó. “Ti whi̧né a̧ta, Kótó kaaepó du betere foné Kótó faletu beterapó. Mo whi̧ beta̧nékélé dowi alamó melaaire kwia kemeranénitei, Kótóné beta̧ su̧mó enérapó,” du betalepó.