Matyu 2:6 - Yesu Kerisoné So Whi̧ Tao Sere Kisi Fo Wisi

⁶ “Juda haemó tȩne Betelehem be huluamó betó mole so whi̧ diaao̧ kisipané-a, Juda fake so whi̧ tȩteróló kaae tare topo whi̧rape kuamó, da̧kó doi munipó fo du bitu de? Meipó. Kótóné so whi̧ tȩteróló kaae tawaaire topo whi̧ beta̧ dia̧ tua̧mótei, sókó waalo ai ape. Ai sekȩ́né amata, sipsip hupurape tȩteróló kaae taru dere kaae, ya̧lo Israel fake so whi̧ tȩteróló kaae tawaalopó erapó,” yalepó.

Matyu 2:6 Iomraidhean Croise

Matyu 2:1

Judia hae kwiamó tȩne Betelehem be huluamó, Yesu deyale ki̧lipaae etéyalepó. Jerusalem bemó Herot a̧ doasi topo whi̧ betale sukamó, kale ho̧rené dere ala bete kisipare whi̧rape atima suka hotereró wóló, ai be huluamó betó mole so whi̧paae woseturaalu, “Kale Juda fake so whi̧ tȩteróló kaae tawaaire topo whi̧-a, momó deyóló betere? Ti noatepae, da̧ suka hotereró bitu, a̧ deyóló beteretei kisipa yó̧póló, ó sa̧mó daale ho̧re dȩ yó tapa kolóló, a̧ ao̧mó bitu ama doi hale sóró horaai da̧ i wale ape,” yalepó.

Matyu 28:18

Tétepa, Yesu a̧ atima betere felekepaae fóló duraalu, “Ó hepen bemókélé i haemókélé ere ala fea ya̧lo tȩteróló kaae tanó̧póló, Kótóné ȩ sóró beteró beterapó. Térapa, dia̧ i hae kwiamó betóló fale so whi̧ beterepaae fóló, atimakélé ya̧lo yó matepa wosetere so whi̧ beteró̧póló, yó maté kwȩyae. Atéturaalu Alima, Naalema, Dȩi Kepe Wisi, da̧né beta̧ doimó wȩi tópurótua yae.

Jon 21:16

Yesuné kale fo kaae momó duraalu, “Jon-né naalema Saimon-ó, naao ȩpaae mo yaala sókó fule?” depa, ama duraalu, “Tale-ó, ȩ́pó. Ya̧lo ya̧paae yaala sókó fole ala naao ai tuȩ́re ape,” yalepó. Tétepa, Yesuné a̧paae duraalu, “Ya̧lo sipsip hupurape naao mo wisiyóló kaae tawae,” yalepó.

Jon 7:42

“So whi̧ tȩteróló kaae tare whi̧ Keriso a̧ta, Take Depit-né ama turuku be Betelehem-mó ama deté fele naale tua̧mó sókó waalopóló asȩmó inié?” yalepó.

Efesus 1:22

Fea ala feata, Kótóné Yesu Kerisoné tȩteróló kaae tare ao̧mó beteró̧póló eróo, ama so whi̧ró atima tao sóró eratere alatamo fea amatóró tȩteróló kaae tanó̧póló topo whi̧ sóró beteróo yalepó.

Kolosi 1:18

Yesu Keriso a̧ topo bitu, da̧ Keriso fake so whi̧ ama tikitóró betepa, ama tȩteróló kaae tarapó. Ti folosóró a̧ sukó̧ló momó kepaareteiné da̧kélé a̧ yale kaaetóró yaalo ai ape. Atéreteiné mió a̧ fea ala fea tȩteróló folosóró fale topo whi̧ beterapó.

Hibru 7:14

Da̧ tȩteróló kaae tare whi̧ Yesu a̧ Juda fakené dealepóló, so whi̧ feané kisiparapó. Ti beta̧ Juda fake whi̧kó so whi̧mó momaratere topo whi̧ betaalopóló Moses-né asȩmó inipó.

Ha̧kearaletei 11:15

Téró, kale wȩike ensel-né ama ukulumó wuti haleralemó, ó hepen bemó atimané doasi fo fakeyóló duraalu, “Take i hae mené tȩteróló kaae taretei, fasó sóró mió da̧ tȩteróló kaae tare Taleró ama so whi̧ tȩteróló kaae tare whi̧ Kerisotamoné tȩteróló kaae tarapó. Ai sekȩ́né ama kaae tare ala kemeni, ha̧le yó tawaalopó,” yalepó.

Ha̧kearaletei 2:27

Asȩmó ere fo i ape. ‘Topo whi̧né tatere aiyon kapa-né aleale dotótiki taru, haené aleale wuti dera̧ketu dere kaae, ya̧lo bóe whi̧rape ai ala yaalopó,’ erapó. Ya̧lo Ayané ȩ so whi̧ tȩteróló kaae tanó̧póló sóró beterótu yale kaae, ya̧lokélé dia̧ sóró beteraalo ai ape.

Ha̧kearaletei 7:17

Ti noatepae, tȩteróló kaae tare doasi betere tua̧mó daale Sipsip hupu maleta, hupu kaae tare whi̧né dere kaae, atima mo wisi yóló kaae tarapó. Atima dape sóró mo ti betere bete tua̧mó wó tare wȩi nó̧póló a̧lisóró faalo ai ape. Atéró betepa, Kótóné atima kelemó dorowou betere wole kaape fea helekó̧ló kópuraalopó,’” yalepó.