Jems 5:8 - Yesu Kerisoné So Whi̧ Tao Sere Kisi Fo Wisi

⁸ Atétu dere kaae, Tale mo felekemó waalopa, dia̧kélé mo hotowayóló kaae taruraalu diriyóló betae.

Jems 5:8 Iomraidhean Croise

Luk 21:19

Dia̧ mo ti betaaire bete saairaalu, mo diriyóló betae.

Jon 21:22

Tétepa Yesuné duraalu, “Ya̧lo kisipané ai whi̧ a̧tamo bitiré fóló, ȩ momó fesaae wale sukamó sókó fó̧póló depa, aita naao yaaire ala meipa, ya̧ ȩ sya wale ala beta̧ yae,” yalepó.

Rom 8:25

Tépatei, mepaae ala mió da̧né sóró tani, take nalo saalopóló kisipa mutu, kaae taté fu betere ala hó̧ni, ha̧le bitiré fu betaalopó.

Kalesia 5:22

Tépatei, niné du wisi oletu dere kaae, Dȩi Kepe Wisi so whi̧ tua̧mó bitu, i alarape erótu betepa kelaalo ai ape. Ne nopaae yaala sókó fole alakélé, hosaa tua̧mó hai̧tu betere alakélé, hosaa muni deyóló mo dua betere alakélé, mené sekȩi ala eratepatei me o̧la meipóló, Kótóné ama kisipa mole ala eró̧póló, kaae tawóló dua betere alakélé, wisi kisipa muóló ko̧lené sukutere alakélé, mepaae so whi̧paae wisi ala eratereteikélé, mepaae whi̧né ama eraalopó dere ala ha̧sókó feni, motóró eratereteikélé, naameyóló mo dua betere alakélé, whi̧né tó tikiné enée dere ala yao̧sóró amatei a̧ tȩteróló kaae tareteikélé, i dosa̧ayale alarape mo beta̧kókélé Kótóné ama tukóló muló betere foné yao̧se yóló fo muló bitinipó.

Filipai 4:5

Tale felekemó ai beterapa, so whi̧ feapaae diaao̧ mo dua naameyóló du betere ala erótu betae.

1 Tesalonaika 1:10

Atéru, ama kepaaróló hepen-mó beteró betere Naale wó̧póló kaae tawóló beterapó dere fokélé so whi̧ feané wosalepó. Ti ai sekȩ́ A̧ta, Kótóné fopaae buturaalu kwia melaaire ala da̧paae erao̧sóró, tao su betere whi̧ Yesupó.

1 Tesalonaika 2:19

Ti noatepae, take waaire alimó wisi ala kelaai dapóló hai̧né sukutere beteta, me o̧la kae mei, dia̧tórótipó. Tale Yesu a̧ waaire sukamó da̧ fea a̧tamo beta̧mó betó muluraalu, noa ala epa kilitu da̧ hai̧né sukó̧ló bopé fake yaaloé? Ti atéró hai̧né sukó̧ló bopé fake yaaitere alata, dia̧tóró kilitu, doasi doi sóró hai̧né suka̧alopó. Atéró, mepaae o̧la wisi saairaalu whi̧ fea sururu yóló foletei, beta̧ folosóró sókó fole whi̧né topo tao sóró hȩkesené sinitu bopé faketu dere kaae, da̧nékélé dia̧ kilitu atei kaae ala yóló, mo kée yaalo ai ape.

1 Tesalonaika 3:13

Tale Yesuró ama kae beteró betere whi̧rapetamo wale sukamó, da̧né Aya Kótóné keletómó me ala munipa kilitu, mo ama kae betere so whi̧póló, Kótóné amatei diaao̧ hosaa diriró̧póló yae.

2 Tesalonaika 3:5

Diaao̧ hosaa ó kisipa kae alapaae muao̧sóró, Kótóné ama yaala sókó fóló mole tua̧mótóró muluraalu, Yesu Kerisopaae wou betale sekȩi ala ama beleté fu betale kaae, diaao̧kélé ai alatóró deté fu betepa, Talenétei bete mole ala i ape yóló, yó mótu beteró̧póló yae.

Jems 5:3

Dia̧né tare, kold kaparó silpa kapatamokélé hoti dakóló ai do yale ape. Take taletere sukamó kale hotinétei dia̧ só deróturaalu, diaao̧ tiki mi mo siné kaae dukulé fu beteró kemeraalopó. Até yaaireteita, diaao̧ wisi wisi néli o̧larape ukusituraalu, beta̧paae yóló muté hutu betaleteinépó. Atéyaaire be dȩ teópatei, mió kaae sóró sekȩ ai su betere ape.

Jems 5:9

Norape-ó, diaao̧ mepaaené dere fo wosetere hó̧turaalu, no hamoma dokó dokó yao̧se. Diaao̧tamo ai ala depa, ti fo tokó̧tamo yóló dia̧kélé só deraalo ai ape. Atéró tale dere sekȩ́, ti mo felekemó sókó waai tu̧ serekemó ai daale ape.

1 Pita 4:7

Mió i haemó mole alarape fea kemetere be dȩ felekemó sókó waai dapó. Térapa, Talepaae momatere ala mo wisiyóló yaasepóló diaao̧ kisipa mo diriyóló bitu, tó tikiné yaaitere ala yao̧sóró mo hotowaró tȩteróló kaae tawae.

Ha̧kearaletei 22:20

I kale asȩyóló muló betere alarape kelale whi̧né duraalu, “Mopó. Ȩ felekemó walapó,” fo dapó. Tétepa duraalu, “Mo kée Téyó̧póló yae. Tale Yesu-ó, ya̧ ape,” dapó.