Jems 4:7 - Yesu Kerisoné So Whi̧ Tao Sere Kisi Fo Wisi

⁷ Kótóné ama dia̧paae eraai kisipa mutere ala eró̧póló, ama tȩteróló betere ao̧mó sukó̧ló mo dua betae. Dowi ala yó̧póló dée nalatere topo daale kepené dia̧ dée nó̧póló su̧ sere ala ai du beterapa, sesétu betae. Atétepata, ti dia̧ taaróló a̧ botokó faalo ai ape.

Jems 4:7 Iomraidhean Croise

Matyu 11:29

Ya̧lo hu̧lumó belere ni fake beleyóló, da̧mo wusóró furaalu, ya̧lo dere ala kolóló kisipa sae. Ti noatepae, ya̧lo hosaa tua̧mó mole naamei ala wisi diaao̧ kisipa yaasepóló, yó melaalopa, ape. Até depata, ti diaao̧ hosaa muni deyóló mo dua betaalopó.

Aposel 26:19

Térapa, Kin Agripa-ó, i dere forape feata, ya̧lo ó hepen bemó noke naró dere kaaené depa kelale ala taaréni, ha̧le tuȩ́ yó tareteiné ya̧lo i fo tukóló me ala enénipó.

Aposel 9:6

“Térapa, ya̧ turukó holóló Damaskus be huluapaae fae. Aimó betepa, ti whi̧ mené naao yaaire ala ya̧paae yó melaalopa, ama dere fo naao sya fóló yae,” yalepó.

Rom 10:3

Ti noatepae, Kótóné ha̧le matere donoi ala atima tuȩ́niru, atima dere wisi alamó Kótóné mo donoi so whi̧pó yó̧póló kisipa mutu, wóputu betalepó. Téturaalu, Kótóné donoi so whi̧póló beterótu betere ao̧mó sukó̧ló bitini, dowa̧ae fu betalepó.

Rom 14:11

I fo asȩyóló muló beterapó. “Ȩta mo Tale bitu, ya̧lo i dere fo ha̧sókó feni, mo yaaitere fotóró dia̧paae dapa wosae. So whi̧ mo fea ȩ beterepaae wóló bukutiri tea̧ró bitu, ya̧ta etei kaae Tale beterapó fo mo yaalo ai ape,” erapó.

Efesus 4:27

Téturaalu, diaao̧ betere ala tua̧paae Satan-né ama tuȩ́ mole ala erao̧sóró tȩ mulao̧se.

Efesus 5:21

Ti Yesu Keriso a̧ta, doasi doi mole whi̧ beterapóló wituraalu, dia̧sisi me whi̧ ao̧mó bitu dere fo u wosetu i wosetu du betae.

Efesus 6:13

Térapa, bóe whi̧né dowi ala eraaire be dȩ wapa, dia̧ daale tiki taaróló botokó feni, bóe whi̧né ya̧le dia̧ tikimó sene wao̧sóró sesé yaaire o̧la o̧la fea, Kótóné dia̧mó melaletei deróló betae. Atéru, bóe whi̧ wó̧póló siki siki yóló, kaae tawóló daayae.

Hibru 12:9

Ai fotamo olekeyóló me dere fo i ape. Da̧ fea kó̧paae fole sukamókélé, mo ha̧le betere sukamókélé, sekȩi ala beleyó̧póló fotoko̧ bulóturaalu, i haemó betere ayarapené da̧ donoróló supurótua deretei kisipa muae. Atétere alata, atimané mo dono dapóló kisipa mualepó. Ai ala mo ti bosenóló, da̧né kepe tȩteróló kaae tare Ayané da̧ donoróturaalu dóló supuratepa, ti ama eró̧póló a̧ ao̧mó sukó̧ló betenérapó.

1 Pita 2:13

Ti Tale a̧ta, fea ala amatóró tȩteró beterapa, dia̧ ama doi sóró horaai, i haemó mepaae kae kae ala tȩteróló kaae tanó̧póló sóró beteró betere whi̧rape ao̧mó betó muae. Téru, tȩteróló kaae tare topo whi̧ ao̧mókélé betóo, ai sekȩ́né dotonatere mepaae ala tȩteróló kaae tare whi̧rape ao̧mókélé betóo, yae. Ti ai whi̧rapeta, dowi ala du betere so whi̧mó dowi kwia melóo, wisi ala du betere so whi̧ ti dukiróo yó̧póló, sóró beteró beterapó.

1 Pita 5:6

Térapa, Kótóné ama kisipa mole sukamó dia̧ tao sóró dukiró̧póló, ama fotoko̧né tȩteróló betere ao̧mó naameyóló mo dua betae.