Jems 2:23 - Yesu Kerisoné So Whi̧ Tao Sere Kisi Fo Wisi

²³ Até yaleteita, asȩmó yóló muló betere fo mo dokonóturaalu erapó. Abraham-né Kótóné dere fo wosóló tuȩ́ tiki tiró betepa, Kótóné kolóló i whi̧ta, mo donoi whi̧pó, fo yóló mulalepó. A̧ atéró betere ala kilituraalu, i whi̧ta Kótóné mo ama hosaa mole fulumu whi̧ ai betere ape dua yalepó.

Jems 2:23 Iomraidhean Croise

Mark 12:10

Ti i asȩyóló muló betere fo diaao̧ dosa̧ayóló tuȩ́ munié? ‘Kale be tȩtere whi̧rapené dopa taae farale kapo faketei, doasi be hulua deyaaire eleké wisinaale alée felepó.

Mark 15:27

Atéró, o̧lémi nuku betale whi̧ tamo me whi̧ Yesuné fȩ́ naase dȩró oleróo, me whi̧ turu naase dȩró oleróo, yalepó.

Luk 4:21

Téró, ama atimapaae momó duraalu, “Mió diaao̧ wosale asȩmó yóló muló betere fota, motóró dokonalepó,” yalepó.

Rom 11:2

Atima teó deyaaipatei, mo taketi Kótóné ama kisipa yale so whi̧ hó̧róló mo ti taarénipó. Ti Elaijané yale ala asȩmó moletei kisipa muae. Kótóné Israel fake só deróló kwia meló̧póló kisipa mutu, Elaijané i fo erapó.

Rom 9:17

Kale asȩyóló mole Kótóné fo tua̧mó topo whi̧ Feropaae i fo erapó. “Naao du betere ala tua̧mó ya̧lo bole fotoko̧ ha̧kearatepa, i hae kwiamó betó mole so whi̧ feané kolóló, ya̧lo doi sóró horó̧póló, Isip hae naao tȩteróló kaae tawae yóló ya̧ topo whi̧ sóró beteró beterapó,” erapó.

Kalesia 3:22

Téua̧tei, Kótóné buk-mó asȩyóló muló betere foné i fo erapó. I haemó betóló fale so whi̧ mo fea dowi alané dokóló, dipula bemó kaae beteró beterepó. Aita, ha̧le mei, Kótóné ama so whi̧paae eraalopó yale ala mo dokonóturaalu, Yesu Kerisopaae kisipa tiró betere so whi̧paae meló̧póló erapó.

Kalesia 3:6

Kale whi̧ Abraham-paae erale ala mo wisiyóló kisipa muae. I fo asȩyóló muló beterapó. “Kótóné a̧paae yale fo mo eraalopóló kisipa tiki tirale ala kolóló, i whi̧ta me dowi ala ini, mo donoi whi̧pó,” erapó.

2 Timoti 3:16

Kótóné asȩmó yóló muló betere fo feata, ama bole fomo sókó faraleteiné eró beterapó. Ti aita noa ala yó̧póló meipó. Kótóné ala eratere whi̧né kae kae wisi ala erótu beteró̧póló kisipa mutu, yóló muló beterapó.

Jems 2:24

Ti ai yale ala tuȩ́ muae. Kótóné mepaae whi̧né tuȩ́ tiki tiró betere alamaaté kolóló, i whi̧ta mo donoyóló fole whi̧pó fo dumi, kale whi̧né dere alakélé kolóló i whi̧ta, mo donoyóló fole whi̧pó du beterapó.

1 Pita 2:6

Ti noatepae, asȩ tua̧mó Talené i fo dapó. “Ȩ betere be hulua Saion-mó be tȩyaai fótukuróló kane fake wisinaale ya̧lotei fopeyóló sókó sóró i mulatapa kelae. Mepaae so whi̧ detamo a̧paae tuȩ́ tiki tiró betepa, ti ai so whi̧ hale dere alakélé mo yaalomeipó,” erapó.