Hibru 4:7 - Yesu Kerisoné So Whi̧ Tao Sere Kisi Fo Wisi

⁷ Atéró bitiré fóló, mepaae ba forape keme itikimó, ti Kótóné be dȩ kae da̧le mulóló, miópó doi mulóturaalu so whi̧paae i fo yae yóló, Depit-paae ipakalepó. “Mió ama fotamo wosetepa, ti diaao̧ hosaa ta̧yóló dowa̧ae fu betao̧sóró yae,” erapó.

Hibru 4:7 Iomraidhean Croise

Matyu 22:43

Ai fo depa, ama atimapaae duraalu, “Kale Dȩi Kepe Wisiné Depit fotoko̧ratepa, Depit-né a̧paae Tale-ó ere fo-a, me whi̧né ama deale naalené deté fele naalepaaetei Tale-ó fo dua de? Té dumitei, Dȩi Kepe Wisiné fotoko̧ratepa Depit-né a̧paae Tale-ó fo asȩyóló i muló betere ape. Ai fota i ape. ‘Talené ȩ tȩteróló kaae tare Talepaae duraalu, “Naao bóe whi̧rape atima ya̧lo teteirape aleróló, naao hó ao̧mó beteraalopa, ya̧ ya̧lo turu naase dȩmó bitu kaae tawae,” ’ erapó.

Mark 12:36

Mo take Dȩi Kepe Wisiné Depit a̧ fotoko̧ratepa, ama ha̧kearóló i fo ipakalepó. ‘Talené ȩ tȩteróló kaae tare Talepaae duraalu, “Naao bóe whi̧rape ya̧ ao̧mó beteró̧póló, ya̧lo dóló tȩteraalopa, ya̧ ya̧lo turu naase dȩmótóró betó tawae,” ’ erapó.

Luk 20:42

Ti ai fo bete Depit-né amatei, ha̧kearóló buk Sam-mó asȩyóló muló beterapó. ‘Talené ȩ tȩteróló kaae tare Talepaae duraalu, “Ya̧lo naao bóe whi̧rape tétei aleróló, naao hó ao̧mó beteraalopa, kaae tawóló ya̧lo turu naase dȩmó betae,” ’ erapó.

Aposel 2:29

Norape-ó, ya̧lo dia̧paae mo i dere ape. Da̧né ayarape deté wale whi̧ Depit sukutepa dourale douta, mió i be dȩmókélé ha̧le epa kilitu beterapó.

Aposel 2:31

Take waaire alimó yaaire ala Depit-né ama kolóló i fo asȩrapó. ‘Kótóné so whi̧ fea tȩteróló kaae tanó̧póló sóró beteraaire whi̧ Keriso doumó kȩlaa yó̧póló taaréni, kepaaró beterapó.’ erapó.

Aposel 28:25

Atéturaalu, atimasisitei kae kae kisipa muóló foné u só derótu i só derótu du betepa, Pol-né fo kemerótu i fo yalepó. “Dȩi Kepe Wisiné dia̧né ayarapepaae Kótóné ama fo wisi yó móturaalu, Kótóné ama ko̧ló whi̧ Aisaiané ko̧lómó mo fo erapó.

Hibru 3:15

Kótóné ai fo ereteiné da̧né u deté wale fo momó i dere ape. “Whi̧ bitini ha̧le kópu ka̧ae fi tikimó, diaao̧ noutererapené Kótóné dere fo woseni, hosaa ta̧yóló dowa̧ae fu betale kaae, mió dia̧kélé ama fo wosetepa, diaao̧ hosaa ta̧ yóló dowa̧ae fao̧sóró yae.”