Aposel 27:3 - Yesu Kerisoné So Whi̧ Tao Sere Kisi Fo Wisi

³ Da̧ atéró fóló wȩi tómó fiyóló hi̧ka Saidon bemó sókó felepó. Ai bemó nuku daaróló Julias tuȩ́ wisi muturaalu, Pol ama fulumu whi̧rape betere tikipaae a̧ ya̧ya̧re o̧lakó meló̧póló kwȩyae yóló dotonalepó.

Aposel 27:3 Iomraidhean Croise

Matyu 11:21

Atéró ama duraalu, “Korasin be huluaró Betsaida be hulua so whi̧rapetamo-ó, dia̧ tua̧paae mo dowi sekȩi ala waalo ai ape. Ya̧lo dia̧ tua̧paae erótua yale kelemei alarape kaaetamo, Tair be huluaró Saidon be huluatamomó erólua̧sóró, ti atimané dowi ala mo taketitei taaróló, tuȩ́ tiki feteyóló kili diyóló yei kutitamo bitua̧pó.

Aposel 12:20

Até du beteró, suka memó Herot a̧ Judia hae kwia taaróló Sesaria hae kwiapaae doropóló, aimó mepaae be dȩrape betalepó. Ti Kin Herot-né Tair be hulua so whi̧ró Saidon be hulua so whi̧tamopaae doakale fopaae bualepó. Atépa, atima touróló beta̧mó bituraalu, i fo du betalepó. “Doasi topo whi̧ kin-ó, da̧né ya̧tamo fo sawa yaai dapa, naao be dȩ mekó tukóló mulaaloé?” depa kale sekȩ́né duraalu, “Ti wisirapa téyaalopó” yalepó. Ti fo depa, kale so whi̧né kin-né kutó diratere whi̧kó beta̧ Blastas-paae woseturaalu, “Naao da̧ tao suraalu doasi whi̧ kin-tamo naamei fokó yaaloé?” depa kale sekȩ́né téyaalopó, yalepó. Atima atéró touróló beta̧mó bituraalu, kale doasi topo whi̧ kin-paae duraalu, “Doasi topo whi̧-ó, da̧tamo bóe dele ala taaróló dua wisiyóló betaalopó. Ti noatepae, kale kin-né tȩteróló kaae tare hae kwiamó nokole o̧la wó mupa, dupu du beteretei tikao̧sóró kisipa muturaalu,” ai fo du betalepó.

Aposel 24:23

Feliks-né beta̧ diki tare whi̧rape kaae tare whi̧paae duraalu, “Pol wisiyóló kaae tarutei a̧ bemó tu̧ kinóló beteréni ama fulumu whi̧rapené mepaae ya̧ ya̧re o̧la o̧lakó male wapa téyó̧póló yae,” yalepó.

Aposel 27:1

Atimané da̧ Itali hae kwiapaae wȩi nukumó fó̧póló, taleyóló tukóló muló betepa, Pol-tamo mepaae dipula whi̧rapekélé, diki tare whi̧rape kaae tare whi̧né naase tua̧mó mulóló dotȩyaai yalepó. Ai kaae tare whi̧ Julias-ta, Sisané ama kae beteró betere diki tare whi̧ doi mole fakekópó.

Aposel 27:43

Té yaai yaletei, atima kaae tare whi̧né Pol sinao̧sóró kisipa mutu, diki tare whi̧rapené yaai yale ala sesé yóló taalalepó. Atéró, kaae tare whi̧né duraalu, dia̧ mepaae wȩi a̧laae fole kisipare whi̧rapeta, ti wȩi a̧laae fae yalepó.

Aposel 28:16

Téró da̧ Rom bemó sókó fóló, Gavman whi̧né Pol a̧ ama wotoró kae bemó beteróló diki tare whi̧ beta̧ a̧ kaae tawóló beterepó.