Pangila 21:4 - Buku Tomoroli' Pojanci to Bo'u

⁴ Napori hawe'ea ue mata to mo'ili ngkai mata-ra. Uma-pi ria to mate, uma-pi ria to susa' nono ba to geo', uma-pi ria to peda'. Hawe'ea to ri'ulu toe, timpaliu-mi.”

Pangila 21:4 Iomraidhean Croise

Pangila 7:17

Apa' Ana' Bima to hi ncori Pohuraa Magau' toei mpo'ewu-ra. Natete'-ra hilou hi ulu ue to mpowai' katuwua'. Pai' Alata'ala mpopori hawe'ea ue mata to mo'ili ngkai mata-ra.”

1 Korintus 15:26

Jadi', ane napotuwu' nculii' hawe'ea topetuku'-na pai' uma-pi ria kamatea, ma'ala ta'uli' nadagi-mi bali'-na to ka'omea-na, toe-mi kamatea.

1 Yohanes 2:17

Hiaa' dunia' toi-e neo' mogero-mi, wae wo'o hawe'ea ihi'-na to tapokahina. Tapi' tauna to mpotuku' konoa Alata'ala bate tuwu' duu' kahae–hae-na.

Matius 24:35

Langi' pai' dunia' mogero mpai', tapi' lolita-ku bate–bate-na duu' kahae–hae-na.

Pangila 21:1

Oti toe kuhilo langi' to bo'u pai' dunia' to bo'u. Langi' pai' dunia' to lomo'-na timpaliu-mi, pai' tahi' uma-pi ria.

Pangila 20:14

Hawe'ea tauna to uma te'uki' hanga'-ra hi rala Buku Katuwua' toe ratadi hi rala tahi' apu. Oti toe, uma-pi ria kamatea, uma-pi ria po'ohaa' to mate, apa' hawe'ea tauna to uma te'uki' hanga'-ra hi rala Buku Katuwua' bate ratadi hi rala tahi' apu. Toe-mi to rahanga' kamatea karongkani-nae, huku' hi rala tahi' apu toe.

Pangila 22:3

Hi rala ngata toe uma-pi ria to ratotowi. Pohuraa Alata'ala pai' Ana' Bima, ria hi rala ngata toe. Pai' hawe'ea batua-na mpopue'-i,

2 Petrus 3:10

Aga bate rata moto-i mpai' Pue'-e! Pai' karata-na toe mekoncehi lia hewa karata topanako. Hi eo toe mokero langi' hante moni to paguru, pai' butu nyala-na pumpu ridi' nakoni' apu, pai' dunia' toi hante hawe'ea ihi'-na mampu hangkaa–ngkania.

1 Korintus 7:31

Tauna to sese' mpali' katuwua'-ra hi rala dunia', neo' ntora mpenonoi katuwu'-ra hi dunia' toi-wadi. Apa' dunia' to tapo'ohai' toi neo' kahudua-nami.

2 Korintus 6:17

”Jadi', bahakai-mi mpotuku' kehi-ra to uma mpo'incai-a, neo'-pi niposidai'-raka! Pokalaa katuwu'-ni ngkai hawe'ea gau' to dada'a. Ane nibabehi hewa toe, kudoa moto-koi.”

2 Korintus 5:17

Jadi', ane tauna mosidai' hante Kristus, manusia' to bo'u-imi. Katuwu'-na to ri'ulu timpaliu-mi. Mporata-imi katuwua' to bo'u.

Ibrani 12:27

Lolita to mpo'uli' ”hangkani-pi” toe, batua-na: Alata'ala mpolengo pai' mpogero dunia' to napajadi' tohe'i, apa' dunia' toi uma tida duu' kahae–hae-na. Jadi', hi eo mpeno, nagero omea, bona muntu' to uma ma'ala molengo-damo to tida.