Pangila 2:3 - Buku Tomoroli' Pojanci to Bo'u

³ Ntaha-koi mpotodohaka kaparia sabana pepangala'-ni hi Aku', pai' uma wa saleo nono-ni mpotuku'-a.

Pangila 2:3 Iomraidhean Croise

Markus 15:21

Hi lengko ohea, hirua'-ra hante hadua tauna to lako' rata hi ngata, pai' rapewuku-ki hi'a-mi mpopaha'a kaju parika'-na Yesus. Hanga'-na Simon to Kirene, tuama-ra hira' Aleksander pai' Rufus.

Lukas 14:27

Tauna to jadi' topetuku'-ku kana mpopaha'a kaju parika'-na–batua-na kana sadia-i mporata kaparia ba paiana rapatehi sabana petuku'-na hi Aku'. Jadi', tauna to uma dota mpopaha'a kaju parika'-na pai' mpotuku'-a, uma-i ma'ala jadi' topetuku'-ku.

Lukas 18:1

Oti toe, Yesus mpo'uli' hanyala lolita rapa', mpotudui' ana'guru-na bona tida-ra mosampaya pai' neo' mere' nono-ra.

Lukas 21:19

Ane uma mogego' pepangala'-ni hi Aku', bate mporata-koi katuwua' to lompe'.

Lukas 5:5

Na'uli' Simon: ”Guru, hamengia-makai ngone mobago, aga uma hama'aa ihi' jala'-kai. Aga nau' wae, kutene' moto, lawi' nuhubui-kai.”

Lukas 8:15

”Hawua' to monawu' hi tana' to morudu' mpobatuai tauna to mpo'epe Lolita Alata'ala, pai' lolita toe rakakamu hante kanoa' pai' karoli' nono-ra. Ntaha-ra mpotuku' Lolita Alata'ala, duu'-na ria kalaua-na hi katuwu'-ra.

Yohanes 15:21

Hawe'ea tohe'e rababehi hi koi' apa' topetuku'-ku-koi. Hawe'ea tohe'e rababehi hi koi', apa' uma-i ra'incai Alata'ala to mposuro-a.

Roma 12:12

Pakagoe' nono-ta, apa' moroho poncarumakaa-ta hi Pue'. Tari hi rala kasusaa'. Tida mosampaya.

Roma 16:12

Tabe-ku hi Trifena pai' Trifosa to mobago mpu'u-ramo hi rala bago Pue' Yesus. Tabe-ku hi Persis to kupe'ahi', to wori' wo'o-wadi pobago-na rala pobago Pue'.

Roma 2:7

Ria tauna to tida mogau' lompe', apa' doko' mporata-ra pe'une', pebila' pai' katuwua' to uma ria ka'otia-na ngkai Alata'ala. Hi tauna to hewa toe Alata'ala mpowai' katuwua' to lompe' duu' kahae–hae-na.

Roma 8:25

Jadi', ane tasarumaka kamporata-ta mpai' anu to ko'ia taratai, tari-ta mpopea.

1 Korintus 13:7

Ane ma'ahi'-ta hi doo, batua-na, tapengkatarii butu nyala kehi-na to uma tapokonoi, taparasaya oa' kehi to lompe' ngkai doo, tasarumaka kalompe'-na mpai' kehi-na, pai' mosabara oa'-ta nau' ba napa–napa anu merata.

1 Korintus 16:16

bona nipengkorui mpu'u-ra, nte hawe'ea tauna to hampobagoa-ra hi rala pobago Pue'.

2 Korintus 10:15

Ria wo'o-ra tauna to bohe nono-ra, to mpololita kalompe' wua' pobago-ra, ntaa' wua' pobago doo-di. Kai', uma kibabehi hewa tetu. Uma-kai mpo'une' woto-kai mpololita pobago to hi mali-na ngkai pobago to nawai'-kakai Alata'ala. Aga kisarumaka ompi', ane tetampai karoho pepangala'-ni, tetampai wo'o kabohe pobago-kai hi laintongo'-ni,

2 Korintus 11:23

Ra'uli'-rana, topobago Kristus-ra. Hangkedia'-nami aku', meliu tena-a ngkai hira'! (Mololita-a tohe'i-e, hewa to uma-apa monoto.) Meliu pobago-ku ngkai pobago-ra hira'. Wori' ngkani-a ratarungku', meliu ngkai hira'! Raweba' mperegea-a, meliu ngkai hira'! Wori' ngkani-a neo' mate.

2 Korintus 4:1

Alata'ala mpo'ongko'-kai jadi' topobago-na, kipakule' mpokamu bago toi sabana petulungi-na hi kai'. Toe pai' uma mere' nono-kai.

2 Korintus 4:16

Jadi', toe pai' ku'uli' we'i, uma mere' nono-kai. Nau' woto-kai toi ka'uu–uncua roho-na, aga nono-kai rabo'ui ncuu butu eo-na.

2 Korintus 5:9

Uma ta'incai ba narata-ta mpai' Pue' bula-ta tuwu'-pidi ba mpolia' mate-tamo. Aga nau' ba beiwa, tahuduwukui oa' mpobabehi napa to mpakagoe' nono-na.

2 Korintus 6:5

Raweba'-kai, ratarungku'-kai, mo'iko tauna tumai mpodulu-kai. Mobago ngkoro-kai, pontu-na uma-kai tepoleta', pontu-na uma-kai tepongkoni'.

Galatia 6:2

Kana mometulungi-ta hadua bo hadua, ba hema-ta to hi rala kasusaa', bona ngkai kehi-ta toe, tatuku'-mi atura Kristus.

Galatia 6:9

Toe-mi ompi' pai' neo' taka'ohai mpobabehi kehi to lompe', apa' ane tida-ta mpobabehi kehi to lompe', bate rata mpai' tempo-na tarata wua'-na.

Filipi 2:16

apa' niparata-raka Kareba Lompe' to ngkeni katuwua'. Ane hewa toe po'ingku-ni ompi', bohe mpai' nono-ku hi karata-na nculii' Kristus. Apa' po'ingku-ni toe-mi to mpakanoto hawe'ea bago-ku uma wa bayangi', ria moto wua'-na.

Filipi 4:3

Pai' kuperapi' hi iko, Sunsugus, ema'-ku to tida, tulungi-ra-rawo tobine to rodua toera, bona neo'-rapa mosisala. Bula-ku hi retu-pidi dohe-ni, mobago ntomo-ra mpodohei-a mpopalele Kareba Lompe', hante Klemens pai' wo'o doo–doo hampobagoa-ku to ntani'-na. Hanga'-ra ria omea te'uki' hi rala Buku Katuwua'.

Kolose 1:11

Merapi'-kai hi Alata'ala bona narohoi nono-ni hante hawe'ea kuasa-na, ntuku' kabaraka'-na to uma mowo kabohe-na, bona ntaha pai' tari oa'-koi, nau' ba napa–napa to mporumpa'-koi.

1 Tesalonika 1:3

Ane mosampaya-kai hi Alata'ala Tuama-ta, kikiwoi oa' pobago-ni to nipobago sabana pepangala'-ni, pai' kikiwoi wo'o petulungi-ni hi doo sabana ahi'-ni, pai' kikiwoi kantaha-ni hi rala pebalinaia' apa' ncarumaka-koi hi karata-na nculii' Yesus Kristus Pue'-ta.

1 Tesalonika 2:9

Tantu nikiwoi moto ompi' kamowewa-kai wengi mobago, hinamengi hina'eo-kai mpali' pongkoni'-kai, bona neo'-kai mposesei'-koi bula-kai mpotudui'-koi Kareba Lompe' to ngkai Alata'ala.

1 Tesalonika 5:12

Ompi'–ompi', kiperapi' bona nibila'-ra to mpokamu bago Pue' hi laintongo'-ni, apa' hira' to jadi' totu'a-ni hi rala Pue' pai' to mpoparesai'-koi.

2 Tesalonika 3:13

Aga koi', ompi'–ompi' omea, neo' nika'ohai mpobabehi to lompe'.

2 Tesalonika 3:5

Kisarumaka Pue' Yesus mpotete'-koi, duu'-na ni'inca mpu'u ahi' Alata'ala hi koi', bona ntaha-koi hi rala kasusaa', hewa kantaha-na Kristus wo'o.

2 Tesalonika 3:8

Uma-kai mpokoni' pongkoni' to uma ki'oli. Hinamengi hina'eo-kai mobago pai' mowewa bona neo'-kai mposesei'-koi.

1 Timotius 4:10

Toe-mi pai' mobago ngkoro-ta, apa' ncarumaka-ta hi Alata'ala to tuwu' duu' kahae–hae-na, Magau' Tompohore hawe'ea tauna, peliu–liu-nami tauna to mepangala'.

1 Timotius 5:17

Pangkeni agama to lompe' pompakeni-ra, toto-na lia-ra rawai' gaji' rongkani lau kawori'-na ngkai tau ntani'-na, peliu–liu-nami pangkeni to metudui' pai' mpoparata Lolita Pue'.

Ibrani 10:36

Kana tida-koi mepangala' nau' ba napa–napa to jadi', tuku' ncuu-mi konoa Alata'ala, duu'-ni mporata to najanci-kokoi.

Ibrani 12:1

Ompi'–ompi'! Ma'ala-mi ta'uli': hawe'ea tauna to tuwu' owi toera, mokore-ra ntololikia-ta, pai'-ra mporohoi nono-ta hante posabi'-ra. Toe pai' ku'apui nono-ni: Mai tatadi hawe'ea to mpolintai-ta. Mai tatadi jeko' to mpentoe-ta, pai' kana ntaha-ta mpotuku' ohea to napakatantu-taka Alata'ala, hewa tauna to motanta'.

Ibrani 13:13

Ngkai toe-mi ompi', hewa Yesus hilou hi mali ngata bona raruge', wae wo'o kita' kana mpobahaka petukua'-ta to ntani'-na, pai' mpotuku' Yesus-damo, nau' ba hema–hema to mporuge'-ta.

Ibrani 6:10

Alata'ala bate monoa'-i. Uma nalipo' bago-ni to nipobago-ki pai' ahi'-ni mpoka'ahi'-i. Monoto kampoka'ahi'-ni Alata'ala, apa' wori' petulungi-ni hi himpau ompi' hampepangalaa'-ni, lompe' hi tempo to timpaliu-mi, lompe' hi tempo toi.

Ibrani 6:12

Nee–neo' mpai' ria-koi to mengkawongo. Tuku'-mi-hana tonco tauna to mpangala' Alata'ala pai' to mosabara mpopea duu' kamporata-ra napa to najanci-raka.

Ibrani 6:15

Abraham, tida-i mepangala' hi Alata'ala, duu'-na mporata-i to najanci-ki.

2 Petrus 1:6

Oti toe, donihii ncuu petuku'-ni hi Alata'ala duu'-na nipakule' mpokuasai konoa woto-ni, ntaha hi rala kasusaa', mengkoru hi Alata'ala,

Pangila 1:9

Aku' Yohanes, ompi'-ni hi rala Yesus. Hibalia karabalinai'-ta sabana petuku'-ta hi Yesus, hibalia kamporata-ta bagia hi rala Kamagaua'-na Yesus, pai' hibalia wo'o kantaha-ta mpotodohaka pebalinai' toe. Rapatani'-a hi lewuto' to rahanga' Patmos apa' mpokarebai-a Lolita Alata'ala pai' mpangaku'-a kaYesus-na Pue'-ku.

Pangila 3:10

Lawi' nituku'-mi hawa'-ku to mpo'uli' kana ntaha-koi, toe pai' kupetalawai'-koi ngkai kasusaa' to mporumpa' humalili' dunia' mpai'. Tempo kasusaa' toe mposori hawe'ea tauna to mo'oha' hi dunia'.