Pangila 1:3 - Buku Tomoroli' Pojanci to Bo'u

³ Marasi'-i tauna to mpobasa lolita pelowa toi, pai' marasi' wo'o-ra to mpo'epe pai' mpotuku' napa to te'uki' hi rala-na, apa' neo' rata-mi kadupa'-na.

Pangila 1:3 Iomraidhean Croise

Matius 24:15

”Owi nabi Daniel mpolowa karata-na to rahanga' ’Topegerohi to dada'a.’ (Hema to mpobasa lolita pelowa toe, penotohi batua-na!) Jadi', ane nihilo to nalowa Daniel toe mokore hi tomi to moroli',

Lukas 11:28

Na'uli' Yesus: ”Aga to morasi' mpu'u-le, tauna to mpo'epe pai' mpotuku' Lolita Alata'ala.”

Roma 13:11

Hawe'ea toe kana tababehi, ompi', apa' ta'inca moto-mi napa to masipato' tababehi hi tempo toi. Memata-tamo ngkai poleta'-ta, apa' neo' rata-mi tempo-na Pue' Yesus tumai mpohore-ta ngkai dunia' to dada'a toi. Ngkai lomo' pepangala'-ta hi Pue' duu' tempo toi, kamoo–mohua'-mi tempo karataa Pue' Yesus toe.

Roma 13:12

Bengi-na neo' timpaliu-mi, pai' neo' mehupa'-mi eo. Toe pai' kana tatadi kehi–kehi to hi kabengia-na, pai' tahenta-mi rewa mpanga'e to hi kabajaa-na.

1 Petrus 4:7

Ompi'–ompi', neo' rata-mi kahudua dunia' hante hawe'ea ihi'-na. Toe pai' mo'inga'–inga'-mokoi pai' pakanoto-mi nono-ni, bona motora-koi mosampaya.

2 Petrus 3:8

Aga koi' ompi'–ompi' to kupe'ahi', to hanyala toi neo' mpu'u nilipo'. Ria tauna to mpo'uli' mahae rahi-mi, ko'ia oa'-di rata Pue'-e. Tapi' hi rala poncilo Pue', hancobu mpae hibalia ha'eo-wadi, pai' ha'eo hibalia hante hancobu mpae. Pue' uma lera' mpopadupa' tipa'-na. Ko'ia-i rata wae lau, apa' kamosabara-na hi koi', uma napokonoi ane ria nte hadua to rahuku'. Konoa-na bona hawe'ea tauna mologa medea ngkai jeko'-ra.

Pangila 22:10

Pai' na'uli' tena-ka: ”Neo' nuwunii' lolita pelowa to hi rala sura toi, apa' neo' rata-mi kadupa'-na.

Pangila 22:12

Na'uli' Pue' Yesus: ”Neo' rata-amae', pai'-a mpohiwili kehi butu dua tauna ntuku' napa to rababehi.

Pangila 22:20

Yesus mposabii' hawe'ea lolita toi, pai' na'uli': ”Makono! Neo' rata-ama.” Amin! Tumai-moko, Pue' Yesus!

Pangila 3:11

”Neo' rata-ama! Perohoi ngkakamu tudui' to ni'inca-mi, bona Alata'ala mpowai'-koi mpai' parasee ngkai pedagi-ni. Nee–neo' mpai' ria to mpahala'nawu'-koi alaa-na uma nitarima parasee tetu.